PSOEk Zapatero babestu du, Plus Ultra auzian inputatu ostean
Justizia errespetatu dadila eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioaren garrantzia azpimarratu dute.
PSOEk Jose Luis Rodriguez Zapatero Espainiako Gobernuko presidente ohiaren alde egin du astearte honetan, Plus Ultra auzian inputatu gisa deitu ostean. Ustezko hiru delitu egotzi dizkiote: erakunde kriminaleko kide izatea, influentzia-trafikoa eta dokumentuak faltsutzea.
Ohar batean, sozialistek azpimarratu dute Zapaterok "eskubideetan, berdintasunean eta babes sozialean egindako aurrerapenek" markatutako bi legegintzalditan gidatu zuela Gobernua, eta eskuinari eta ultraeskuinari leporatu diete politika horiek "barkatu" ez izana.
Espainiako Gobernuko presidente ohiak ekainaren 2an deklaratuko du Auzitegi Nazionaleko 4. instrukzio epaitegi zentralean, Plus Ultra airelinearen erreskatean legez kanpoko komisioak kobratzea egotzita abiatutako ikerketaren barruan.
Sozialistek "egin dezakeenak egin dezala, egin dezala" mezuarekin itxi dute euren komunikatua, kasuaren kritika politikoari erreferentzia eginez.
Erabateko babesa agertu dio, baita ere, Pedro Sanchez Espainiako Gobernuko presidenteak eta PSOEren buruak. Batzorde Federalari igorritako mezu batean, alderdikideei eskatu die Zapateroren "izen ona" defendatzeko.
Idatzian, gobernuburuak aitortu du "une zailak" direla alderdiarentzat, baina "inoiz baino gehiago" herriaren alde "borrokan" jarraitzea dagokiela, "aurrera egiteko".
Ildo beretik mintzatu da Elma Saiz Espainiako Gobernuaren eleduna ere. Presidente ohiaren "legatua" defendatu du, eta esan du "Justiziak justizia egitea” espero duela. Horrekin batera, errugabetasun-presuntzioa errespetatzea eskatu du.
Ministroen Kontseiluaren osteko prentsaurrekoan, Saizek adierazi du Gobernuak inputazioaren albistea “lasaitasunez, konfiantzaz, zuhurtziaz eta Justizia errespetatuz” hartu duela, eta gogorarazi du Plus Ultraren ikerketa "ultra" den Manos Limpias sasi-sindikatuaren salaketa baten ondorioz hasi zela.
Halaber, Patxi Lopez PSOEren bozeramailea Kongresuan ziur agertu da, eta adierazi du Zapaterok ez duela zerikusirik ustelkeriarekin. Bere hitzetan, albisteak "shock egoeran" utzi du militantzia sozialista, baina "etengabe" jasotzen ari diren erasoen aurrean ez dutela amore emango erantsi du.
Bere aldetik, Emiliano Garcia-Page Gaztela Mantxako presidenteak azaldu du "zur eta lur" utzi duela Zapateroren inputazioaren albisteak, eta "denen onerako" guztia argitzea nahiko lukeela adierazi du.
Azkenik, Oscar Puente Garraio ministroa ere mintzatu da gaiaz. "Ergela" deitu dio Alberto Nuñez Feijoo PPren buruari, gaur jakin denaren "arrastoak" utzi zituelako Andaluziako hauteskunde kanpainan egindako ekitaldi batean. Artean sumarioa sekretupean zegoela, Zapatero susmopean zegoela aurreratu zuen Feijook.
Zure interesekoa izan daiteke
450 kulturgilek baino gehiagok eskatu dute Mugimendu Sozialistari Bilbon eta Gasteizen txosna jartzen uzteko
Bada Garaia ekimenaren baitan, bi hiriburuetan ezarritako debekua altxatzeko galdegin dute dozenaka idazlek, abeslarik, aktorek eta bertsolarik. Bilboko Konpartsei eta Gasteizko Txosna Batzordeari gatazka behingoz konpontzeko deia egin diete artistok.
Cerdanek ukatu du Leire Diezen ustezko sarearen burua dela, eta salatu "kanpaina mediatiko" baten biktima dela
PSOEko Antolakuntza idazkari izandakoaren iritziz, UCOren helburua "pertsonak suntsitzea da, ez delituak ikertzea". Argudiatu duenez, Polizia Judizialak gertakari zehatzak ikertu eta, ondoren, erantzuleak bilatu ordez, "alderantzizko metodologia" erabiltzen du.
Europako Migrazio Itunaren "hutsuneak eta zalantzak" kritikatu dituzte Kanarietako eta Euskadiko gobernuek, indarrean jarri aurretik
Migrazioaren eta Asiloaren Europako Ituna indarrean jartzeko astebete falta denean, "ziurtasun baino zalantza gehiago" daudela deitoratu dute. "Elkartasunak agenda, aurrekontua, gobernantza eta erantzukidetasuna izan behar ditu", azpimarratu du Nerea Melgosak.
Sanchezek dioenez, ez zituen Diezen "ibilerak" babestu, ez zuen haien berri, eta izan balitu ez zituzkeen onartuko
Pedro Sanchezek iragarri duenez, PSOEko talde juridikoa Leire auziari buruzko dokumentazio guztia aztertzen ari da, alderdiaren "ohorea" babesteko ekintza egokiak abiatzeko. "Nire gobernua gobernu garbia da, nire alderdia alderdi zintzoa da, eta, oroz gain, ustelkeria gutxi batzuen kontua da", azpimarratu du.
Bengoetxea: "Informazioak kezkagarriak dira, egunen batean Sanchez presidenteak azalpenak eman beharko ditu"
Ibone Bengoetxea Kultura eta Hizkuntza Politikako sailburu eta lehen lehendakariordea PSOE "ataka zailean" jartzen ari diren ustezko ustelkeria auzien inguruan mintzatu da. Horren ustez, "egoera larria da", eta buruzagi sozialistak azalpenak eman beharko ditu. Auziek Jaurlaritzan izan dezaketen eraginaz galdetuta Bengoetxeak erantzun duenez, Jaurlaritzak "euskal agenda du" eta "ez da despistatzen".
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.