Gorrotxategik hautetsontziak botoz betetzeko deitu du, ezkerreko Gobernua lortzeko
Miren Gorrotxategi Elkarrekin Podemos-IUko lehendakarigaiak euskal herritarrei eskatu die igandean bere koaliziorako boto ugariz betetzeko hautetsontziak, "ezkerreko Gobernua lortzeko, gehiengo ezkertiarra duen herrialde honetan". Haren hitzetan, soilik Elkarrekin Podemos-IUk du ahalmena hori gerta dadin; EH Bildu eta PSE-EE konfort-zonatik irten daitezen, garai historikoaz ardura daitezen, eta aldaketa Euskadira ekar dezaten”.
Koalizio progresistak Bilbon itxi du hauteskunde-kanpaina, Errekalde plazan, ekitaldi politiko bat eginez. Pilar Garrido Podemos Euskadiko autonomia-koordinatzailea, Isabel Salud Ezker Anitza-IUko koordinatzaile nagusia, Unidas Podemoseko diputatu Roberto Uriarte eta Juan Carlos Monedero Podemoseko sortzailea ere izan dira bertan, Gorrotxategirekin batera.
Azken ekitaldi honetan, Gorrotxategik berretsi du ezkerreko Gobernuaren aldeko bere apustua: "Proiektu politikoa da, oraingo garaietarako eta etorkizunerako ere; izan ere, horrek bermatuko luke kalitatezko zerbitzu publikoak izatea, zaintzak erdigunean kokatzea, bizitzeko moduko planeta izatea, eta lan-baldintzak duinak izatea".
"Batzuek barregarri utzi nahi izan dute, eta adierazi nahi izan dute zaharkitua eta anakronikoa dela, baina ez da egia", nabarmendu du; nolanahai ere, proiektu hori egia bilakatzeko, "PSE-EE eta EH Bildu mugitu behar dira".
Testuinguru horretan, PSE-EEri aurpegiratu dio "EAJren nazionalismoa geldiarazten" saiatzen dela, baina, halaber, "haren politika neoliberalak baimendu egiten dituela"; EH Bilduri, aldiz, egotzi dio nazioalismoa bultzatu egiten duela, baina, horren trukean, "herrialde honetarako ezkerreko edozein proiektu alde batera" uzten duela. Elkarrekin Podemos-IUk eskatu die bi alderdiei jarrera horiek bazter ditzatela.
Jaurlaritza ezkertiarra, "erabat"
Pilar Garridok ziurtatu duenez, euskal gizartearen nahia da Jaurlaritza ezkerrekoa izatea, "ehuneko ehunean". Ohartarazi duenez, EAJk eta PSE-EEk osatutako Gobernu batek ez luke aldaketarik ekarriko: "Orain arteko bidetik joatearen aldeko apustua da hori, neurriak errepikatzearen aldekoa, benetakoa ez den euskal oasiaren aldekoa".
Juan Carlos Monederok, bere aldetik, eskatu du ideia jakin bat baztertzeko; alegia, "EAJ dela iparreko hesiaren zaindaria". Haren hitzetan, jeltzaleak "enpresa handien ordezkaritza politikoa" dira, eta "herriaz ahazten dira". Esan duenez, "ez dira Voxeko edo PPko eskuina bezain basatiak, baina eskuina dira".
Zure interesekoa izan daiteke
Atutxa pozik euskal gizarteak "berriro EAJ aukeratu" duelako, EH Bilduren "gorakada ukatu gabe"
Buruzagi jeltzaleak ez du ia zalantzarik egin. Gasteizko Gobernuan azken legealdiotako formula errepikatzeko aukera ziurtzat jo du, horretarako PSE-EEk mahai gainean jarriko dituen baldintzak ere zorroztu egingo direla jakitun.
39 emakumek eta 36 gizonezkok osatuko dute Eusko Legebiltzar berria
Mapa politiko berria marraztu dute igandeko hauteskundeek, eta hori argi ikusiko da Gasteizko Ganberaren eserlekuen koloreetan: EAJk eta EH Bilduk 27na ordezkari izango dituzte, PSE-EEk 12, PPk 7, eta Sumarrek eta Voxek, bana.
1.795.212 herritar daude botoa ematera deituta, Eusko Legebiltzarra berritzeko
09:00etan ireki dituzte hauteslekuak, normaltasunez, eta herritarrek 20:00ak arte eman ahal izango dute botoa. Emaitzak 22:30erako aurreikusita daude.
Gaur amaituko da bizitasuna hartzen joan den hauteskunde-kanpaina
Euskadiko zazpi indar politiko nagusietatik bostek (EAJ, EH Bildu, PSE-EE, Elkarrekin Podemos eta Sumar) Bilbon itxiko dute kanpaina, eta beste biek (PP eta Vox) Gasteizen.
Igandeko hauteskundeetan parte-hartzeari buruzko datu errealak eskainiko dituzte, lehen aldiz
Orain arte, estimazioak eskaini izan dituzte. Bestalde, lehen zenbaketen emaitzak 21:00ak aldera emango dira eta, ordu t'erdi ondoren, atzerriko bozen faltan, ezagutuko da Eusko Legebiltzarraren argazki berria.
Posta bidezko botoak ia % 11 hazi dira Euskadin, 2016ko hauteskundeekin alderatuta
2020ko datuekin alderatuta, posta bidezko botoak % 54 jaitsi dira. Dena dela, hauteskunde horiek pandemia garaian egin zituzten, ezohiko baldintzetan, eta horrenbestez, baliteke batzuk eta besteak alderatzeak emaitza bitxiak ematea.
Kultura, Osakidetza, langileen soldatak eta autonomoak izan dira laugarren eguneko gai nagusiak
Kanpainaren laugarren egun honetan, hautagaiaek Hezkuntza eta Osasun sistema, autonomen egoera edota langileen soldatak izan dituzte hizpide, besteak beste.
Hauteskunde mahaian egotea egokitu zait, baina ezin dut: zein aukera ematen ditu legeak?
Nahitaezkoa da hauteskunde mahaian egotea, hala egokituz gero. Nolanahi ere, badira legeak aurreikusten dituen hainbat arrazoi, libratzeko. Mahaikide izatea egokitu eta ez joateak, ondorioak ditu.
Egutegia: Eusko Legebiltzarrerako hauteskundeetarako bidea
Datorren asteartean, otsailaren 27an, Euskal Herriko Agintaritzaren Aldizkarian argitaratuko da Eusko Legebiltzarra desegiteko eta hauteskundeak deitzeko dekretua. Hauteskunde Batzordea martxoaren 1ean eratuko da. Hauteskunde-kanpaina apirilaren 5ean hasi eta 19an amaituko da.
Santano alkatearen "eredu zaharkitu eta agortuaren alternatiba bakarra" dela aldarrikatu du EAJk Irunen
Xabier Iridoy Irungo alkategai jeltzaleak esan du bere alderdia "ilusioz eta konpromisoz" beterik dagoela, garai berri baten lidergoa hartzeko.