"Herri gisa bizirauteko senagatik", EH Bilduk PP agintera heltzea "eragotziko" du
Oskar Matute EH Bilduren diputatuak berretsi du koalizioaren ustez ez direla "nahikoak" Sanchezek ustelkeriaren kontra iragarritako neurriak. Gaineratu du, halaber, ez direla egungo Gobernua "porrot eginarazten saiatuko".
Oskar Matute, artxiboko irudi batean.
Ustelkeriaren kontrako neurriak iragartzeko Pedro Sanchez Espainiako Gobernuko presidenteak atzo egindako agerraldiaren ondoren, Oskar Matute EH Bilduren diputatuak esan du "kontrakorik frogatzen ez den bitartean", Sanchezen "zintzotasunean" sinisten duela. Bere hitzetan, orain arte inork ez du mahai gainean jarri zintzotasun hori zalantzan jartzeko moduko daturik.
Atzoko agerraldian Mertxe Aizpurua koalizioaren diputatuak Kongresuan esandakoak berretsi egin ditu Matutek: EH Bilduren iritziz, presidenteak iragarritako nerriak "ez dira nahikoa", baina argi utzi du ez dute urratsik emango egungo gobernuari "porrot eginarazteko" bidean.
Radio Euskadin egindako elkarrizketan, Matutek azaldu du "herri gisa bizirauteko senagatik" PP agintera heltzeko lanean jarraituko duela. Uste du, halaber, Alberto Nuñez Feijoo PPren presidenteak atzo "aukera bat galdu" zuela, PSOEren "gabeziak" azaleratzeko eta Sanchezen exekutiboari "jarraitzeko zailtasunak" jartzeko.
Marra gorriei buruz galdetuta, adierazi du EH Bilduk inoiz ez duela babestuko ustelkeriarekin zikindutako ezein alderdi.
Zure interesekoa izan daiteke
Albiste izango dira: Rajoy eta Cospedal 'Kitchen' auziko epaiketan, Liburuaren Eguna eta Ekialde Hurbileko gerraren azken ordua
Gaurkoan Orain-en albiste izango direnen laburpena, bi hitzetan.
Rajoyk eta Cospedalek lekuko gisa deklaratuko dute gaur Kitchen auziaren epaiketan
Espainiako Gobernuko presidente ohia eta haren bigarrena lekuko gisa agertuko dira gaur Auzitegi Nazionalean, eta, beraz, egia esatera behartuta daude.
Migratzaileen lan-baimenen eskumena Nafarroak har dezala eskatuko du UPNk
Gainera, migrazio arloko beste neurri batzuk proposatuko ditu, hala nola udalentzako laguntzak biztanleria migratzailearen bolumenaren arabera doitzea, titulazioen homologazioa erraztea eta jatorrizko herrialdeetan kontratatzea errazteko estatuko legeak aldatzea.
“Lehentasun nazionala”, Extremadurako eta Aragoiko gobernu-akordioen ardatz
Maria Guardiola Extremadurako presidente izendatu dute asteazken honetan PPren eta Voxen aldeko botoekin, aurreko astean akordioa lortu ondoren. Aragoin ere adostasun batera iritsi dira bi alderdiak eta hurrengo astean izendatuko dute Jorge Azcon presidente.
Iparragirrek eta Azpiazuk damua agertzen duten gutunak egin ditu publiko Auzitegi Nazionalak, auto banatan
Biktimei zuzendutako hiru gutun dira publiko egin direnak, Iparragirreren bat eta Aspiazuren bi. Eragindako mina aitortzen dute ETAko buruzagi izandakoek.
Espainia NATOtik ateratzeko erreferenduma eskatzen zuen Podemosen mozioa errefusatu du Kongresuak
Besteak beste, moreek proposatutako testuak Rota eta Morongo baseetan AEBko jarduera militar oro bertan behera uztea eskatzen zuen, eta Espainiako historiako gastu militarraren igoerarik handiena lehengoratzea ere.
Kongresuak arma zuriei buruzko legedia gogortzeko PPren plana onartu du, zigor eta aldaketa gehiagorekin
Halaber, debekatutako armen katalogoa handitzea eta Internet bidezko salmentaren gaineko kontrola indartzea eskatu dute. Ekimenak aurrera egin du PPren, Voxen eta UPNren babesarekin.
Marisol Iparragirreri erdi-askatasuneko erregimena ukatu dio epaileak
100.2 artikulua aplikatuta, joan den martxotik, lo egitera joaten zen espetxera, aste barruan eta asteburuetan. Erabaki horren ondorioz, espetxean gelditu beharko du. Iparragirreren abokatuak EITBri aurreratu dio helegitea aurkeztuko dutela.
Ubarretxena: "Euskarak akordioak behar ditu, ez du zarata behar"
Gobernantzako, Administrazio Digitaleko eta Autogobernuko sailburu eta Eusko Jaurlaritzaren bozeramaile Maria Ubarretxenak adierazi duenez, ez dute "ezer hautsitzat eman", eta EAJk eta PSE-EEk EAEko administrazio publikoan LEPetan euskararen segurtasun juridikoa indartzeko egiten dituzten elkarrizketek "jarraitzen dute" eta "oraindik badago tarterik" akordio bat lortzeko. "Azken momentura arte" itxaron behar dela aipatu du.
Marlaskak dio Korrikan presoen argazkiak erakustea legez ez dela delitua
Fernando Grande Marlaska Espainiako Gobernuko Barne ministroak esan du "nazkagarriak" iruditu zitzaizkiola azken Korrikan ikusitako hainbat irudi, besteak beste, ETAko preso baten argazkia soinean zeraman haurrarena. Azaldu du segurtasun indarrek adi jarraitzen dutela halako gertakarien aurrean, baina, legea eskuan, ekintza horiek ez direla delitua erantsi du. Senatuan egin ditu hitzok ministroak, UPNko Maria Caballerori, ETAk hil zuen Tomas Caballero Iruñeko zinegotzi izandakoaren alabari, erantzunez.