Araba 'akordiotik' gobernatuko duela iragarri du Ramiro Gonzalezek
Foru Gobernua “akordiotik” zuzentzeko konpromisoa hartu du gaur Ramiro Gonzalez Arabako ahaldun nagusi berriak. Ahaldun nagusi izendatu dute EAJren eta PSE-EEren botoekin. Foru Exekutiboaren lehentasunak susperraldi ekonomikoa eta lanpostuak sortzea izango direla aurreratu du Gonzalezek.
Gonzalezek Javier de Andres (PP) ordezkatuko du karguan. EAJko 13 eta PSE-EEko bost batzarkideek foru Gobernuari babesa emango diote; izan ere, jeltzaleek eta sozialistek koalizioko Exekutibo bat osatzeko aurreakordioa adostu dute.
EAJren eta PSEren eserlekuek ez dute gehiengoa bermatzen Batzar Nagusietan; izan ere, 51tik 18 baino ez dira. Ondorioz, egitasmo nagusiak aurrera ateratzeko akordio zabalagoak lortu beharko ditu Ramiro Gonzalezen Gobernuak.
EAJk eta PSE-EEk ahaldun nagusi berriari babesa eman diote. PPk, EH Bilduk, Ahal Duguk eta Ciudadanosek, ostera, boto zuria eman dute, eta Irabazik bere hautagaiari eman dio babesa.
Gutxiengoan egoteak beste alderdi batzuekin “akordioak bilatzera behartuko” diola onartu du ahaldun nagusi berriak. Hala eta guztiz ere, aurreko legealdian PPk Aldundia Alderdi Popularreko 16 batzarkideen babesarekin soilik gobernatu zuela gogorarazi du Gonzalezek.
Iruzurraren aurkako borroka eta industriari laguntza
Iruzurraren aurkako Batzordearen neurriak bere egingo ditu foru Gobernuak. Gainera, Hazienda-ikuskatzaileen kopurua areagotuko duela iragarri du Ramiro Gonzalezek.
Ekonomiari dagokionez, industria Arabako ekonomiaren “oinarria” dela gogorarazi du ahaldun nagusiak. Horregatik, sektoreari bultzada eman behar diotela onartu du. Horretarako, Industriari Laguntzeko Egitasmo bat bultzatuko du foru Exekutiboak.
Foronda, Garoña eta frackinga
Bestalde, Forondako aireportuaren inguruetan aeronautika industriari lotutako industrialde bat eraikitzea proposatu du buruzagiak. Gobernu zentralak aireportuari 24 orduko ordutegia kendu izana kritikatu du Gonzalezek. Neurri hori aireportuarentzako “kolpe oso garrantzitsua” izan dela salatu du.
Era berean, ahaldun nagusi berria Garoñako (Burgos) zentral nuklearra berriro zabaltzearen aurka agertu da. Frackingaren kontra dagoela esan du, baina EAJk proposatutako luzamenduaren alde azaldu da.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.