Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.
Jose Luis Rodriguez Zapatero, artxiboko irudi batean. Argazkia: Europa Press
Jose Luis Calama Auzitegi Nazionaleko epaileak atzera bota du Jose Luis Rodriguez Zapatero Espainiako Gobernu presidente ohiak egindako eskaria, eta, ondorioz, bulegoan aurkitutako bitxien inguruan ere eman beharko ditu azalpenak asteazken honetan egitekoa duen deklarazioan.
Lehen estimazioen arabera, Guardia Zibilaren Unitate Zentral Operatiboak Zapateroren bulegoan atzemandako bitxiek 1,3 milioi euroko balioa dute.
Gauzak horrela, Plus Ultra hegazkin konpainiaren erreskateagatik eta bitxien jatorriagatik Zapaterok ikertu gisa deklaratuko du bihar Auzitegi Nazionalean.
Pasa den ostiralean Plus Ultra auziko epaileak Zapateroren aurkako beste ikerketa bat abiatu zuen, Ferrazen duen bulegoan egindako miaketan aurkitutako bitxien harira. Zehazki, kontrabando eta delitu fiskalak egin ote dituen ikertzen ari da.
Zapateroren Defentsak saioa atzeratzea eskatu zion Calama epaileari, bitxien jatorriari buruzko dokumentazioa biltzeko denbora gehiago edukitzeko.
Gaur goizean argitaratutako autoan instrukzio epaileak azaldu duenez, bitxiak direla eta irekitako piezak ez du "gertakari berririk" jasotzen eta Defentsak bitxiei lotutako jardunbideen berri daki. Are gehiago, horren arabera, biharko hitzorduak ez dio kalterik egingo Zapateroren defentsa eskubideari.
Zure interesekoa izan daiteke
UPNk Jose Javier Mugica gogoratu du, ETAk hil zuela 25 urte bete direnean
25 urte bete dira ETAk Jose Javier Mugica UPNko zinegotzia hil zuenetik, Leitzan. 59 urte zituen. Gaur, alderkideek antolatuta, omenaldia egin diote Leitzan bertan. Lore-eskaintza egin dute, haren omenez jarrita dagoen plakaren aurrean.
Anduezak "lehentasun soziala" aldarrikatu du, PP, Vox eta euskal nazionalismoaren "lehentasun nazionalaren" aurrean
PSE-EEko idazkari nagusiak emaitzak hobetzen jarraitzea jarri du helburu, 2027ko udal eta foru hauteskundeetan; eta gaitzetsi du EAJk eta EH Bilduk lortutako akordioa Enplegu Publikoaren Legea aldatzeko.
David Sanchezi enplegu publikorako bederatzi urteko inhabilitazioa ezarri diote
Badajozko Auzitegiak prebarikazio administratiboko delitu baten egile jo du Espainiako Gobernuko presidentearen anaia.
David Sanchezen errugabetasuna probatuko den itxaropena agertu du Espainiako Gobernuak
Erreakzio soka luzea eragin du Espainiako Gobernuko presidentearen anaiari ezarri dioten zigorrak. Enplegu publikorako bederatzi urteko inhabilitazioa ezarri dio epaileak, prebarikazio administratiboko delitu baten egilea izateagatik.
Mikel Uribe ertzainaren aldeko omenaldia egin dute Beasainen, ETAk hil zuela 25 urte bete direnean
Beasaingo ertzain-etxearen aurrean izan da omenaldi-ekitaldia; minutu bateko isilunearen ondoren, Mikel Uribe gogora ekarri dute hainbat ertzainburuk, tartean bere kide izan zirenak. Mikel Uribe Ertzaintzako komisariordea hil zuen ETAk duela 25 urte gaurko egunez, Leaburun, elkartean lagunartean afaltzera zihoala. Elkarte ondoan autoa aparkatu zuenean, ETAko bi kidek kotxea tirokatu eta bertan hil zuten.
Espainiako Gobernuaren transferentzien inguruko proposamen berriak ostiralean jasotzea espero du Jaurlaritzak
Ubarretxena bozeramaileak azpimarratu duenez, negoziatzen ari diren bi eskumenen (Gizarte Segurantzaren eskumen batzuk eta portuak) inguruko aldebiko batzordea abuztua aurretik egin beharko litzateke.
"Akatsa litzateke fokua polemikan jartzea, euskarak bizitasun handiko unea bizi baitu"
Maria Ubarretxena Eusko Jaurlaritzako Gobernantza, Administrazio Digital eta Autogobernuko sailburuak Auzitegi Gorenak berretsi duen epaia izan du hizpide. Horren arabera, Eusko Jaurlaritzak ezin izango dizkie eskatu funtzionarioen "hizkuntza-baldintza berak" azpikontratutako enpresetako langileei.
EH Bilduk irabaziko lituzke Gipuzkoako foru hauteskundeak, baina EAJk eta PSE-EEk gehiengo osoa lortuko lukete
Gipuzkoako Foru Aldundiak argitaratutako azken Soziometroaren arabera, etxebizitza da herritarren kezka nagusia (% 65,8), baina arazoak pertsonalki eragiten diela aitortzen dutenen ehunekoa % 22,3koa da.
Kongresuak aurrekontuen defizitaren bidea bozkatuko du, baina ez du aurrera ateratzeko aukerarik
PPk, Voxek eta Juntsek dagoeneko iragarri dute aurka bozkatuko dutela, eta bigarren bozketa bat egingo da uztailaren 23an.
EH Bilduk iritzi dio Epaitegi Gorenaren azken epaia euskararen aurkako “oldarraldiaren” beste ale bat dela
Josu Aztiria legebiltzarkidea kritiko azaldu da epaiaren aurrean, eta nabarmendu du ofizialtasunak “egiazko berdintasuna” ekarri beharko lukeela.