35 urteko kartzela zigorra ezarri diote Igualadako bortxatzaileari
Bartzelonako Auzitegiak 35 urteko kartzela zigorra ezarri dio Igualadako bortxatzaileari, 16 urteko neska bati sexu erasoa egin eta konortea erdi galduta lurrean uzteagatik. Epaitutako gertaerak 2021eko azaroaren 1ean izan ziren Igualadako (Bartzelona) diskoteka baten kanpoaldeko industrialde batean.
Zehazki, epaimahaiak 20 urteko kartzela zigorra ezarri dio hilketa saiakera delitu batengatik eta 15 urtekoa, berriz, sexu erasoagatik. Bi kasuetan, genero diskriminazio astungarria onartu du.
Halaber, 10 urteko zaintzapeko askatasuna bete beharko du eta 332.727 euroko kalte ordaina eman beharko dio biktimari. Horrez gain, ezingo du 10 urtean biktimarengandik 1.000 metro baino gutxiagora hurbildu, eta ezingo da harekin harremanetan jarri.
Gainera, ezin izango du adin txikikoekin harremanetan egotea eskatzen duten jarduerarik edo lanbiderik egin 20 urtean.
Auzitegiak gaur jakinarazitako epaiak frogatutzat eman du —2021eko azaroaren 1ean— kondenatutako gizona atzetik hurbildu zitzaiola biktimari Igualadako diskoteka baten kanpoaldean, eta "hainbat kolpe gogor eman zizkiola buruan, hiltzeko arrisku handia zuela jakinda, eta, ondorioz, lurrera erori" zela. Ondoren, kalezulo batean sartu eta, kolpeen ondorioz konortea erdi galduta zuela baliatuta, sexu erasoa egin zion "modu basatian", gutxi gorabehera, "20 minutuz".
"Eraso bortitzaren" ondoren, biktima "lurrean etzanda, konortea erdi galduta eta odoletan" utzi zuen.
Epaiaren arabera, eragindako lesioetatik osatzeko "365 egun behar izan zituen", eta, gainera, 30 egun egin zituen ospitaleratuta eta 3 egun Zainketa Intentsiboen Unitatean. Gertaturikoak ondorio fisiko eta psikologiko larriak eragin dizkio biktimari, besteak beste, trauma osteko estresaren nahasmendua.
Zure interesekoa izan daiteke
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.
Nelson David Morenok ukatu egin du Bilbon 73 urteko gizon bat hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen ardura izan dezake.
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.