Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Jose Luis Abalos Auzitegi Gorenaren kanpoaldean. Artxiboko argazkia: EFE
Diputatuen Kongresuak Auzitegi Gorenari jakinarazi dio 751.421,56 euro ordaindu zizkiola Jose Luis Abalos Garraio ministro ohiari, soldata eta dieta artean, 2014tik 2024ra bitartean. Koldo auziko instrukzio epaile den Leopoldo Puenteren arabera, buruzagi sozialistaren bankuko kontuetako zifrak ez zetozen bat Ogasunak emandako informazioarekin. Hori dela eta, Gorenak errekerimendua egin zion Kongresuari.
Ogasunaren informazioa aintzat hartuta, Guardia Zibilaren UCO Unitate Zentral Operatiboaren txostenak jasotzen duen kopuru ia bera da (751.421,57 euro).
Guardia Zibilak ohartarazi zuen Abalosen kontu korronteetan 79.841,74 euroko diru-sarrerak ageri zirela tarte horretan.
Zifra dantza horrek bultzatu zuen instrukzio epailea Kongresuari informazioa eskatzera.
Kongresuak bidalitako informazioaren artean, bidaia gastuak ere jasotzen dira, 2745,26 guztira.
Abalosek PSOEri egindako dohaintzetan ere datu kontrajarriak hautematen zituen Guardia Zibilak. Ogasunaren arabera, 44 729,29 euro dohaintzan eman zizkion alderdiari, baina bankuetako kontuek 8.471,36 euro baino ez zituzten islatzen. Hori dela eta, instrukzio epaileak informazioa eskatu zion PSOEri.
Zure interesekoa izan daiteke
Euskal selekzioaren aldeko mobilizazioak deitu dituzte Mundialeko Finala baino bi ordu lehenago
Elkarretaratzeak 19:00etan izango dira Bilbon, Donostian, Gasteizen eta Iruñean, eta igandean balkoietan ikurrinak jartzeko eta euskal selekzioaren kamisetak janzteko ere eskatu dute.
Ezkerreko alderdiek Errepublikaren berrezarpena aldarrikatu eta faxismoa salatu dute Gasteizen
Errepublikako Gobernuaren aurkako estatu kolpearen 90. urteurrenean, EH Bilduk, Ahal Duguk, Ezker Anitzak, Berdeak Equok eta Sumarrek "olatu erreakzionarioaren" aurkako "fronte antifaxista" osatzeko deia egin dute, eta "eskubide sozial, kolektibo eta nazionalak" blindatzeko prozesu "herrikoi eta errepublikarraren" bideari ekitea eskatu dute.
PPk alkategai berdinekin jarraituko du Bilbon, Donostian eta Iruñean eta Iñaki Garcia Calvo estreinatuko da Gasteizen
Alderdi Popularrak datorren urteko maiatzean egingo diren udal hauteskundeetarako hiriburuetarako hautagaitzak ofizial egin ditu gaur Galizian, Santiagon, egindako ekitaldi batean.
Frankismoak hildako 3.700 lagunak eta milaka errepresaliatuak gogoratu dituzte Nafarroako elkarte memorialistek
San Frantzisko plazan egin duten ekitaldian, Ansoleagako Guardia Zibilaren kuartelaren aurrean, loreak jarri dituzte errepresioaren biktimen omenezko plakaren ondoan. Horrez gainera, agintariei eskatu diete eraikin hori oroimenerako leku izenda dezatela.
PSE-EE kritiko azaldu da EAJko eta EH Bilduko alkateek elkarrekin Bergaran egingo duten ekitaldiarekin
Jose Ignacio Asensio PSE-EEren Gipuzkoako idazkari nagusiaren esanetan, beren subiranotasun obsesioaren erakusle izango da ekitaldia. Hala, gizartea zatitzea leporatu die bi alderdiei, eta abertzaleentzako soilik izango den gizarte bat eraiki nahi izatea.
Altxamenduaren ondoren emakumeek jasan zuten jazarpena gogoratu du Ana Ollok
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako kontseilaria Lodosan izan da, 1936ko estatu-kolpearen ondoren fusilatutako 136 pertsonen omenaldian parte hartzen. Iruñearen ondoren, Lodosa izan zen Gerra Zibilean hilketa gehien jasan zituen udalerria.
Lourdes Herrasti eta Paco Etxeberria omendu dituzte, memoria demokratikoa berreskuratzeko egindako lanagatik
Gerra Zibilaren hasieraren 90. urteurrena dela eta, Gipuzkoako Foru Aldundiak ekitaldi instituzionala egin du ostiral honetan Aieteko Jauregiaren lorategietan, Giza Eskubideen Etxearen egoitzan.
Negoziatzen ari diren transferentzien inguruko proposamen berriak jaso ditu Jaurlaritzak: Gizarte Segurantza eta portuak
Bi aldeek adostutakoaren arabera, akordioak abuztua baino lehen itxita beharko luke. "Hori da gure epemuga, eta epemuga horrekin lanean ari gara", adierazi du aste honetan Maria Ubarretxena Gasteizko Gobernuko bozeramaileak.
Bingen Zupiria: "Inola ere ez da gure politika inmigrazioa eta segurtasuna nahastea"
Bingen Zupiria Eusko Jaurlaritzako Segurtasun sailburuak nabarmendu du bere Sailaren politika “ez dela inola ere immigrazioa eta segurtasuna nahastea”, Arartekoaren azken agiriaren harira. Horrekin batera, adierazi du euskal gizarteak “eskatzen duela legeak eta arauak betetzen ez dituenarekin, izan kanpokoa edo izan hemengoa, gogorrak izatea”. ‘Basque Segurtasun Foroa: Segurtasun Integrala eta komunitatea’ udako ikastaroaren itxieran egin ditu adierazpenak.
12 urtean pantaila handirik ez duela jarri argudiatu du Aburtok eta Etxeberriak finala Plaza Berrian ikusteko gonbita egin du
Juan Mari Aburto Bilboko alkateak azaldu duenez, Munduko Futbol Txapelketako finala ikusteko pantaila erraldoiak jartzeko eskaera bakarra jaso du Udalak, PPrena, eta onartu egin du. Gasteizko Udalak Plaza Berrian pantaila erraldoia jarriko du eta Maider Etxebarria alkatea Espainiako kamiseta jantzita agertu da kazetarien aurrera eta igandean Plaza Berrira joateko deia egin du.