Eskuinak Madrilgo Alkatetza berreskuratu du, eta ERCk Colau garaitu du Bartzelonan
Manuel Carmenak ez du lortu kargua berrestea, eta Madrilgo Alkatetza galduko du, PP, Ciudadanos eta Vox alderdiek bat eginda, gehiengoa osatuko baitute. Mas Madrid koalizioak eta PSOEk elkar hartuta ere, ez dute eskuineko blokea gainditzen. Madrid en Pie taldeak ez du ordezkaritzarik lortu.
Madrilgo alkateak onartu du ez dela aurreikusten zuten emaitza, baina errurik ezin zaiola inori bota azpimarratu du. Udal talde berria osatzen denean politika utziko duela aurreratu du.
Madrid en Pie taldeak ordezkaritzarik lortu ez badu ere Madrilgo Udalean, 40.000 boto eskuratu ditu, eta horrek eragina izan duela esan du Carmenak. Ciudadanosekin akordioa erdiestea guztiz baztertu du.
Txalo artean eta bere taldekideak alboan zituela agertu da orain arte Espainiako hiriburuko alkate izan dena hedabideen aurrean.
Bartzelona
Bartzelonan, Ernest Maragall ERCko alkategaiak oso gutxigatik gainditu du Ada Colau BCN En Comuko hautagaia. Honenbestez, errepublikanoak Colau ordezkatuko du Kataluniako hiriburuan, eta, aurreneko aldiz, alkate independentista izango du hiri horrek.
ERCk bikoiztu egin du bere ordezkaritza Bartzelonan, bost zinegotzi izatetik 10 izatera igarota. Colauren taldeak ere 10 ordezkari izango ditu, aurreko legealdian baino bat gutxiago.
Emaitzak ezagutu eta berehala agertu da prentsaren aurrera Bartzelonako orain arteko alkatea, eta, ezer baino lehen, Maragall zoriondu du, hauteskundeak irabazteagatik.
Colauren hitzetan, emaitzek utzitako irakurketa argia da: "herritarrek ezkerreko indarrek osatutako gobernu zabal eta transbertsala nahi dute". "ERCk irabazi du, baina boto gutxigatik, eta PSCk ere emaitza ona lortu du", gaineratu du.
Legealdi berrian Bartzelonako Udalean 28 zinegotzi ezkertiar egongo direla azpimarratu du, "historikoa" dela esanez.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.