Ibilgailu astunek errepideak erabiltzeagatik ordaintzeko aurreproiektua onetsi du Bizkaiko Aldundiak
Bizkaiko Foru Aldundiko Gobernu Kontseiluak Bizkaiko errepide batzuk erabiltzeagatik merkantzien garraioko ibilgailu astunek ordaintzeko foru arauaren aurreproiektua onetsi du. Foru arau horren ekimena iazko ekainean abiarazi zen Batzar Nagusietan. Aldundiaren asmoa da "free flow" izeneko arkuak ipintzea 3,5 tonatik gorako kamioientzakoN-240, BI-625, N-636, A-8 eta Txorierriko errepideetan.
Foru erakundeak jakinarazi duenez, Europako Batzordeak aurreproiektuari oniritzia eman ondoren onartu dute.
Ekimenaren aurkezpenean, Imanol Pradales Azpiegituretarako eta Lurralde Garapenerako diputatuak adierazi zuen foru arauak aurrera egiteko ezinbestekoa zela "berme guztiak aplikatzea eta segurtasun juridikoa erabatekoa izatea, inolako diskriminaziorik ez sortzeko, ez zuzenekorik, ez zeharkakorik, tarteak identifikatzerakoan, kontrol-arkuak jartzerakoan eta kanonaren zenbatekoak ezartzerakoan". Europarem argi verdea jasota, aurreproiektuaren tramitazioak aurrera egingo du Batzar Nagusietan.
Bizkaiko errepide batzuk erabiltzeagatik ordaintzeko sistema berriaren helburuak honako hauek dira, Alundiaren esanetan: "Aplikatuko den errepide sarea ahalik ondoen egotea, kudeaketa eraginkorragoa eta orekatuagoa aplikatuz, sarea artatzeko, mantentzeko eta ustiatzeko behar diren inbertsio guztiak bermatzeko; Europar Batasunak deskarbonizazioaz ezarritako gidalerro eta helburuetara hurbiltzea, 3,5 tonatik gorako kamioi handiei CO2 emisioak murrizteko pizgarriak emanez; errepide-sareko segurtasuna hobetzea".
Zure interesekoa izan daiteke
ELA eta LAB, etxebizitzaren aldeko greba orokorrerako bidean
LAB etxebizitzaren inguruko greba orokorraren alde agertu da, eta beste sindikatuekin batera prestatzen ari dela esan du
Ekonomia % 2,2 haziko da Euskadin aurten eta % 1,9 datorren urtean
Argindarraren prezioa 200 euro/MWh-tik gorakoa izango da asteartean, 2022tik lehen aldiz
CC. OO.k eta UGTk greba orokorra deitu dute udazkenerako
Osakidetzak LEPa egingo du 2027an, estaldura zaileko plazak betetzeko, eta erizaintzakoak ere jasoko ditu
Bilboko metroaren Errekalde eta Matiko arteko linea egiteko lanek sei urte iraungo dute
Milaka lagun kalera atera dira berriro etxebizitza ez dela negozioa aldarrikatzeko
Eusko Jaurlaritzak ia sei milioi euro bideratuko ditu lehen sektorera lehortearen eta kostera txarraren ondorioak konpentsatzeko
