Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Nafarroako Parlamentuak 2026rako aurrekontuak onartu ditu ostegun honetan. Hamargarrenez, Gobernuak, parlamentuan gehiengorik izan gabe ere, kontuak aurrera atera ahal izan ditu. Gaurkoan, PSNren, Geroa Bairen eta Contigo-Zurekinen aldeko botoekin eta EH Bilduren abstentzio itunduari esker atera da aurrera aurrekontu legea.
UPNk, PP,l Talde Mistoak (Vox) eta atxiki gabeko parlamentariak, berriz, kontra bozkatu dute.
Gauzak horrela, 6.741,5 milioi euroko aurrekontua izango du datorren urtean Nafarroako Gobernuak, horietatik 6.318,6 gastu ez-finantzarioari dagozkio (Nafarroako Gobernuko, Nafarroako Parlamentuko eta Nafarroako Kontseiluko departamentuak), eta gainerakoa, 422,9 milioi, gastu finantzarioari (zorraren amortizazioa eta interesen ordainketa).
Gastu ez-finantzarioaren muga % 5,2 igo da, 332 milioi igo da 2025eko aurrekontuarekin alderatuta, 5.986,6 milioi eurokoa izan baitzen orduan muga hori.
Azken bi asteetan, Parlamentuko batzordean, guztira 19,1 milioi euroko balioa duten 368 zuzenketa sartu dira, guztiak Gobernua osatzen duten alderdiek (PSN, Geroa Bai eta Contigo-Zurekin) eta EH Bilduk proposatutakoak.
Azken horiek in voce zuzenketa bat aurkeztu dute osoko bilkuran, eta aurrera atera da. UPNk, berriz, 7 ekimen aurkeztu ditu hainbat herritako proiektuetarako, baina atzera bota ditu parlamentuaren gehiengoak.
Oposizioak, "ustelkeria" mintzagai
Taldeen txandan, Javier Esparzak (UPN) PSN-PSOEren "ustelkeria morala" kritikatu du. Aurrekontuak, Gobernua bezala, "agindu bai, baina betetzen ez" dutenak direla ondorioztatu du, "herritarren arazoei erantzuten jakin ez duen ezker koldar baten isla", zeinaren Aurrekontuek "kudeaketaren porrota berresten duten".
Javier Garciak (PP), Gobernuari esan dio: "Kudeatzeko sinesgarritasuna behar dela, zuek ez duzuena". Ukatu egin du Gobernuan "elkarrizketa eta adostasuna" dagoenik, esanez Gobernuaren "arrabolak" aurrekontu "kontinuista" horien aurkako oposizioaren proposamen guztiak errefusatu dituela. Nazionalismoak gero eta gehiago markatzen dituen aurrekontuak direla salatu du, "bazkide arteko sari-banaketa" bat..
Talde Mistoko Emilio Jimenezek (Vox) aurrekontu hauek “arpilatzeko, ustelkeriarako eta traiziorako tresnatzat” jo ditu, lehenik eta behin herritarrei egindako "presio fiskal jasanezinagatik", bigarrenik kudeaketa sozialistagatik eta hirugarrenik, bere ustez, "baserri batean bi delitugileren artean duelako jatorri kutsatua eta ezmorala duelako", esan du EH Bilduren babesari buruz.
Maite Nosti Voxeko parlamentari ohiak ere, gaur egun inongo alderditara atxiki gabe dagoena, deitoratu du kontu horien atzean dagoen "gardentasun eta lehentasun falta". Bere iritziz aurrekontuek "ez dute nahikoa kontrolik eta estrategiarik", eta atea irekitzen diote ustelkeriari.
Aldekoentzat, egonkortasuna ematen dute
Ainhoa Unzuk (PSN) uste du "egonkortasunaren, kohesioaren eta justizia sozialaren eredu argia" dela aurrekontua, eta "gure ongizate estatua blindatzeko apustu garrantzitsua" egin duela, "eskuindarren proiektu atzerakoiarekin" kontrastean.
Geroa Bairen izenean, Mikel Asiainek Nafarroari "egonkortasun politiko eta ekonomikoa" ematen dion "lauko akordioa" txalotu du; bere alderdia "bermatzaile" dela babestu du eta nabarmendu du aurrekontuen erdia baino gehiago gastu sozialera bideratuko dela.
Miguel Garridok (Contigo-Zurekin) esan duenez, gaur egungo "bidegurutze historiko" globalean eta "Ongizate Estatuaren tentsio" testuinguruan "Nafarroarentzat onak diren aurrekontuak" dira. Azpimarratu duenez, beharrezkotzat jo du "jauzi kualitatibo bat" ematea, eta Chiviteri "gehiago eskatzen" dietela baieztatu du.
EH Bilduri dagokionez, Laura Aznalek koalizioaren abstentzioa argudiatu du: "Hauek ez dira gure aurrekontuak", esan du, baina ahalbidetu egin dituztela gobernuaren politikei "anbizio eta ausardia handiagoa" ematen dieten proposamenak onartu dizkietelako, eta horiekin, kontuak "hobetu". EH Bilduren lehentasuna "zerbitzu publikoak blindatzea eta eskubideetan aurrera egitea" izan da, "pertsonen beharrak jarrita negoziazioaren erdigunean".
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.