La Manadako zigortu bati kartzela-zigorra murriztea onartu du Gorenak, 'bai bakarrik da bai' legea aplikatuta
Auzitegi Gorenak berretsi egin du Angel Bozari ezarritako kartzela-zigorra 15 urtetik 14ra murriztea, 'bai bakarrik bai da' legea aplikatuta. Hain zuzen ere, 2016ko sanferminetan emakume bat taldean bortxatzeagatik zigortutako bost gizonezkoetako bat da.
Ildo horretatik, Nafarroako Justizia Auzitegi Nagusiak arauaren inguruan egin zuen interpretazioa onartu du Auzitegi Goreneko Zigor-arloko Salak, eta atzera bota ditu Fiskaltzak, Foru Gobernuak, Iruñeko Udalak eta biktimak kondenatuari zigorra murriztu zion ebazpenaren aurka jarritako errekurtsoak.
Nafarroako Auzitegiak emandako arrazoien arabera, Gorenak 15 urteko kartzela-zigorra ezarri zionean ez zegoen indarrean 'bai bakarrik da bai' legea. Hori dela eta, araudi horretatik "hurbil" zegoen araua baliatuta ezarri zitzaion zigorra.
Alabaina, 'bai bakarrik bai da' legea indarrean sartuta, Justizia Auzitegi Nagusiak uste izan zuen –eta orain Gorenak berretsi egin du– kondenatuari ezarritako zigorra murriztu egin behar zela.
Zure interesekoa izan daiteke
Igorreko errugbi taldeko presidentearen atxiloketak nolabaiteko "itxaropena" eman die kaltetuei
Errugbi taldeko presidenteak komisaldegian jarraitzen du iruzurra eta administrazio desleiala leporatuta. Dagoeneko 132 salaketa jarri dituzte ez ordaintzeagatik.
Pasaiako bi eraikinetako bizilagunak etxetik atera dituzte, luizi baten ondorioz
Guztira hamar familia dira kaltetuak. Aldundiak ohar baten bidez jakinarazi du horietako bosti ostatu emango diela.
Clara Campoamor elkarteak erreklamazio bat aurkeztuko du Ertzaintzak Maialen Mazonen arrisku-maila arintzeagatik
Era berean, kexa formalak aurkeztuko dituzte Arartekoaren eta Emakunderen aurrean, Ertzaintzako talde instruktoreak epaiketan egindako adierazpenak "iraingarriak" iruditu zaizkielako, Maialen "berriz ere biktima bihurtu" baitzuten.
EAEko 800 pazientek onartu dute ebakuntza itunpeko zentro batean egitea
Eusko Jaurlaritzak gutun bat igorri dio formalki Osasun Ministerioari, estatutu propio baterako eskumenen transferentzia aztertzeko bilera bat eskatzeko: “Ministerioak ez badu ezer egiten, eskumenen transferentziaren bidea aztertzeko eskatzen dugu, herritarren osasun-arreta defendatzeko beharrezkoak diren funtzioak erabat bete ahal izateko”.
Igorreko errugbi taldeko presidentea atxilotu dute, ordaindu ez duten Gabonetako loteriaren harira
Administrazio desleialaren delitu bat eta iruzur delitu bat leporatu dizkiote. Izan ere, Arratiko Zekorrak Rugby Taldeak 90693 zenbakiaren hainbat dezimo erosi zituen Gabonetako loterian jokatzeko, eta hirugarren sari bat egokitu zitzaion, baina klubak ez du diru nahikorik saria ordaintzeko, erositakoa baino gehiago saldu baitzuen partizipaziotan "akats baten ondorioz".
Maialen Mazonen familiaren abokatuak ebazpenaren balorazio"gazi-gozoa" egin du, epaimahaiak ez duelako onartu genero indarkeriaren astungarria
Maialen Mazonen hilketaren auziko epaimahaiak emandako ebazpenaren balorazioa egin du haren familiaren abokatuak. Virginia Urtaran abokatuak penaz hartu du epaimahaiak genero indarkeria astungarritzat hartu ez izana.
Prestaketak martxan Bilbon, maiatzaren 22-23ko asteburuan Europako errugbiko finalak hartzeko
Eusko Jaurlaritzak, Bizkaiko Foru Aldundiak eta Bilboko Udalak, kirol-ekitaldi hau bultzatu duten hiru erakundeek, ostiral honetan eman dute mugikortasun eta segurtasun operatiboaren berri.
Pertsona bat larri zauritu da Errekaleorren, okupazio saiakera baten ondorioz
Errekaleor Auzo Askea kolektiboak salatu duenez, dozenaka pertsona sartu ziren goizaldean auzora, makilekin, burdinekin eta harriekin eta hainbat etxebizitzari eraso egin zieten. Pertsona batzuk zauritu ziren, horietako bat larri, garezurra hautsita.
Aiaran 10.500 plakako eguzki-parke bat egiteko baimena eman du Jaurlaritzak
Aiarako Udala ez dago ados 10.500 modulu eta lurrazpiko ebakuazio-linea instalatzea aurreikusten duen parke hori eraikitzearekin. Enpresak 4,1 milioi euroko inbertsioa egingo omen du bertan.
Glutena izan dezaketela ez zenekien 10 produktu (batzuek harritu egingo zaituzte)
Zeliakoa bazara eta glutenik kontsumitu ezin baduzu, kontuz ibili glutena izan dezaketen eta egunero erabiltzen diren 10 produktuekin. EZE Euskadiko Zeliakoen Elkarteak zerrenda egiten lagundu digu, larunbatean (maiatzak 16) Zeliakiaren Nazioarteko Eguna dela eta.