Amnistia Legea
2023/11/12 - 12:52
Alderdi Popularra amnistia legearen kontra manifestatu da Madrilen
Alderdi Popularrak amnistia legearen aurka protestatzeko gaurko deitutako elkarretaratzean, Alberto Nuñez Feijoo PPko burua ere egon da. Voxek bat egin du deialdiarekin.
2023/11/11 - 17:36
Frente Obreroko kideak amnistiaren aurka manifestatu dira Ferrazen, eta traidoretzat jo dute Sanchez
200 bat lagunek protesta egin dute Pedro Sanchez Espainiako Gobernuko jarduneko presidentearen aurka, eta Carles Puigdemont Kataluniako presidente ohiarekin adostutako akordioa gaitzetsi dute.
2023/11/10 - 22:37
Ultraeskuindarren protestak Iruñean eta Bilbon, independentistekin egindako itunen aurka
Bi elkarretaratzeek Kataluniako buruzagiei amnistia emateko asmoa atzera botatzea eskatu dute berriro. Voxek bat egin du protesta horiekin, "Gelditu dezagun amnistiaren traizioa! Espainia esnatu berri da" lelopean.
2023/11/10 - 19:31
Zer hitzartu du Sanchezek talde parlamentario guztiekin, PPrekin eta Voxekin izan ezik?
Gobernuko jarduneko presidenteak beste inbestidura bat bermatzea lortu du, 179 boto lotu baititu, gehiengo absolutua baino hiru gehiago. Hauek dira Sanchezek hartutako konpromiso nagusietako batzuk, PSOEren 121 babesez gain, beste zazpi alderdiren 58 botoak ziurtatzeko.
2023/11/10 - 10:00
Istiluak, kargak eta 24 pertsona atxilotuta, amnistiaren akordioaren aurkako protestetan
Zazpigarren egunez jarraian, eta PSOEk eta Juntsek akordioa lortu berritan, 8.000 pertsona bildu dira Ferraz kaleko egoitza sozialistaren aurrean. Liskarrak gorabehera, ez da inor zauritu.
2023/11/10 - 09:52
Gutxienez 15 pertsona atxilotu dituzte amnistia legearen aurkako protestan, desordena publikoa egotzita
8.000 pertsona inguru bildu dira ostegun honetan Ferraz kaleko egoitza sozialistaren inguruan. Duela zazpi egun hasi ziren protestak, eta atzo areagotu egin ziren PSOEk eta Juntsek lortutako akordioarekin bat.
2023/11/09 - 22:14
Ultraeskuindarren zazpigarren protesta eguna Ferrazen, PSOEk eta Juntsek akordioa itxi ostean
Milaka pertsona bildu dira gaur Poliziak babestutako PSOEren egoitzaren aurrean, Madrilgo Ferraz kalean, independentistekin egindako itunen eta amnistia legearen aurkako zazpigarren protesta egunean.
2023/11/09 - 15:38
PSOEren eta Juntsen arteko akordioaren gakoak
Itunak bi ardatz nagusi ditu: defizitaren eta autogobernuaren mugak gainditzea eta Katalunia nazio gisa aitortzea. Horri jarraikiz, azaroan bertan egingo duten lehen bileran Juntsek erreferenduma egiteko aukera jarriko du mahai gainean. PSOEk, berriz, 2006ko Estatutuaren garapena aldeztuko du.
2023/11/09 - 13:29
Santos Cerdan: ''Gaur goizean sinatu duguna bi alderdien arteko akordio politikoa da''
Santos Cerdanek azaldu duenez, amnistia legerako akordioa ere lortu dute, eta "babestu nahi duten alderdiek sinatu ahal izango dute". EAJri buruz galdetuta, Cerdanek esan du "akordioa itxita ez badago, ixteko zorian" egongo dela.
2023/11/09 - 13:15
PSOEk eta Juntsek akordioa itxi dute, "aro berria" hasi eta Kataluniako "gatazka historikoa" konpontzeko
Bi aldeen arteko akordioak amnistia legea ere jasotzen du, eta, idatziaren arabera, 2014ko kontsultaren eta 2017ko erreferendumaren aurretik eta ondoren abiatutako auzi judizialetan nahastutako arduradunak eta herritarrak babestuko ditu horrek.
2023/11/08 - 23:29
Bruselak amnistiaren legeari buruzko informazioa eskatu dio Pedro Sanchezen jarduneko gobernuari
Espainiako Presidentetzako ministro Felix Bolañosek gutun bat bidali dio Didier Reynders Europako Justizia komisarioari, eta idatzi horren bidez jakinarazi dio Kongresuan amnistiaren lege proposamena onartzen bada, horren gaineko xehetasun guztiak emango dizkiola.
2023/11/08 - 21:10
Senatuak Erregelamenduaren tramitazio espres bat onartu du amnistia moteltzeko
Proposamena aurrera atera da 145 aldeko botorekin eta kontrako 113rekin. Hala, Erregelamenduaren 133. artikulua aldatzeak aukera ematen dio Mahaiari lege-proposamenetan presazko prozedura aplikatu ala ez erabakitzeko.
2023/11/08 - 14:59
Amnistia atzeratzeko asmoz, PPk osoko bilkurara eraman du gaur Senatuaren araudia erreformatzeko eztabaida
'Popularrek' Goi Ganberan duten gehiengo osoa baliatu dute izapideak azkartu eta erreforma Kongresuak balizko amnistia legea onartu baino lehen prest egoteko.
2023/11/08 - 13:20
Gamarrak istiluak gaitzetsi, eta "gizartearen gogo txarra" modu baketsuan bideratzea eskatu du
"Gizartearen gogo txarra eta Sanchez negoziatzen ari den amnistiaren kontrako oldarraldia bideratzeko modu asko daude. Horretarako, bide baketsuak eta demokratikoak aukeratu behar dira beti, PPk egin ohi duen bezala", esan du.
2023/11/08 - 11:40
Amnistiari buruzko iritziek dakarten arriskuaz ohartarazi du Botere Judizialaren Kontseilu Nagusiko kide batek
Lucasek arrazoitu du beti egin izan duela gisa horretako deklarazio instituzionalen aurka. "Gure iritziak soilik balio du testu jakin bati buruzkoa denean", zehaztu du. Edozelan ere, ukatu egin du eztabaida tirabiratsua izan zenik.
2023/11/08 - 11:13
Negoziazio "biziak" gorabehera, amnistiaren inguruko akordioa itxi ezinda jarraitzen dute PSOEk eta Juntsek
Santos Cerdan PSOEren Antolaketa idazkaria Bruselan da igandetik, eta ordutik, hartu-eman "bizi eta diskretuak" izan ditu Juntseko buruekin. Hori bai, aurrez aurre ez dira bildu.
2023/11/08 - 09:41
Amnistiaren eta Sanchezen aurkako mobilizazioak istiluekin amaitu dira bigarren gauez jarraian
39 pertsona zauritu dira, tartean 30 polizia, eta sei lagun atxilotu dituzte. Kargak 22:00ak aldera hasi dira, aurreko minutuetan tentsioa handitu baita manifestariek agenteei petardoak eta beste objektu batzuk jaurti ondoren; segurtasun-hesiak botatzen saiatu dira.
2023/11/07 - 15:20
Amnistiaren aurkako protestetan ''gorrotoa bultzatzen dela'' kritikatu du Bingen Zupiriak
Eusko Jaurlaritzako bozeramaileak gaineratu duenez, Botere Judizialean gaiari buruz egin diren adierazpen batzuek "zerikusi handiagoa dute politikarekin eta ideologiarekin Justizia Administrazioarekin baino".
2023/11/07 - 13:38
"Ultra itxurako" 200 infiltratu antzeman zituen Poliziak atzo, Ferrazen protesta egin zutenen artean
Hiru lagun atxilotu zituen Poliziak, horietako bi agenteei eraso egitea leporatuta eta hirugarrena desobedientzia egotzita. Poliziak ke potoak eta gas negar-eragilea erabili zituen.
2023/11/07 - 09:55
Hiru atxilotu eta Poliziaren kargak, amnistiaren aurka PSOEren egoitza nagusiaren aurrean egindako protestan
Espainiako Gobernuak Madrilen duen Ordezkaritzak emandako datuen arabera, 3.800 pertsona inguru elkartu dira astelehen honetan Madrilgo Ferraz kalean.