Von der Leyenen gobernu berria: gizon gehiago eta eskuinzaleago
Ursula Von der Leyen Europako Batzordeko (EB) presidenteak aukeratu du bere gobernuaren egitura, sei presidenteorde proposatuta. Aurrekoarekin alderatuta eta ekainaren 9ko hauteskunde emaitzen isla, ez da horren berdinzalea izango —komisarioen % 40 emakumezkoak dira, baina presidenteordeen artean andrazkoak dira nagusi — eta eskuinera joko du —presidenteorde sozialista bakarra dago, Ribera espainiarra, eta beste bat, eskuin muturrekoa—. Von der Leyenek iragarri duenez, sei presidenteordeek sail propioa izango dute, euren erantzukizun horizontalez gain.
Bi izenek ardura berezia izango dute Batzordearen lantalde ekonomikoan: Teresa Ribera Espainiako Gobernuko presidenteorde hirugarrena eta Stephane Sejourne frantsesa. Ministro sozialista Trantsizio Garbi, Justu eta Lehiakorrerako Presidenteordetzarako nahi du Von der Leyenek. Sejourne macronista, aldiz, Oparotasun eta Industria Estrategiako presidente izateko proposatu du.
Riberaren kasuan, Lehiakortasun departamentuaren ardura ere hartuko du. Sejournek Industria, enpresa txiki eta ertainak eta Merkatu bakarraren ardura izango du.
Eskuin muturreko Raffaele Fitto Italiako eurodiputatu ultra Kohesio eta Erreformen Presidenteordetzarako nahiko luke EBko presidenteak. Roxana Minzatu errumaniarra Enplegu, Eskubide Sozial eta Hezkuntza presidenteorde izateko proposatu du. Henna Virkkunnen finlandiarra Segurtasun, Demokrazia eta Subiranotasun teknologiko presidenteorde gisa aukeratu du Von der Leyenek. Horiei guztiei Kaja Kallas estoniarraren izena batu behar zaie, hurrengo urteetan Europako Diplomaziaren burua izango dena (27ek aukeratu dute).
Proposamenok mahai gainean daudela, Europako Parlamentuak hautagaien curriculum eta egokitasuna aztertuko ditu. Europako ganberak atzera bota ditzake proposamenok (2019an hiru baztertu zituen).
Prozesua behin amaituta ekingo dio jardunari Europako Batzorde berriak (ofizialki, azaroaren 1erako dago aurreikusita).
Zure interesekoa izan daiteke
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.
Istiluak Erresuma Batuan, ultraeskuindarrek migrazioaren aurka egindako manifestazioetan
Liskarrak izan dira bart Portsmouthen migrazioaren kontrako manifestari ultraeskuindarren eta poliziaren artean eta hainbat agente zauritu dira. Larunbatean eskuin muturreko ehunka kaputxadunek Doverreko portua blokeatu zuten, Mantxako kanaletik ontzi batean iritsitako 140 migratzaileren lekualdatzea saihesteko. Gobernu britainiarrak eta alderdi politiko guztiek manifestazioak salatu dituzte.
Europako liderrek kezkaz hartu dute AfDren garaipena: "Mehatxua da Europarentzat"
AfDk Alemaniako eskualde batean bakarrik gobernatzeko gehiengo absolutua lortu ez bazuen ere, emaitza errekorra lortu zuen igande honetan, botoen % 43,8 eskuratuta, Friedrich Merz kantzilerraren alderdiaren aurretik ( % 17,2).
Aramburu errugbi jokalari ohiari tiro egin zion akusatu nagusiak heriotzaren egilea dela aitortu du
Astelehen honetan hasi den epaiketan, akusazioak "premeditazioa" frogatu nahi du, ez zela homizidioa izan, erailketa baizik.
Milaka serbiar bildu dira Belgraden Mladicen hiletarako, EBren ohartarazpenak gorabehera
Ehunka lagun hurbildu dira Belgraden gerra-kriminal Ratko Mladicen hil-kaperara, hileta ospatu aurretik. Mladic abuztuaren 27an hil zen, 84 urte zituela, Hagako kartzela batean bizi osorako espetxe-zigorra betetzen ari zela. "Bosniako harakina" ezizenez ezaguna, Mladic 2017an kondenatu zuten genozidioagatik, gerra-krimenengatik eta gizateriaren aurkako krimenengatik, Jugoslavia ohian 1992tik 1995era bitartean izandako gerretan. Europar Batasunak Serbiari ohartarazi dio Ratko Mladici ohoreak egiteak edo hura goratzeak arrisku larrian jartzen duela EBn sartzeko prozesua.
Ormuzko itsasartean beste eremu mugatu bat ezarriko duela iragarri du Iranek
Teheranek ohartarazi duenez, bertatik bere baimenik gabe igarotzen diren ontziak zigortu egingo ditu. AEBk dioenaren kontrara, itsasartea erabat itxita dagoela azpimarratu du Iranek.
Kushner eta Witkoffek Kievera egindako lehen bisitak ez du urratsik ekarri bakerako bidean
AEBk, Ukrainak eta Europako bazkideek adostu dute datozen asteetan bilera gehiago egitea eta neguari begira Ukrainari laguntza indartzea. Lehentasunen artean daude aire-defentsarako sistema gehiago, energia-sektorerako laguntza eta hornidura osagarriak.
Susan Sarandonek salatu du hainbat zinema proiektutatik kanpo utzi dutela Israel kritikatzeagatik
Bere azken filma aurkezten ari zela, Palestinaren defentsa publikoarengatik ondoriorik bizi izan ote duen galdetu diote aktore estatubatuarrari Mostran, eta zenbaitek betatu egin dutela onartu du.
AfD ultraeskuindarrak garaipen zabala lortu du Saxonia-Anhalten, eta gehiengo osoaren atarian geratu da
Litekeena da Sahra Wagenknecht Aliantzaren (BSW) abstentzioa nahikoa izatea Alemanian alderdi ultra batek estatu batean berriro agintea hartzeko.