Ikurrina eztabaida legegiletik kanpo geratu da Idahon, eta eraikin ofizialetan jarraitu ahal izango du
Lehendakariak Idahoko Estatuko Ordezkarien Ganberari horren inguruko azalpenak igorri ostean, Eusko Jaurlaritzak esan du ez dutela ikurrina debekatuko.
Ikurrina azkenean ez dute debekatuko Idahon, eta lehendik zegoen eraikin ofizialetan jartzen jarraitu ahal izango dute. EITBk kontsultatutako Eusko Jaurlaritzako iturrien arabera, ikurrina AEBko estatu horretako Ordezkarien Ganberan irekitako eztabaida legegiletik kanpo geratu da, espresuki.
Eztabaida urtarrilaren 29an sortu zen, Hill ordezkari errepublikanoak Idahoko Ganberako Kanpo Arazoetarako Batzordean parte hartu zuenean, espazio publikoetan banderak erakusteari buruzko lege proposamen baten inguruko eztabaidaren baitan. Testuak ikurrina espresuki aipatzen ez bazuen ere, horren adierazpenek ezinegona sortu zuten AEBko euskal diasporan.
Horren harian, Idahoko euskal komunitateak bere kezka helarazi zion Eusko Jaurlaritzari, Kanpo Harremanetarako Idazkaritza Nagusiaren bitartez, eta, horren aurrean, Lehendakaritzak esku hartzea erabaki zuen. Iturri horien arabera, “Idahoko estatuko barne gaietan ez sartzea” erabaki zuten, eta soilik zehaztasunik gabekotzat jotzen zituzten baieztapenak argitzera mugatzea.
Testuinguru horretan, Imanol Pradales lehendakariak idatzi bat igorri zion Idahoko Ordezkarien Ganberako Batzordeko buruari otsailaren 9an, astelehenean. Eskutitza eskuan eman zioten astearteko saioan, otsailaren 10ean, irakurtzeko edo, bestela, Batzordearen erregistro ofizialean sartzeko.
Agerraldi horren ostean, asteazkenean, Jaurlaritzak jakin zuen eztabaidatik kanpo utzi dutela ikurrina, Pradalesek horren inguruko azalpenak eman ostean. Idahon azaldu zuenez, ikurrina bandera ofiziala eta erabat legezkoa da Espainiako Estatuan, eta, beraz, ez dago lege-proposamenean jasotako murrizketen menpe. Nolanahi ere, Jaurlaritzaren arabera, legearen jatorrizko testuak “ez du inoiz ikurrina aipatu”.
Eusko Jaurlaritzako iturrien esanetan, ikurrina, hala erabakiz gero, Idahoko espazio publikoetan eta Gobernuaren eraikinetan jartzen jarraitu ahal izango dute.
"Askatasunaren eta berdintasunaren ikurra"
Lehendakariak mezu bat zabaldu du X sare sozialean, euskal herritarron ikurra Idahon erabiltzeko debeku-asmoak porrot egin ondoren. "Herri baten ikurrak ez lirateke sekula legez kanpo utzi behar. Sinbolo horiek askatasunaren eta berdintasunaren ikurrak dira", azpimarratu du Pradalesek.
Testuinguru horretan, eskerrak eman dizkie, euskal herritar guztion izenean, ikurrina Idahon erabiltzeko debeku-asmoa ekiditea "posible egiten lagundu duten guztiei".
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.