Gizarte zerbitzuen defentsa 'sutsua' egitea hitzeman du EH Bilduk
Xabier Olano Gipuzkoako ahaldun nagusirako EH Bilduren hautagaiak adierazi duenez, "atzera egin nahi duen eskuinaren aurrean" koalizio abertzaleak zerbitzu publikoen eta gizarte zerbitzuen defentsa sutsua egingo du foru gobernutik eta udaletxeetatik.
Maiatzaren 24ko hauteskundeei begira, Gipuzkoako hautagaien aurkezpena egin du EH Bilduk gaur Zarautzen. Ekitaldian, EH Bilduko hainbat kidek parte hartu dute, tartean, Xabier Olano ahaldun nagusigaiak, Ander Rodriguez Gizarte gaietako diputatuak, Ainhoa Beola EH Bilduko kideak, Juan Karlos Izagirre Donostiako alkateak eta Igone Lamarain Eibarko alkateak.
Olanok azpimarratu du Gipuzkoako 88 herrietatik 72tan aurkeztuko dituztela zerrendak, 2011ko hauteskundeetako zifrak gaindituz.
Ildo horretan, nabarmendu du ezkerreko indar soberanistek "agian inoiz ez dituztela beren konfiantza emateko erreferente, hautagai eta gobernu talde hobeak izan".
Gipuzkoako ahaldun nagusigaiak azaldu du EH Bilduren egiteko nagusiak tokiko garapena, bizi kalitatearen hobekuntza eta enplegu duina bermatzea direla eta, horretarako, beharrezkotzat jo du "baliabideak sortzea" eta horien "banaketa egokia" egitea.
Azpimarratu duenez, Gipuzkoako ahaldun nagusi izatea lortzen badu, Diputazioak oso kontuan izango ditu udalak, Olanoren arabera, horiek baitira Gipuzkoan garapena eta aldaketa bermatzeko motorra.
"Herritarrak enpoderatu nahi ditugu Gipuzkoaren inguruan erabaki dezaten, martxan dagoen aldaketan protagonista nagusi izan daitezen, gure herrialdea egun baino solidarioagoa, justuagoa eta euskaldunagoa izateko orain artekoa eta bi gehiago egitea premiazkoa delako", gaineratu du.
Bestalde, Juan Karlos Izagirre Donostiako alkateak azpimarratu du EH Bilduren zerrendetan ez dagoela pertsona ustela, botere gosea edota iseka egiteko ohitura duen inor. "Hemen denon interesak defenditzen dituzten pertsonak aurkituko dituzue soilik, ez gutxi batzuen pribilegioak lehenesten dituztenak", gaineratu du.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.