Epaiketak

2024/09/10 - 12:38

Dominique Pelicot, beste batzuek bortxatzeko emaztea drogatzea egozten dioten "egozentriko eta nartzisista"

Gaur deklaratu behar zuen, Avignongo Auzitegian egiten ari diren epaiketan, baina atzeratu egin dute ondoezik dagoelako.

2024/09/09 - 21:46

Fiskalak 45 urteko zigorra eskatu du Donostian ustez 3 adingaberi sexu erasoak egin zizkien masajistarentzat

Akusatua aske dago une honetan, epaiketa noiz egingo zain.

2024/09/06 - 21:39

Mendekotasun kimikoaren biktimaren alabak eta errainak ere abusuen biktima izan daitezkeen susmoa dute

"Bat-batean jakin nuen, nire aita zen gizonak, nire konfiantza osoa zuenak, zintzotzat nuenak, bere alaba errespetatzen zuena, nitaz harro zegoena, beti animatzen ninduenak, argazkiak atera zizkidala nik jakin gabe, biluzik", adierazi dio alabak auzitegiari.

2024/08/26 - 21:58

Bilboko genero indarkeria epaitegiek salatuei eta euren abokatuei pegatina bereizgarria jartzea erabaki dute

Ikertuari, haren lekukoei eta abokatuei jarriko litzaieke koloreen arabera identifikatuko lituzkeen bereizgarria, salatua eta salatzailea elkartzea eragozteko neurri gisa. Bizkaiko Abokatuen Elkargoak kexa agertu du eta neurria atzera botatzeko eskatu du.

2024/08/26 - 16:27

''Salatzailea salatuarekin ez aurkitzea da koloretako bereizgarrien helburua''

Aner Uriarte Bilboko epaile dekanoak azpimarratu duenez, ikertuak koloreen bidez identifikatuz gero funtzionarioek "nor den nor" jakingo dute. Lekukoek eta abokatuek ere eraman beharko dute koloretako bereizgarria.

2024/07/26 - 17:39

Bi urte eta erdiko kartzela-zigorra Alviako makinistarentzat eta Adifeko goi-kargudun ohi batentzat

Istripua 2013ko uztailean gertatu zen, eta 80 hildako eta 145 zauritu eragin zituen. Biktimek urteak daramatzate justizia eskatzen, eta pozik daude Cortabitarte goi kargudunari ezarritako zigorrarekin. Bitartean, Adifek esan du epaia aztertuko duela "errekurtsoa jartzeko asmoarekin".

2024/07/19 - 18:00

Begoña Gomezek ez deklaratzeko hautua egin du, berme falta ikusten duen abokatuaren gomendioari jarraiki

Antonio Camacho abokatuak beharrezko ikusten du instrukzio-epaileak ikerketaren mugak zehaztea, den-dena mugarik gabe ikertzeak, berme falta ekartzeaz gain, prozedura "xederik eta edukirik gabe uzten duelako".

2024/07/19 - 17:00

Begoña Gomezek ikertzen ari den epailearen aurrean ez deklaratzeko eskubideari heldu dio

Pedro Sanchezen emaztea ikertu gisa deklaratzera deitu dute, influentzia-trafikoa eta ustelkeria delituak egotzita, Manos Limpiasen salaketa baten harira.

2024/07/17 - 16:30

Barakaldon bi seme-alaba adingabeak hiltzen saiatu zen emakumeari 16 urte eta erdiko zigorra ezarri diote

Bizkaiko Lurralde Auzitegiak hilketa saiakera bi delituren egiletzat jo du, egindakoa aitortu eta asaldura psikikoaren aringarriekin.

2024/07/13 - 14:54

AEBko Justiziak bertan behera utzi du Alec Baldwinen aurkako auzia

"Rust" filmeko argazki-zuzendariaren heriotzagatik nahigabeko homizidio kargua egotzita egiten ari ziren epaiketa baliogabetu egin du epaileak, eta aske utzi du aktorea, Fiskaltzak defentsari froga batzuk ezkutatu zizkiola jakin ondoren.

2024/07/09 - 16:38

Begoña Gomezek ez du Barrabesen deklaraziora joan beharko

Enpresaburuari alta eman diote. Beraz, epaitegian hartuko diote deklarazioa eta, aurreikusitakoaren aurka, ez da aurrez eratutako froga gisa erabiliko. Aurretik, epaileak bertaratzeko betebeharra zuela eta egin ezean hura atxilotzeko agindua eman zezakeela jakinarazi zion Sanchezen emazteari.

2024/07/09 - 13:39

Epaileak uko egin dio 'Errusiar trama' delakoan Puigdemonti amnistia emateari eta Gorenaren esku utzi du auzia

Errusiaren balizko esku-hartzeari buruzko Volhov delako auzian inplikatuta dauden gainerakoei ere amnistia emateari uko egin dio Joaquin Aguirre epaileak.

2024/07/08 - 23:44

Manuel Garcia Castellon epaileak 'Tsunami Democratic' auzia artxibatu du ANren erabakiaren ondotik

Epaileak azken hiru urteetan erabakitako eginbide guztiak baliogabetzen dituen Auzitegi Nazionaleko Zigor Arloko Aretoaren ebazpena ezagutu ostean hartu du erabakia, epaitegiak 2021eko uztailaren 30ean luzatu zuelako ikerketa, 24 ordu epez kanpo.

2024/07/08 - 18:38

Garcia Castellonek 'Tsunami Democratic' auzian 2021eko uztailetik ikertutako guztia baliogabetu du ANk

Gauzak horrela, Manuel Garcia Castellon instrukzio-epaileak 2021eko uztailaren 29tik aurrera erabaki zituen eginbide guztiak baliogabetzat jo ditu, orduan ikerketa beste sei hilabetez luzatzeko ebazpena eman zuen. Auzitegi Nazionalaren ustez, luzapena "garaiz kanpo" egindakoa izan zen.

2024/07/08 - 14:17

35 urteko kartzela zigorra ezarri diote Igualadako bortxatzaileari

Bartzelonako Auzitegiak 16 urteko neska bati sexu erasoa egiteagatik eta hiltzen saiatzeagatik zigortu du.

2024/07/05 - 13:02

Bertan behera utzi dute Begoña Gomezen deklarazioa, eta hilaren 19an berriz joan beharko da epailearen aurrera

Pedro Sanchez Espainiako Gobernuko presidentearen emazteak epaileari esan dionez, ez daki zein delitu egozten dizkioten. Gerora bere abokatuak salatu du epaileak "zigor prozeduraren oinarrizko printzipioen kontra" jardun duela, ez baitie jakinarazi Gomezen kontrako beste kereila bat onartu duela.

2024/07/05 - 12:25

Begoña Gomez epailearen aurrean, influentzia trafikoa eta ustelkeria egotzita ikertu gisa deklaratzeko

Epailea Gomezek egindako "ekintza, jokabide eta portaera guztiak" ikertzen ari da, "haren senarra Espainiako Gobernuko presidentea denetik". Ez deklaratzeko, abokatuaren galderei bakarrik erantzuteko edo epaileari erantzuteko eskubidea izango du gaur Gomezek.

2024/07/04 - 17:02

La Manadako zigortu bati kartzela-zigorra murriztea onartu du Gorenak, 'bai bakarrik da bai' legea aplikatuta

Zigor-arloko Salak atzera bota ditu Fiskaltzak, Foru Gobernuak, Iruñeko Udalak eta biktimak kondenatuari zigorra murriztu zion ebazpenaren aurka jarritako errekurtsoak.

2024/07/04 - 00:59

Euskal kazetariaren aurkako epaiketaren data finkatzeko eskatu dio '#FreePabloGonzalez' elkarteak Poloniari

Poloniako espetxean dagoen euskal kazetariaren bikotekideak, Oihana Goirienak, zehaztu duenez, espioitza da leporatzen dioten tipo penala, baina "zehaztu egin behar dute, eta hori da ia bi urte eta erdian egin ez dutena".

2024/07/03 - 17:18

13 urte eskatu dituzte desgaitasuna duen emakume bati sexu erasoa egitea egotzita epaitu duten gizonarentzat

Gertakariak 2921ean izan ziren, Gasteizen. Antza, 60 urtetik gora zituen gizona eta 34 urteko emakumea, bere bikotekidearen alaba, etxean bakarrik geratzen zirenean gertatu ziren erasook. Akusatuak gertatutakoa ukatu du eta biktimarekin inolako harreman sexualik izan ez zuela adierazi du epaiketan.