Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
Jose Luis Abalos, Valentzian duen etxebizitzaren atarian, maiatzaren 10ean. Argazkia: EFE
PSOE alderdia bete-betean nahastu duen ustezko ustelkeria kasuari lotuta, Jose Luis Abalos Espainiako Garraio ministro izandakoak biktima gisa aurkeztu du bere burua. Horren esanetan, Santos Cerdan eta Koldo Garciaren ustezko "ustelkeria dinamika" aurretik zetorren, eta Nafarroan zuen jatorria. Azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
Ser irrati kateari ostegun honetan eskaini dion elkarrizketan, Abalosek esan du bera dela kasu honetako “baboa” edo “ergela”.
Alderdi Sozialistako Antolakuntza idazkari ere izan zenak esan du ez duela bere burua ezagutzen hedabideetan zabaldu diren audioetan. Halaber, Abalosek ukatu egin du obra publikoak esleitzearen truke komisioak jaso eta PSOE modu irregularrean finantzatu izana.
Guardia Zibilak bere etxebizitza erregistratu zuenean berarekin zegoen emakumea disko gogor bat ateratzen ahalegindu zen. Horri buruz galdetuta, Abalosek erantzun du bertan gordeta zeukala bere defentsarako estrategia: Sanchezekin, ministroekin eta hainbat hedabidetako zuzendariekin 2021etik izandako elkarrizketak. Edozein kasutan, horren arabera, elkarrizketa garrantzitsu guztiak Guardia Zibilaren esku daude Koldo Garciaren etxea erregistratu zutenetik; izan ere, aitortu du Koldoren etxean gordetzen zuela ministro zen garaiko dokumentazioa.
Bestalde, Abalosen iritzian, Sanchezek gaizki tratatu du. Bere kontrako zantzuak agertu zirenean, baztertu egin zuen, eta, aldi berean, Cerdanen errugabetasuna defendatu du azken unera arte.
Azkenik, emakumeekin duen harremanaz galdetuta, esan du inork ez duela bere bizitza pribatuaren analisi garbirik lortuko, eta astelehenean Auzitegi Goreneko epailearen aurrean deklaratuko duela baieztatu du. Ildo horretan, ez du baztertu Fiskaltzarekin akordioa lortzea.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.