Abalosek ukatu egin du atzerrian dirurik edota ondarerik duela
Espainiako Gobernuko Garraio ministro ohi Jose Luis Abalosek —Koldo auziagatik Auzitegi Gorenak inputatua— ukatu egin du atzerrian dirurik edota ondarerik duela, "ez zuzenean eramanda, ezta bitartekarien bidez ere". Hartara, erantsi du ezingo dituztela eskudiruz egindako ordainketak frogatu, ez duelako halakorik egin. "Dominikar Errepublikan argazkiak ditudan? Zer zerikusi dut nik horrekin guztiarekin?", galdetu du ministro ohiak El Pais egunkariari telefonoz emandako elkarrizketan, auzian nahasitako Victor Aldama komisionistak egindako akusazioen harira.
Abalosek ikertu gisa deklaratuko du abenduaren 12an, talde kiriminal bateko kide delakoan, eta funtzionarioen eroskeria, influentzia trafikoa eta dirua bidegabe erabiltzea egotzita. Horrekin lotuta, eta Aldamak esandakoa mintzagai, esan du "gezur asko" daudela tartean, "nahiz eta egia batzuk ere badiren, istorioa sinesgarria izan dadin, beharrezkoa baita egiaren bat edo beste esatea".
Horiek horrela, ukatu egin du Madrilgo Castellana pasealekuan kokatutako 1,9 milioi euroko etxebizitza bat jaso behar zuela, etorkizunean eraikuntza enpresa batzuek obra publikoko kontratuen truke egingo lizkioketen ordainketen "berme" gisa. "Etxebizitza horretan maizter bat zegoen. Ez dut gogoratzen kontratu hori sinatzera heldu nintzen ala ez, baina ezinezkoa zen gauzatzea".
Cadizko txalet batekin lotuta zabaldutako informazioaz esan du froga dezakeela alokairu kontratu bat duela, bere kontutik ordaindu zituela hileko kuotak, eta kaleratu egin zutela. "Hori guztia frogatuta geratu zen Ogasunaren 2022ko eta 2023ko azterketetan", erantsi du. Hidrokarburoen enpresari Carmen Pano ezagutzen duela ere ukatu du.
"Estolda mediatiko" baten jomuga sentitzen da Abalos, eta penaturik dago "erabili eta botatzeko material" bihurtu dutelako, bere familia ere tartean sartuta. Espainiako Garraio ministro ohiaren iritziz, prozesu horretan bere intimitatea "lehertu" dute, eta aurretik zuten erabakita bera inputatzea.
Zure interesekoa izan daiteke
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.