Sanchezek Iglesiasekin hitz egin du Rajoyrekin bildu eta gero
Maiatzaren 24ko hauteskundeak izan eta hamar egun geroago, eta itunak oraindik airean daudela, Espainiako alderdi politiko nagusietako buruak berriz bildu dira elkarrekin, elkarrizketak bultzatzeko. Batetik, Mariano Rajoy eta Pedro Sanchez batu dira, eta bestetik, Sanchezek eta Pablo Iglesiasek beste batzar bat egin dute.
Gobernuko presidenteak eta PSOEko idazkari nagusiak Albert Rivera Ciudadanos alderdiko presidentearekin izan zituzten elkarrizketen berri eman zuten hedabideek asteartean. Azken orduotan, eta komunikabideei horren berri eman gabe, Rajoy eta Sanchez Moncloako jauregian batu dira berriz. PPko eta PSOEko iturrien arabera, hauteskundeen osteko egoera aztertu dute, baina ez dira balizko itunen inguruan aritu.
Rajoyren eta Sanchezen arteko bilerak ordu eta erdi iraun du. Sanchez PSOEko idazkaritza nagusia denetik, bien arteko hirugarren batzarra izan da. Espainiako egoera politikoaren inguruko ikuspuntua azaldu omen diote bertan elkarri.
Ez dira itunen inguruan mintzatu
Gehiengo absolutuen gabeziak mapa konplexua utzi zuen azken hauteskundeetan, baina bi buruzagiek ez dute balizko itunik landu; izan ere, sozialistek ez dute Alderdi Popularrarekin inongo hurbilketarik nahi.
Bilera hasi baino minutu batzuk lehenago, Sanchezek baztertu egin du Andaluzian Susana Diazen inbestidura bermatzeko PPren “taktika bat” babestea. Trukean PPk zenbait hiriburutako gobernuak eskuratu nahi omen zituen.
Legealdia bukatu bitartean, Gobernuaren politikak guztiz aldatzea eskatu dio Sanchezek Rajoyri, ez bakarrik aurpegi edo izen aldaketa bat.
Bilera Podemosekin
Pablo Iglesias Podemoseko idazkari nagusiarekin bildu baino lehen egin du Sanchezek bisita Moncloako jauregian. Batzarra arratsaldeko azken orduan egin dute toki “neutral” batean, baina ez dute zehaztu non, eta ez dituzte komunikabideak deitu.
Hala ere, ordu batzuk lehenago itxaropenak zapuztu ditu Podemoseko zuzendaritzak, akordio zehatzik ez zutela lortuko aurreratu baitu.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.