Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Leopoldo Puente Auzitegi Goreneko magistratuak baztertu egin du astelehen honetan Jose Luis Abalos Garraio ministro ohi eta PSOEko Antolakuntza idazkari ohiak eta Koldo Garcia aholkulari ohia behin-behinean espetxera bidaltzea, eta atzera bota du PPk gidatutako herri-akusazioek eskatutakoa. Hala, bien aurkako kautelazko neurriak mantentzea erabaki du.
Epaileak deklaratzera deitu zituen biak, Abalosek zuzentzen zuen ministerioko ustezko ustelkeria sarearekin zerikusia zutelakoan. Datorren astelehenean, ekainaren 30ean, Santos Cerdanen txanda izango da.
Abalos protesta oihuen artean iritsi da Auzitegira, eta 10:00ak pasatxoan deklaratu du Auzitegi Gorenean. Adierazi duenez, zabaldu diren grabaketetan ez du bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Hala, Leopoldo Puente epailearen aurrean ukatu egin du ustezko ustelkeria sarearekin zerikusirik izan duela.
Koldo Garciak, bere aldetik, goizean eskatu du bere agerraldia atzeratzeko. Baina epaileak eskaria baztertu du, azpimarratuta ikerketapekoek ez dutela erabakitzen auzitegien agenda zelakoa den. Halaber, ohartarazi dio gaur agertu ezean, haren kontrako neurri gehiago hartuko zituela. Hala, 12:00ak aurretik iritsi da auzitegira "ustel" oihu artean. Nolanahai ere, ez deklaratzeko hautua egin du.
Herri akusazioek behin-behineko espetxealdia eskatu dute Abalosentzat, baina epaileak baztertu egin du neurria, eta fiskaltzak eskatzen zuen kautelazko neurriei eustea erabaki du; hau da, pasaportea kendu eta 15 egunetik behin epaitegira ager dadila.
Hirugarrenez joan dira ministro ohia eta horren aholkulari ohia Gorenera. Oraingo honetan, instruktoreak Guardia Zibilaren Unitate Zentral Operatiboaren (UCO) txostenaren ondoren deitu die; izan ere, dokumentu horrek Santos Cerdan PSOEko Antolakuntza idazkari ohiaren ustezko inplikazioa azaleratu zuen.
Nafarroako Gobernua ez da akusazio partikular gisa aurkeztuko
Maria Chivitek zuzendutako Gobernuak joan den astean erabaki zuen akusazio partikular gisa aurkeztea, eta magistratuak uko egin dio haren gobernuak egindako eskaerari, ez baitu zehaztu zer egitatek ekarriko luketen auziaren kaltedun izatea. Izan ere, Guardia Zibilaren azken txostenean aipatutako enpresetako batzuk Foru Gobernuaren obra publikoetako esleipendunak dira, eta hori dela eta egin zuen eskaera Chiviteren gobernuak.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.