Epaiketak

2024/06/25 - 17:34

Kataluniako Auzitegiak lehen aldiz ezarri die amnistia 'proces'agatik zigortutakoei

Miquel Buch Barne kontseilari ohia eta Lluis Escolà Puigdemonten bizkartzaina izan dira Amnistia Legearen onurak jasotzen lehenak. Ondoren, 2019ko urriko protestetan zigortutako zenbait lagun amnistiatu ditu.

2024/06/24 - 21:01

Bi urteko kartzela-zigorra ezarri diote autobidean 8,5 kilometro kontrako noranzkoan gidatu zituen gizonari

2017ko otsailaren 11n, AP-8 autobidean, Usurbilen (Gipuzkoa) izandako istripuan, bi pertsona hil ziren aurrez aurre beste ibilgailu baten aurka talka egin ondoren.

2024/06/21 - 00:47

Santurtzin dozenaka haurri txertoa ustez ukatu zien erizaina auzipetuko dute

Epaileak zehaztu duenez, ikertuak "404 adingaberi txertoa ukatu zien", 2021eko otsailetik 2022ko irailera arte, Kabiezeseko osasun-zentroko pediatria-eremuan. Ebazpena ez da irmoa, eta haren aurka helegitea aurkez daiteke.

2024/06/19 - 21:53

EAEko Auzitegi Nagusiaren arabera, posible da seme edo alaba bat herentziarik gabe uztea

Bergarako alargun baten testamentua aztertuta hartu du erabakia. Bost seme-alaba zituen, eta 2016ko irailean hil zen. Horietako lauri senipartea ukatu zien, eta alaba bakarra izendatu zuen oinordeko.

2024/06/19 - 19:12

Hizkuntza eskakizunen aurkako epaia salatu dute Galdakaoko Udaleko langileek

"Sektore judizial, politiko eta sindikal batzuek gaztelaniaren erabateko nagusitasuna inposatu nahi dute, eta, azkenaldian ikusten dugun bezala, euskararen aurka egiten dute etengabe", salatu du Galdakaoko Udaleko enpresa batzordeak.

2024/06/18 - 21:00

Kataluniako prozesuaren auzian diru publikoaren bidegabeko erabilera amnistiatzea onetsi dute fiskalek

Fiskalen Batzordeak aldeko 19 boto, kontrako 17 boto eta abstentzio bat eman ditu. Amnistia Legea indarrean dela, Kataluniako prozesuan auzipetu dituztenei amnistia emateko eskatu diote idatziz Auzitegi Gorenari.

2024/06/18 - 18:12

16 eta 17 urte bitartekoek gurasoen baimenik gabe abortatzeko aukera babestu du Auzitegi Konstituzionalak

Horrekin batera, ospitale publikoak ezarri ditu praktika hori bideratzeko zentro gisa.

2024/06/18 - 16:47

Gorenak onartu du EBko Auzitegiaren doktrina hipoteka-gastuak erreklamatzeko preskripzio epearen inguruan

Honenbestez, Auzitegi Gorenak Europar Batasuneko Justizia Auzitegiak apirilaren 25eko epaian ezarri zuen doktrina onartzen du. Bertan nabarmentzen zuenez, klausula baten baliogabetasuna ezartzen duen ebazpena irmo bihurtzen den egunean jabetzen da kontsumitzailea haren irregulartasunaz.

2024/06/18 - 14:05

Gasteizko gizon bati sexu-erasoengatik ezarritako 17 urteko espetxe-zigorra berretsi du Auzitegi Nagusiak

Auzitegiak ezetsi du auzipetuak Arabako Auzitegiaren epaiaren aurka jarritako errekurtsoa, eta epaia bere horretan mantenduko da. Gizona hiru hamarkadatan zehar ilobari sexu-erasoekin, lapurretekin eta indarkeria fisikoarekin eraso egin izana leporatu diote.

2024/06/17 - 20:36

Hil egingo zutela pentsatu zuen Karrantzako liskar batean tiro egin izana leporatutako gizonak

Bizkaiko Auzitegiak astelehen honetan hartu du epaiketaren lehen saioa, lau auzipeturekin. 2020ko irailean jazo zen liskarra.

2024/06/17 - 08:00

2020an Karrantzan izandako liskar batean tiro egin zuen gizonaren aurkako epaiketa abiatuko dute gaur

Fiskaltzak 31 urteko kartzela-zigorra eskatu du pertsona horrentzat. Auzian beste hiru prozesatu daude. 2020ko irailaren 5ean jazo zen liskarra, Ertzaintzak orduan adierazi zuenez, marihuana plantazio batean lapurtzen saiatzearekin lotuta.

2024/06/15 - 22:58

Espainiak eta beste 92 herrialdek Nazioarteko Zigor Auzitegiari babesa emateko adierazpena sinatu dute

Auzitegi "independentea eta inpartziala" dela gogorarazi dute, eta "edozein esku-sartze politiko eta presioren aurrean bere osotasuna babesteko" konpromisoa hartu dute.

2024/06/15 - 00:14

Parisko Auzitegiak bertan behera utzi du Ciottiren kanporatzea, eta LRko buruzagi izaten jarraitzen du

Eric Ciotti kanporatua izan zen, Marine Le Penen ultraeskuindarrekin ekainaren 30ko eta uztailaren 7ko hauteskundeeetarako aliantza bat egiteko asmoa zuelako.

2024/06/14 - 20:24

Garcia Gazteluri eta Gallastegiri 110 urteko espetxe-zigorra ezarri diete, Manuel Zamarreñoren hilketagatik

1998ko ekainaren 25ean hil zuen ETAk Errenteriako zinegotzi popularra, moto-bonba bat leherrarazita. Haren alargunari eta seme-alabei milioi erdiko kalte-ordaina ordaintzera ere zigortu dituzte bi auzipetuak.

2024/06/14 - 17:57

Beste epai batek atzera bota du Galdakaoko Udaleko lan eta gizarte teknikari lanposturako euskara eskakizuna

LABek eta Euskalgintzaren Kontseiluak "euskal administrazioa euskalduntzearen aurkako eraso berri hau" salatu, eta epaiaren aurkako mobilizazioak deitu dituzte.

2024/06/14 - 13:01

Biurrunek uste du Europako Justiziaren epaiak "urrundu" egin duela interinoak finko bihurtzeko aukera

EAEko Auzitegi Nagusiko Lan-arloko Salaren presidenteak azaldu duenez, ebazpenak dio finko bihurtzeko aukera ezin dela "estatuko zuzenbidearen interpretazioaren aurkakoa" izan. Hala, horren ustez, epaia interinoen interesen kontrakoa da.

2024/06/13 - 22:47

Sindikatuek begi onez hartu dute interinoen inguruan Europako Auzitegiak ebatzitakoa

Interinok Taldeak, LABek eta ELAk aho batez esan dute administrazioek urtetan ezarritako praktika okerra izan dela, eta norabide onean doan erabakia izanagatik, pauso gehiago behar direla azaldu dute.

2024/06/13 - 19:21

Interinok Taldearentzat sententzia hau ''oso berri ona da''

Aitor Jaio Interinok Taldeko bozeramaileak azaldu duenez, ebazpen honek erakusten du gaur egungo neurriek ez dutela balio, eta azaldu duenez, adieratzen du "finkotasuna, nahiz eta funtzionario bezala ez izan, beharrezkoa edo behintzat erabilgarria izango dela". EAEn 30.000 interino publiko daude.

2024/06/12 - 13:21

De Pedro futbolari ohia espetxeratu dute, indarkeria matxistagatik 9 hilabeteko zigorra betetzeko

Realeko jokalari ohia bart atxilotu du Ertzaintzak, hain zuzen ere, bera bilatzeko eta atxilotzeko epaile baten agindua indarrean zegoelako. Gainera, De Pedrok aurrekariak ditu indarkeria matxistagatik.

2024/06/11 - 22:35

Zumaian hildako adineko emakumearen zaintzailea erruduna ez dela ebatzi du epaimahaiak

Leporatzen zaiona baieztatzeko froga nahikorik ez dagoela argudiatuta hartu dute erabakia, eta, horrenbestez, aske utzi dute akusatua. Fiskaltzak 22 urteko espetxe-zigorra eskatu zuen harentzat, hilketa egotzita. Hala ere, hildakoaren familiak ez du haren aurkako kargurik aurkeztu.