A8 Autobidea

2022/06/22 - 12:30

Zirkulazioa bere onera etorri da A-8an Bilbo parean Irungo noranzkoan, zortzi kilometroko ilarak egon ostean

Bi autok ezbeharra izan dute 06:50 aldera Zabalburu parean, eta bi errei itxi behar izan dituzte. 09:00ak pasatxo leheneratu da trafikoa.

2022/06/17 - 18:35

Amaitu dira Arrontegin (N-637) hiru autok talka egin ostean sortutako auto-ilarak

Pilaketak Txorierriko igarobideari ere eragin dio. Hain justu, beste errepide horretan ere istripua izan da, Sondika parean eta Galdakaoko noranzkoan, baina bigarren horrek ez du arazorik sortu.

2022/05/30 - 17:43

Bi pertsona zauritu dira A-8an, Muskizen, izandako ezbehar batean

Autobidea guztiz itxita egon da Bilboko noranzkoan ia bi orduz, eta pilaketa handiak sortu dira. Trafikoa N-634 errepidetik bideratu dute, eta han ere ilarak sortu dira.

2022/05/30 - 15:28

Istripu batek auto-pilaketak eragin ditu A-8an, Muskizko zubian

Bi pertsona arin zauritu dira, bi ibilgailuk talka egin ostean, A-8 autobidean, Muskizen (Bizkaia). Pilaketak 5 kilometro artekoak izan dira, Irungo noranzkoan.

2022/05/25 - 18:35

Errekaldeko saihesbidearen proiektua aztertzen hasi dira

Bilboko auzoan, A-8 autobiaren zubibidea eraitsi ahal izateko beharrezko azpiegitura da. Proiektu "konplexua" da, eta amaitzeko bederatzi urte eta erdi inguru beharko dituzte.

2022/05/19 - 11:14

Errepide adimendunak, etorkizuneko errealitatea gero eta gertuago Bizkaian

Aldundia eta Tecnalia Bizkaia Connected Corridor (BCC) garatzen ari dira, mugikortasun kooperatiboaren eta azpiegitura adimendunen plataforma. Zer den eta nola funtzionatzen duen azalduko dugu erreportaje honetan.

2022/05/13 - 14:23

Beste mugarri bat Bilboko Hegoaldeko Saihesbidearen lanetan: Bolintxu gaineko zubibideetako bat eraitsi dute

Bolintxu haranaren gainean bigarren biaduktu bat jartzea falta da oraindik. Bizkaiko Foru Aldundiak jakinarazi duenez, urtebete barru martxan izango da hegoaldeko saihesbide osoa, Santurtzitik hasi eta AP-68arekiko Beteluriko lotuneraino.

2022/05/10 - 13:33

Sei ibilgailuren arteko istripu batek auto-ilarak eragin ditu Txorierrin

Talkan pertsona bat arin zauritu da N-637 errepidean, Sondikan. Goiz korapilatsuaren ondotik, 10:30erako, zirkulazioak normaltasuna berreskuratu du.

2022/05/06 - 17:48

AP-8a lehengoratu dute Getarian

Kamioi batek istripua izan du autopistan, Getaria parean, eta Irungo noranzkoan. Ondorioz, errepidea itxi behar izan dute hainbat orduz. Auto-pilaketek jarraitzen dute oraindik Frantziara bidean.

2022/04/29 - 19:45

Auto-ilarak A-8an, Malmasinen, hainbat ibilgailuren arteko istripu baten ondorioz

Hainbat ibilgailuk istripua izan dute 15:15 aldera Malmasingo tunelaren parean, Basaurin, eta auto-ilarak sortu dira Galdakaoraino.

2022/04/24 - 16:54

A-8 autobidean bypass bat ireki dute, larunbateko lur-jausiaren ondoren zirkulazioa errazteko

Langileek lanean jarraituko dute autobiara eroritako lur-hondakinak garbitzeko, eta arduradunek aurreikusten dute ezpondako lanek aste batzuk iraungo dutela.

2022/04/23 - 15:42

A-8 autobidea itxi dute Kantabria eta Bizkaia artean, luizi baten ondorioz

N-634 errepidetik ari dira trafikoa bideratzen. Errepideetako mantenu-zerbitzuak lanean dabiltza errepidetik harriak kentzeko helburuz.

2022/04/20 - 01:13

17 kilometroko pilaketak izan dira AP-8an, Irunen, Baionarako noranzkoan

Auto-ilarak 10:00ak aldera hasi dira sortzen. Egunotan errepidean ibili ezin izan duten kamioiak bidera atera dira eta pilaketak eragin dituzte. 21:15 inguruan bueltatu da normaltasuna.

2022/04/18 - 23:25

Kantabriatik Bizkairako pilaketak amaituta, normaltasuna da nagusi euskal errepideetan

Arratsaldean, 12 kilometroko ilarak sortu dira Liendo eta Beranga artean, eta Muskizen izandako istripu batek arazoak sortu ditu inguruan. Halere, itzulera operazioa aparteko arazorik gabe igaro da.

2022/04/15 - 12:11

Ibilgailu astunek errepideak erabiltzeagatik ordaintzeko aurreproiektua onetsi du Bizkaiko Aldundiak

"Free flow" arkuak jarriko dituzte 3,5 tona baino gehiago pisatzen duten kamioientzat N-240, BI-625, N-636, A-8 eta Txorierriko errepideetan.

2022/04/14 - 18:06

Goizeko auto-ilarak amaituta, normaltasuna nagusi berriro euskal errepideetan

Aste Santuko operazio-irteeraren ondorioz zirkulatzeko arazoak izan diren leku guztietan amaitu dira dagoeneko auto-ilarak: Armiñonen, Bizkaitik Kantabriarako mugan eta Biriatuko ordainlekuan.

2022/04/13 - 18:47

Bederatzi kilometroko ilarak izan dira AP-8 autobidean, Irunen

Aste Santuko irteera operazioak pilaketa handiak eragin ditu arratsaldean AP-8 autobidean, Irunen; A-8 autobian, Kantabriarako noranzkoan; eta A-1 autobian, Armiñonen. Normaltasuna itzuli da errepideetara 20:00etatik aurrera.

2022/04/13 - 14:46

509.000 joan-etorri egingo dira batez beste EAEko errepideetan Aste Santu honetan

Trafikoko zuzendariak adierazi duenez, zirkulazio-fluxu handienak A-8 autobidean, Kantabriarekiko lurralde-mugan, AP-8 autobidean Biriatuko ordainlekuan eta AP-1 eta A-1 errepideen arteko lotunean izango dira.

2022/04/08 - 16:57

Panel batzuen erorketak auto-ilara luzeak sortu ditu lau orduz Arrontegin, Artatzan eta Txorierrin

Hiru ibilgailu kaltetu dira eta bidaiariak arin zauritu dira. Arrontegitik Kantabriarako bidea itxita egon da, baina auto-ilara luzeak sortu dira Arrontegi zubian ez ezik, baita Artatzan eta Txorierrin ere.

2022/04/05 - 18:44

Itsasadar azpiko tuneletik Getxo eta Sestao lotuko dituzten errepideak horrelakoak izango dira

Artatzako (Getxo) eta Ballontiko (Sestao) biribilguneak egiteko konponbide teknikoak aurkeztu ditu Aldundiak. Eskuinaldean, Artatzako parkea saihestuko dute errepideak lur azpian sartuz. Ezkerraldean, "lotune handi bat" altxatuko dute Galindoko biribilgunearen trafikoa arintzeko.