Zentroak gehiengoari eutsi dion arren, Europak eskumarago begiratuko du legealdi berrian
Europako Parlamenturako hauteskundeen emaitzek eskumarago begiratzen duen Europa bat marrazten dute datozen bost urteetarako. Hala ere, zentroko alderdiek eutsi egin diote gehiengoari, eta Europaren aldeko koalizio egonkor bat lortzen saiatuko dira.
Hauteskunde gaueko gakoak
Europako Alderdi Popularrak behin-behinean lortu dituen 185 eserlekuek lehen indar gisa kokatzen dute hurrengo Euroganberan. Espainia edota Alemania bezalako herrialdeetan izandako emaitza onek, aurreko legegintzaldian baino hamar eserleku gehiago eman dizkiete popularrei.
Emaitza honek Europako Parlamentuko gehiengoen giltza eman die, orain arte liberalen eskuetan. Seguruenik, sozialdemokratekin eta liberalekin bat egingo dute, Europaren aldeko koalizio bat osatzeko. Hala ere, beti izango dute aukera euren botoak ultrakontserbadoreen eta eskuin muturrekoen botoekin batzeko, noizbehinka bada ere.
Sozialdemokratek eutsi egin diote
Europako Sozialisten eta Demokraten Aliantzak (S&D) orain amaituko den legegintzaldian baino bi eserleku gutxiago izango ditu. PSOE izango da taldeko ordezkaritza handiena, 20 ordezkarirekin, eta Italiako Alderdi Demokratikoa bigarrena, 19rekin; Olaf Scholz kantziler alemaniarraren SPD alderdiak, berriz, 15 diputatu izango lituzke. Frantziako eta Errumaniako sozialistek beste 13 eurodiputatu jarriko lituzkete.
Liberalen eta berdeen gainbehera
Europa Berritu liberalek eta Berdeak/Europako Aliantza Librekoek hogeina diputatu galdu dituzte, eta lehenengoak hirugarren indar gisa mantenduko badira ere, ekologistak laugarren postutik seigarrenera jaitsiko dira.
Biek ala biek euren emaitzarik onenak lortu zituzten 2019an.
Ultraeskuinak gora egin du
Azken proiekzioen arabera, ultraeskuinak Euroganberan izango duen ordezkaritza handitu egingo du. Frantziatik haratago, eskuin muturraren bultzada Alemanian ere nabari da. Beraz, Europar Batasuna sorreratik gidatu duen ardatz franko alemaniarrak orain arte ezezaguna izan den mapa politikoa izango du.
Horren ondorioz, Emmanuel Macron Frantziako presidenteak Asanblea Nazionala desegin du eta hauteskundeak deitu ditu ekainaren 30erako eta uztailaren 7rako, bere alderdiaren porrotaren ostean.
Kristau-demokratak lehen indar politiko bihurtu dira Alemanian, baina Alemaniaren aldeko Alternatiba (AfD) eskuin muturreko alderdia bigarren indarra da, sozialistak eta ekologistak ere garaitu baititu.
Belgikan ere, Open VLD alderdi liberalak gainbehera egin du hauteskunde federaletan, eskualdekoetan eta Europakoetan. Ondorioz, Alexander De Croo lehen ministroak kargua uzteko asmoa agertu du.
Parte-hartzea
2024ko hauteskunde hauetan, parte-hartzea % 51koa izan da, orain lau urtekoaren oso antzekoa.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.