Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Antxon Alonso enpresaburua, Auzitegi Gorenera iritsi berritan. Argazkia: EFE
Antxon Alonso enpresariak Auzitegi Goreneko epailearen aurrean deklaratu du. Haren esanetan, Santos Cerdan PSOEko Antolakuntza idazkari ohiak Servinabar enpresaren bazkide izateko dokumentua sinatu egin zuen, baina bazkidetza ez zen omen inoiz gauzatu. Bestalde, aitortu du Jose Luis Abalos ministro ohiaren fundazioari 4.500 euro eman zizkiola.
Alonsorekin batera, 2021era arte Acciona enpresan hainbat kargu izan zituen Fernando Agustin Merinok ere Leopoldo Puente Auzitegi Gorenaren epailearen aurrean deklaratu du.
'Cerdan auzia'ren ikerketa abiatu zuen UCOren txostenean agertzen zen Antxon Alonsoren izena, zehazki, haren etxean aurkitutako 2016ko kontratu pribatu batean. Kontratu horren bidez, Cerdanek Servinabar Nafarroako esleipen-enpresa akzioen ia erdiak erosi zituen.
Astelehen honetan Auzitegi Gorenean egindako deklarazioan, defentsa-abokatuaren galderei soilik erantzun die Alonsok, Cerdanek emandako bertsioa berretsita, hau da, buruzagi ohi sozialistak 2016an dokumentua sinatu zuela (politika uzteko asmoa omen zuelako), baina azkenean atzera egin eta akordioa bertan behera geratu zela. Alonsok, ordea, dokumentua gorde zuen, argi utzita, dena dela, ez zuela inolako baliorik.
Bestalde, aitortu du 4.500 euro eman zizkiola Fiadelso Jose Luis Abalos ministro ohiaren fundazioari, arrazoi fiskalak zirela eta, beste erakunde batzuekin egin zuen bezala, besteak beste, emakumezkoen futbol eta errubgi taldeei eta Save the Children GKEari.
ACCIONA
Bestalde, Goreneko epailearen aurrean egindako deklarazioan, Agustin Fernandez Merino Accionako arduradun ohiak ez du onartu Santos Cerdani, Abalosi eta ikertutako inori eskupekoak ordaindu izana. Azpimarratu duenez, berak ez zuen obra publikoetara aurkezteko erabakitzeko ahalmenik, eta haren lanaren berri ematen ziola Iparraldeko eremuko arduradunari.
Merinoren arabera, Aldi Baterako Elkarte horietako batean, Accionak bat egin zuen Servinabar enpresarekin, elkarrekin aurkeztea egokitu zitzaien eta, tokiko eraikuntza-enpresa bat zelako eta esleipenen kasuan inguruko enpresa batek parte hartzea zelako "ohikoa".
Merinok abokatuaren, fiskalaren eta epailearen galderei erantzun die. Azaldu duenez, Cerdan 2014an ezagutu zuen, "eragile sozialekin" egindako ohiko aurkezpen batean. Orduan, Cerdan Nafarroako Parlamentuko oposizioan zegoen. Gaineratu du ez zutela inoiz elkarrekin afaldu, baina aitortu du inoiz "pintxo bat" hartu dutela elkarrekin.
Merinok argitu duenez, Espainiako Ministerioak esleitzen zituen obrak ez ziren bere eskumenekoak, eta ikertzen ari diren horietako batzuk ez direla bere esparrukoak.
Bestalde, adierazi du Koldo ezagutu zuela, baina ez ziola inoiz esan Servinabarrentzat egiten zuela lan, eta esan du ez duela loturarik 'M. Fomento' izenburuko dokumentuarekin; izan ere, esan du aholkulari ohiak nahi gabe bidaliko ziola, berarentzat ez omen zuelako interesik.
Politikari buruzko albiste gehiago
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.
Auzitegi Gorenak ez du Bolaños ministroa ikertuko, Begoña Gomezen kasuaren baitan
Bolaños dirua bidegabe erabiltzea eta lekukotza faltsua ematea leporatuta zen ikertzekoa Juan Carlos Peinado instrukzio-epailea.
Europako Batzordeak zalantzan jarri du amnistia legeak "interes orokorrari" erantzuten dionik
Europako Batzordearen izenean parte hartu duen abokatu espainiarraren arabera, argi dago amnistia legea Sanchezen inbestidura lortzeko akordio politiko baten ondorio dela. Halaber, nabarmendu du Veneziako Batzordeari entzungor egin eta legea premiaz tramitatu izanak klase politikoaren, erakundeen eta gizartearen arteko "arrakala are sakonagoa" izatea eragin duela.
Eusko Jaurlaritzak espero du Estatuak "borondate politikoa" izatea "hartutako konpromisoak" egin egin daitezen
Pradales lehendakaria eta Sanchez Espainiako gobernuburua buru direla, bi gobernuek gaur arratsaldean Moncloan egingo duten bileraren atarian, Maria Ubarretxena Eusko Jaurlaritzaren bozeramaileak adierazi du hilabeteak daramatzatela zain eta muin lanean, akordioak lor daitezen. "Gaur Euskadirentzat egun garrantzitsua izan daiteke", gaineratu du.
Gizarte Segurantzaren lehen blokearen balizko eskualdatzea “transferentzia oso mugatua, leihatila aldatzea” dela uste du ELAk
Mitxel Lakuntza ELAren idazkari nagusiaren arabera, praktikan ez da sakoneko aldaketarik izango, hau da, lehen 'Espainiako Gobernua' zioen leihatilan aurrerantzean 'Eusko Jaurlaritza' jarriko omen du. Hala ere, uste du zentralizazioa ez dela amaituko, eta aurrerantzean ere erabakiak Madrilen hartuko direla.
Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek gaurko hitzorduan
Transferentzien Aldebiko Batzordea Madrilen bilduko da gaur, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.