Donostiako epaile batek lehen aldiz baliogabetu du HMEI indizea aplikatuta zeukan mailegu bat
Donostiako epaitegi baten sententzia batek erabat baliogabetu du Hipoteka Maileguen Erreferentzia Indizeari (HMEI) lotutako hipoteka mailegu bat, Espainiako Estatuan lehen aldiz. Horrenbestez, salatzaileak bankuari ordaindutako kopuru eta interes guztiak berreskuratuko ditu, baina finantza erakundeari maileguaren kapitala itzuli beharko dio.
Epaiak onartu egin du Kutxabanken bezero batek bere hipoteka baliogabetzeko eskubidea duela, maileguaren erreferentziazko indizeak ezartzen zuen klausula neurrigabekotzat jo ondoren.
Hipoteken baldintzetan espezializatutako Donostiako Lehen Auzialdiko 8 zenbakiko Epaitegiak onartu du kontsumitzaileak eskubidea duela hipotekan baliogabetutako erreferentzia indizearen ordez beste bat jartzeko edo "kontratua erabat deuseztatzeko". Azken aukera horri heldu dio bankuaren bezeroak, auzi honetan Jose Maria Erauskin eta Maite Ortiz abokatuek ordezkatuta.
Europar Batasuneko Justizia Auzitegia
Ebazpen hori epaitegi horrek berak 2023ko apirilean (epaiketa baino lehen) Europar Batasuneko Justizia Auzitegiari HMEI indizea hipoteka erreferentzia gisa aplikatzeari buruz egindako 21 galderen ondorio zuzena da.
Horren bidez, Donostiako epaitegiak nahi zuen Europako Auzitegiak era horretako salaketetan Espainiako Estatuko epaileek aurrerantzean jarraitu beharreko jurisprudentzia eta irizpideak finkatzea, aipatutako bezeroaren kasu zehatzean aplikatzeko. Izan ere, bezero horrek 2006an 35 urterako hipoteka bat sinatu zuen Kutxabankekin, HMEI indizearekin, eta 2022an klausula hori errekurritu zuen, neurrigabea zela iritzita.
Donostiako epaitegiaren galderei erantzunez, Europako Auzitegiak abenduaren 12an epai bat eman zuen, eta bertan ezarri zuen ezin dela baztertu HMEIri buruzko hipoteketan fede txarra izatea indize ofiziala delako soilik, eta klausula horiek neurrigabeak izan daitezkeelako gardentasunaren baldintza betetzen ez bada.
Gardentasun-kontrola
Orain, Europar Batasuneko Justizia Auzitegiaren ebazpen horri jarraituz, Donostiako epaitegiak bere erabakian ezartzen duenez, Kutxabanken bezeroaren kasuan HMEI klausulak "ez du gardentasun-kontrola gainditzen", besteak beste, hipoteka indize horren "definizio osoa jasotzen ez duelako", ezta hura kalkulatzeko metodoa ere, are, "ez du horiek aurkitzeko helbide fidagarri batera igortzen", eta "ez du aipatzen Espainiako Bankuaren zirkular zuzena, horren berri ematen duena".
Horregatik, kontratua "erabat deuseztatzea" ebatzi du, eta bezeroa zigortzen du Kutxabanki "maileguan jasotako kapitala itzultzera inolako interesik gehitu gabe" eta bankuari "orain arte ordaindutako hileko kuoten eta gastuen zenbatekoa" itzultzera, dagozkien interesak gehituta.
Kaltetutako kontsumitzailea defentsan aritu diren Res bulegoko Jose Maria Erauskin eta Maite Ruiz abokatuek pozik hartu dute ebazpena, "urteetako etsipen eta nahigabeen ondoren", antzeko kasu askotan "epaile eta auzitegi ugariren aurrean" erabili dituzten argudio gehienak paperean jasotzen direlako.
Kutxabankek, aldiz, iragarri du helegitea aurkeztuko duela Gipuzkoako Lurralde Auzitegian.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.