Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili omen zirelako ikertzen ari da Jose Luis Calama Auzitegi Nazionaleko magistratua. Ekainaren 2rako deitu dute Zapatero.
Auzitegi Nazionala Plus Ultra airelinearen erreskatea ikertzen ari da, eta Espainiako Gobernuko presidente ohia deklaratzera deitu du ekainaren 2an, instrukzio fasean jarraitzen duen auzian.
Espainiako Gobernuak Plus Ultra konpainiari covid-19aren lehen hilabeteetan emandako 53 milioi euro modu irregularrean erabili omen zirelako ikertzen ari da Jose Luis Calama magistratua.
Auzi horren baitan, Auzitegi Nazionaleko 4. zenbakiko Instrukzio Epaitegi Zentralak Zapatero inputatu gisa deklaratzera deitu du, ekainaren 2an. Gainera, bere bulegoa eta beste hiru bulego miatzeko agindua eman du. Une honetan, eginbide horiek egiten ari dira.
Halaber, epaileak erakunde kriminala osatzearen, eragimen-trafikoaren, dokumentuak faltsutzearen eta kapitalak zuritzearen balizko delituak ikertzen ditu, laguntzak emateari eta erabiltzeari dagokienez.
Instrukzioak irekita jarraitzen du Auzitegi Nazionalean, eta, aipatu iturrien arabera, sumarioaren sekretua kendu dute.
Erreakzioak
Miguel Tellado PPko idazkari nagusiak azalpenak eskatu dizkio Espainiako Gobernuari.
Inputazioa "ustelkeria eta kapitalak zuritzea" dela esan du Telladok, eta "Gobernuko presidente ohiaz ez ezik, Sanchezen kontseilari nagusiaz ere hitz egiten dugu". Gainera, "azalpenak berehala" emateko eskatu dio Espainiako Gobernuari eta ziurtatu du "erregimena gainbehera" doala eta "tramaren buruzagiak erortzen" hasi direla.
Ignacio Garriga Voxeko bozeramaileak adierazi duenez, PSOEk "kolapsatu" egin du. Elkarrizketa batean azpimarratu duenez, bere kolapsoarekin, sozialistek "nazioa kolapsora eraman dute".
Hori dela eta, Alberto Nuñez Feijoo oposizioko buru eta PPko presidenteari "pauso bat aurrera emateko" eta Sanchezen aurkako zentsura-mozioa aurkezteko eskatu dio.
Zure interesekoa izan daiteke
PSOEk Zapatero babestu du, Plus Ultra auzian inputatuta izan ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezen premiazko agerraldia eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian.
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.