Erresuma Batuak baimen elektronikoa eskatuko die 2025eko apiriletik EBko turistei
Erresuma Batuko Gobernuak iragarri du bidaia-baimen elektronikoa (ETA, ingelesezko izenetik) eskatuko diela etorkizunean herrialde gehiagotako turistei. EBko herrialdeetatik datozen turistek, esaterako, dokumentu hori beharko baitute 2025eko apiriletik aurrera Erresuma Batuan sartzeko.
Bisarik eskatzen ez zaien herrialdeetatik datozen turistak erregistratzeko sistema gisa sortu zen ETA baimena, eta, gaur egun, Bahrain, Kuwait, Oman, Qatar, Saudi Arabia eta Arabiar Emirerri Batuetako bidaiarientzat soilik da derrigorrezkoa.
Asmoa da derrigortasun hori Europakoak ez diren bidaiari guztiei zabaltzea 2025eko urtarrilaren 8tik aurrera -aurtengo azaroaren 27an has daiteke erregistroa eskatzen-, eta europarren kasuan, aldaketa apirilaren 2an sartuko da indarrean -martxoaren 5etik eskatu ahal izango da baimena-.
Erregistroa, Estatu Batuetarako dagoenaren antzekoa, pasaporteari lotuta geratuko da, eta 10 libera balio du (11,8 euro inguru egungo aldaketari). Bi urteko balioa izango du, pasaportea lehenago iraungitzen ez bada, eta Erresuma Batuan sei hilabete arteko egonaldiak egiteko aukera emango du.
Seema Malhotra Migrazioko Estatu idazkariak adierazi duenez, teknologia baliatu eta "migrazio-sistema moderno baterantz" aurrera egitea da Gobernuaren asmoa; izan ere, "digitalizazioak esperientzia errazagoa ahalbidetzen die urtero muga zeharkatzen duten milioika pertsonei".
Malhotrak ohar batean azpimarratu duenez, Erresuma Batuak turismoari irekita jarraitzen du; sektore horrek 32.000 milioi libera (38.000 milioi euro inguru) emango dizkio aurten Erresuma Batuko ekonomiari.
Europar Batasuna bera ere lanean ari da Schengen eremutik kanpoko bidaiarientzako erregistro-metodo propioa sortzeko, Bidaiak Informatzeko eta Baimentzeko Europako Sistema (ETIAS), baina atzeratu egin da sistema hori martxan jartzea, orainxe, ez da aurreikusten datorren urteko udaberria aurretik ezartzea.
Zure interesekoa izan daiteke
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.