Europar Batasuna
2024/05/06 - 18:54
Macronek eta Xi Jinpingek “su-eten olinpikoa” eskatu dute Parisko Jokoek iraungo duten bitartean
Bost urteren ondoren, Xi Jinping Txinako presidenteak bisita ofiziala abiatu du Parisen: egoera ekonomikoa eta Ukrainako gerra izango ditu hizpide.
2024/05/06 - 17:44
Xi Jinping Europara itzuli da bost urteren ostean
Bisita honek Europak Asiako erraldoiaren eta Estatu Batuen arteko oreka delikatua mantentzeko duen gaitasuna erakutsiko du. Tentsio komertzialak eta Ukrainako gerra dira mahai gaineko gairik garrantzitsuenetako bi.
2024/05/04 - 22:22
Nazioarteko Zigor Auzitegiko fiskalak ohartarazi du bere kontrako "mehatxuak" "delitu" direla
Bere langileen aurkako "intimidazioa" salatu du auzitegiak, horiek beldurrarazi dituztela arrazoituta. Horren aurrean, auzitegi horren burujabetasuna defendatu du Europako Batzordeak.
2024/05/03 - 23:50
'#FreePabloGonzalez' plataformak gogorarazi duenez, "ez dago prentsa askatasunik kazetari askerik gabe"
Euskal kazetariak 796 egun daramatza behin-behineko espetxealdian, eta isolatuta. Joan den otsailean bi urte egin zituen atxilotuta Polonian. Hilabete bereko 15ean, Lublingo Apelazio Auzitegiak kartzelaldia beste hiru hilabetez luzatzea erabaki zuen.
2024/04/30 - 15:40
Europako Batzordea Meta ikertzen ari da, desinformazioari aurre egiten ez diolakoan
Uste du enpresa ez dela betetzen ari publizitate engainagarria eta balizko desinformazio-kanpainak ez hedatzera behartzen duen Europako Batasuneko araudia.
2024/04/29 - 21:02
51 pertsona desagertuta eta bederatzi baino ez bizirik, Hierrotik gertu ontzi bat hondoratu ondoren
Kaiukoa duela bederatzi egun abiatu zen Senegaldik, eta petrolio-ontzi batek ikusi du goizeko lehen orduan. Paterak bi egun zeramatzan iraulita. Azken orduetan 267 pertsona migratzaile iritsi dira Kanarietara.
2024/04/25 - 22:24
Europako hauteskundeetan posta bidezko botoa emateko epea ekainaren 6ra arte luzatu dute
Gainera, Hauteskunde-batzorde Zentralak gogorarazi du emaitzak, estatuz gaindiko bozak direnez, ezin izango direla ekainaren 9ko 23:00ak baino lehen jakinarazi, orduan ixten baitira hauteslekuak Italian.
2024/04/25 - 14:58
Hipoteka gastuak erreklamatzeko epea abusuzko klausula baliogabea denean hasten dela ebatzi du EBko Auzitegiak
Europako Batasuneko Justizia Auzitegiak argitu du hipoteka gastuak erreklamatzeko preskripzio epea ez dela kontatzen hasten gastuak ordaindu zireneko datatik.
2024/04/25 - 10:02
Tiktokek bertan behera utzi du Lite bertsioaren sari programa, Europako Batzordeak galdegin bezala
AEBn, sare soziala saltzera behartzen duen legea auzitara eramango duela iragarri du konpainia txinatarrak. Argudiatu duenez, balizko debekuak AEBko zazpi milioi enpresaren "txikizioa" ekarriko luke eta 170 milioi erabiltzaile "isilarazi".
2024/04/24 - 18:47
Europako Parlamentuak indarkeria matxistari aurre egiteko araudia onartu du, gutxieneko arau eta zigorrekin
Zuzentarauak ablazioa, nahitaezko ezkontza, Internet bidezko jazarpena eta irudi intimoak baimenik gabe zabaltzea izango ditu helburu; baina ez du jasotzen onartu gabeko sexua bortxaketa gisa aitortzea, hainbat gobernuk uko egin diotelako horri.
2024/04/24 - 04:01
AIk nazioarteko zuzenbidearen gainbeheraz eta adimen artifizialaren instrumentalizazioaz ohartarazi du
Gerra areagotzen ari da, arauetan oinarritutako ordena globala "gainbeheratzeko arriskua" dagoen bitartean. Horren adibide, Israelek Gazan egindako "gerra krimenen zantzuak" pilatzen direla eta aliatuek ez dutela ezer egiten. Erakundeak Ukrainako, Myanmarko eta Sudango gatazkak ere aztertu ditu.
2024/04/23 - 20:09
Behartutako ezkontza, legez kanpoko adopzioa eta esplotazioa xede duen haurdunaldi subrogatua delituak, EBn
Euroganberak aldeko 563 botorekin, kontrako zazpirekin eta 17 abstentziorekin onartu du erreforma, baina estatu kideen oniritzia behar du oraindik, eta argitaratu ondoren, gobernuek bi urte izango dituzte euren legedietara eramateko.
2024/04/23 - 18:07
Matxuratutako produktuak konpontzeko eskubidea zorroztu egin du Europako Parlamentuak
Berria erosi ordez, zaharra konpondu. Hori da arauaren helburua. Ez da arau berria, baina gaurtik zabaldu egin da betebeharren zerrenda. Besteak beste, saltzaileak behartuta egongo dira matxuratutako produktu bat konpontzera, hori egitea berria erostea baino merkeagoa bada.
2024/04/22 - 21:20
TikTok Lite debekatzeko mehatxua egin du Bruselak, horrek dakarren mendekotasun arriskuagatik
Europako Batzordeak adierazi duenez, Txinako enpresak ez du aurkeztu joan den astean erreklamatutako arriskuen ebaluazioa, eta "arriskuak arintzeko neurri eraginkorrik hartu gabe" abiarazi du aplikazioa. TikTok erantzuteko 48 ordu ditu.
2024/04/19 - 22:29
EBk eta AEBk kolono israeldarrak zigortu dituzte Zisjordanian palestinarren kontrako erasoak egiteagatik
Palestinarren kontrako erasoetan parte hartu duten erakunde eta pertsonak zigortu dituzte. Europar Batasunak zigortutakoen kasuan, zigor ekonomikoez gain, EBra sartzea debekatuko zaie.
2024/04/19 - 16:13
Nazioartearen erreakzioa, Israelek Irani eraso egin ostean
Gutxienez hiru leherketa gertatu dira Isfahan hirian, base militar batetik gertu. Israelek ez du operazioa baieztatu. Iranek ukatu egin du misilekin egindako erasoa izan dela, eta "objektu hegalari batzuk" aipatu ditu.
2024/04/18 - 20:44
Israelek Gazaren aurkako erasoaldiarekin jarraitzen du, Irani nola erantzungo dion zehazten ez duen bitartean
Israelgo Gobernuaren bozeramaileak ez du argi erantzun nahi izan Israelek Iranen aurkako eraso militar bati uko egitea onartu ote duen, Rafahren aurkako eraso bat egiteko baimena lortzearen truke. Hala ere, Armada hirian sartuko dela berretsi du, "Hamasekin amaitzeko".
2024/04/18 - 10:48
Bruselak dio Amnistia Legearen azterketa Veneziako Batzordearen irizpenean oinarrituko dela
Amnistia Legea aztertzeko Bruselan egin duten bileran, Marta Cartabia Veneziako Batzordeko presidenteak esan du nazioarteko estandarrak betez gero, amnistia legearen eta botere banaketaren artean ez legokeela talkarik.
2024/04/17 - 16:21
Euroguneko inflazioa bi hamarren moteldu da martxoan, % 2,4ra arte
Beheranzko joera horrek erakusten du euroguneko inflazioa Europako Banku Zentralak lortu nahi duen % 2ko helburura hurbiltzen ari dela, eta interes-tasen lehen jaitsiera gerturatzen ari dela.
2024/04/16 - 11:37
Ekainaren 9ko Europako hauteskundeen deialdia argitaratu du Estatuko Aldizkari Ofizialak
Behin deialdia publikatuta, hauteskunde kanpaina maiatzaren 24an hasiko da (00:00etan), eta ekainaren 7an (24:00an) amaitu. Estatu espainiarrean 61 eurodiputatu hautatuko dira.