Hauteskundeak
2023/07/10 - 22:32
Etxebizitza legea ezabatuko dutela aurreratu du Bea Fanjulek Saturtzin
Bizkaiko Kongresurako zerrendaburuak okupazioa onartezina dela esan du, eta Sanchezen legeak gaizkileei mesede egiten diela.
2023/07/10 - 22:29
Gipuzkoa eraikitzeko proiektuak Madrilen ozen defenditu dituela aldarrikatu du Beasainen EAJk
Aitor Estebanek ohartarazi du birzentralizazioaren hodei beltzak gainean ditugula eskuinetik zein ezkerretik. Sanchezen koalizio gobernuari leporatu dio eskumenak urratzen dituzten legeak egitea.
2023/07/10 - 22:27
2024rako asteko lanaldia legez 37 ordura mugatzea proposatu du Sumarrek
Gizarteak duen ondarerik garrantzitsuena denbora dela defendatu du Sumarrek Gasteizen. Arabako Kongresurako hautagaiaren arabera, ezinbestekoa da lanaldia murriztea gehiago bizitzeko.
2023/07/10 - 22:24
EH Bilduk ERCko Junquerasen eta Rufianen bisita izan du Durangon
ERC eta EH Bildu aurreko legegintzaldian talde parlamentario beraren parte izan dira Senatuan eta orain zerrenda bakarra aurkeztu dute, independentzia ezkerretik izenpean.
2023/07/10 - 22:21
PSEk memoria kontuetan ardura eskatu die popularrei
Eneko Anduezak, bere aldetik, uste du Sanchez eta Feijooren arteko debateak sozialisten garaipena sendotzeko balioko duela, etorkizuneko proiektu bat eskaintzen dutelako.
2023/07/10 - 17:07
Pentsio publikoak eta duinak eta Gizarte Segurantzaren transferentzia aldarrikatu ditu EH Bilduk Gasteizen
Aurreko agintaldian alargunen eta kotizazio gabekoen pentsioak % 15 igotzea lortu zuten, hilero 70 eta 140 euro artean, baina koalizio subiranista bat dator astero elkarretaratzea egiten duten pentsionistekin eta haratago doa; gutxieneko pentsioa 1.080 eurokoa izatea eskatu dute.
2023/07/10 - 16:58
Etxebizitzak negozioa izateari utzi behar diola aldarrikatu du Sumarrek Donostian
Etxebizitzaren Ministerioa sortuko dutela agindu dute Donostian Pilar Garrido eta Joseba Becerra Sumarren Gipuzkoako hautagaiek, hori baita gazteen eta familien arazo nagusia. Alokairu publikorako etxebizitza parkea sendotzeko inbertsioa agindu dute.
2023/07/10 - 16:53
Aldaketa ezinbestekoa dela azpimarratu du PPk Arabako Errioxan
Parte hartzera deitu du Javier De Andrés PPren Kongresurako Arabako hautagaiak eta gaineratu du EAJk, PSOEk, Bilduk eta Podemosek tentsio eta deserosotasunez betetako legealdia egin dutela.
2023/07/10 - 16:48
U23ko hauteskundeetan ''aurrera edo atzera egitea'' dagoela jokoan gogoratu du PSEK
Txema Oleaga PSEren senaturako Bizkaiko hautagaiak azpimarratu du Parlamentuan herritarren egunerokoan eragin zuzena duten erabakiak hartzen direla, eta ziurtatu du ez dutela atzera pausorik egingo pentsiodunen emakumeen eta gazteen eskubideen defentsan.
2023/07/10 - 16:44
EAJk aldiriko trenen transferentzia aldarrikatu du Bilbon
Zorrotzako pasabidea lurperatzeko konpromisoa lortu zuen EAJk, baina lanak hasteko ingurugiro txostena kaleratu behar du Sanchezen gobernua. Inbertsioak eskuratzea da jeltzaleen lehentasuna EAJren Kongresurako Bizkaiko hautagaiak, Aitor Estebanek, azpimarratu duenez.
2023/07/09 - 23:13
Aldaketaren garaia dela eta balioa duen boto bakarra PPrena dela aldarrikatu dute Bizkaiko hautagaiek
Alderdi Popularrak Euskadi berriz ere industria, merkataritza eta ekintzaileen lurra izatea nahi du. Feijoorekin, berrindustrializaziorako estrategia nazionala eskura dutela azaldu du Bea Fanjul Bizkaiko hautagaiak, merkatari, ekintzaile eta familiak fiskalki arintzeko tresnekin.
2023/07/09 - 23:01
Sumarrek industria berdearen aldeko apustu argia agindu du Sestaon
Sestaon, Ezkerraldeak bizi duen desindustrializazio prozesua salatu du Sumarreke eta sektorearen etorkizuna orain hartuko diren erabakiek baldintzatuko dutela nabarmendu dute. Eguzkia, haizea eta hidrogenoa erdigune izango dituen politika energetikoa eta trantsizio planak proposatu dituzte.
2023/07/09 - 22:51
Otegiren ustez, alderdi orok, EAJk barne, azaldu beharko lukete hitzarmenei begira non dituzten mugak
Mertxe Aizpurua Kongresurako Gipuzkoako zerrendaburuak azaldu du Sanchezen Gobernuak hartutako erabaki aurrerakoi asko, etxebizitzaren legea edo kotizazio gabeko edo alargunen pentsioen igoera kasu, ezker subiranistek hauspotuta etorri direla.
2023/07/09 - 22:42
Alderdi Sozialista da Eneko Anduezaren iritziz, eskuina gelditu dezakeen alderdi bakarra
PPk birzentralizazioa bultzatuko duela ohartarazi du. Miquel Iceta Kultura eta Kirol ministroren hitzetan, PPrekin "elkarbizitza eta askatasuna" arriskuan daude. Julia Liberal Senaturako hautagaiak Espainiako Gobernuak onartu duen kirol legea goraipatu du, "emakume kirolariak babesten dituelako".
2023/07/09 - 22:33
Gizarte Segurantza eskualdatzeko unea iritsi dela aldarrikatu du Gasteizen Eusko Alderdi Jeltzaleak
Andoni Ortuzarrek Euskadiko herritarren pentsioak bermatzea beharrezkoa dela esan du. Aitor Estebanek Araba eta Euskadi Madrilen presente egotea aldarrikatu du Europako Funtsak banatzeko lehentasunean. Vox-i zuzenduz, adierazi dute ez dutela atzera pausorik onartuko.
2023/07/09 - 16:31
Vox itxaropentsu agertu da datozen hauteskundeen aurrean
Vox alderdiak Martuteneko espetxearen aurrean egin du ekitaldia eta espetxeetako eskumena Eusko Jaurlaritzaren eskuetan egotea salatu du.
2023/07/09 - 16:29
Euskadi industria, komertzio, ekintzaileen eta aukeren lurra berriz izateko botoa eskatu du PPk
Euskadin, industria geldotzen ari dela deitoratu du Bea Fanjul Kongresurako PPren Bizkaiko hautagaiak. 1986an, BPGari % 46ko ekarpena egiten zion, eta 2020an, aldiz, % 22 izatera jaitsi dela kritikatu du.
2023/07/09 - 16:26
Azken legealdian irabazitakoa galtzeko arriskua dagoela ohartarazi du Sumarrek
Kongresurako Gipuzkoako Sumar koalizioaren hautagaiaren arabera, uztailaren 23an jokoan dago azken legealdian irabazitakoa. Euskadiko tradizio feminista aldarrikatu, eta arlo sozialean ez ezik, ekonomikoan ere aurrera egiteko lan egingo dutela agindu du, soldatetan, pentsioetan edota sexu arrakala a
2023/07/09 - 16:24
Euskal Herrian PSOEren ezkerrera dagoen aukera bakarra EH Bildu dela esan du Otegik
Beldurraren eta etsipenaren aurrean esperantzaren ikurra altxatu nahi du Euskal Herria Bilduk. Otegiren arabera, Euskal Herrian PSOEren ezkerrera dagoen aukera bakarra da EH Bildu. Era berean, koalizio abertzaleak erakutsi du Espainiako Estatua plurinazionala dela.
2023/07/09 - 16:21
Sozialistek ohartarazi dute elkarbizitza dagoela arriskuan PPrekin
PSE-EEk botoa emateko deia egin du, egun bakarrean datozen lau urteak jokatuko direlako. Era berean, Eneko Andueza sozialisten idazkari nagusiak boto erabilgarriaren balioa aldarrikatu du.