Zapaterok ikertu gisa deklaratuko du asteon Plus Ultra auzia eta atzeman zizkioten bitxiak tarteko
Calama epaileak hilaren 17an eta 18an galdekatuko du presidente ohia. Pandemia garaian erreskatatu zuten aire konpainiaren auziagatik ez ezik, bere bulegoan aurkitutako bitxiengatik ere galdetuko diote.
Zapatero, artxiboko irudi batean. Europa Press
Jose Luis Rodriguez Zapatero Espainiako Gobernuko presidente ohiak ikertu gisa deklaratuko du asteazkenean eta ostegunean Auzitegi Nazionalean. Jose Luis Calama epailea ikertzen ari da Plus Ultra aire konpainia erreskatatzeko diruari emandako ustezko erabilera irregularra, baita Zapateroren bulegoan atzemandako bitxien jatorria ere.
Bi egunotan 09:00etarako deitu ditu aldeak (Zapatero eta horren defentsa, Fiskaltza eta akusazioak). Berez, ekainaren 2an galdekatu behar zuten buruzagi sozialista, baina defentsak denbora gehiago eskatu zuen, sumario osoa eskuratzeko aukerarik ez zuela argudiatuta.
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ibili da Jose Luis Calama Auzitegi Nazionaleko magistratua. Auzi horretan influentzia trafikoaren ustezko delituagatik eta erakunde kriminal gisa beste delitu batzuekin lotura izan dezakeelakoan ikertu du Zapatero bera. Calamaren esanetan, presidente ohia “influentzia trafikoaren egitura egonkor eta hierarkizatu” horren burua izan zen, eta “kontaktu pertsonalak eta Espainiako administrazioko goi kargudunekin zituen hartu-emanak bere mesederako erabiltzea" egotzi dio.
Bitartekari lan horiengatik dirutza jaso omen zuen Zapaterok, betiere Auzitegi Nazionaleko epailearen arabera.
Beste ikerketa bat atzeman zizkioten bitxiengatik
Plus Ultra auziarekin lotuta agindutako miaketan Zapateroren bulegoan atzemandako bitxiengatik beste pieza bat ireki du berriki Calama epaileak. Kasu honetan, delitu fiskalak eta kontrabandoa egotzi dizkio gobernuburu ohiari, horren ustez ez baitago justifikatuta bitxi horien jatorria.
Epaileak Ansorena bitxi dendari eta Espainiako Gemologia Institutuari eskatu zien bitxien tasazioa egitea. Horiek egindako lehen balorazioen arabera, 1,3 milioi euro balio dute.
Agenda politikoa ere, Zapateroren deklarazioari begira
Zapateroren auziak bete-betean eragingo dio PSOEren eta oposizioaren jardunari, eta Kongresuko saioak presiorako tresna gisa baliatuko dituzte alderdiek.
Gobernuaren kontrolerako saioan hainbat talderen galderei erantzun beharko die Pedro Sanchez Espainiako Gobernuko presidenteak. Alberto Nuñez Feijoo PPko buruak honakoa galdetuko dio asteazkenean: "Zenbat denbora iraungo du degradazio politiko honek?".
EAJren izenean, Maribel Vaquero bozeramaileak aurrekontu orokorren negoziazioaz itaunduko dio Sanchezi, eta Ione Belarra Podemoseko idazkari nagusiak "Gobernuak hemendik aurrera dituen asmoez" argibideak eskatuko dizkio.
Zure interesekoa izan daiteke
Ansolaren esanetan, EAJ ez da inoiz egongo Vox partaide den alternatibetan: "Voxekin inoiz ez, ezer ez"
Iñigo Ansola Bizkai Buru Batzarreko presidenteak Voxen alternatiba politiko oro baztertu du: "Ez dugu inoiz parte hartuko Vox presente dagoen inongo alternatibatan... printzipioengatik, balioengatik, gure herriarekiko errespetuagatik. Voxekin inoiz ez, ezer ez".
EAJren eta PSE-EEren arteko talka Bizkaiko plan fiskala dela eta
Talentua erakartzeko eta enpresen sustraitzea indartzeko asmoz Bizkaiak kenkari fiskalen pakete handi bat iragarri eta biharamunean, euskal sozialistek euren haserrea agertu dute, bai edukiagatik, bai formagatik. Mikel Torres Bizkaiko PSE-EEko buru, Jaurlaritzako lehendakariorde eta Ekonomia, Lan eta Enplegu sailburuak esan du bere alderdiak komunikabideen bidez izan duela horren berri.
Podemos Euskadik M-15eko espiritua berreskuratzeko deia egin du, herritarrak ustelkeriarekin "nazkatuta" daudelako
Podemos Euskadiko koordinatzaile nagusiak, Richar Vaquerok, M-15aren espiritua berreskuratzeko deia egin du, gaur egun, orain 15 urte bezala, herritarrak "nazkatuta" daudelako "ustelkeriarekin, erreskate publikoetan egindako azpijokoekin eta pertsona gutxi batzuek erakundeak beren onurarako erabiltzearekin".
PPk azalpenak eskatuko ditu USaPeko euskara azterketan izandako zero mordoagatik, eta ikerketa eskatu du
Esther Martinez EAEko PPko idazkari nagusiak iragarri duenez, bere alderdiak azalpenak eskatuko ditu, Unibertsitatera Sartzeko Probaren (USaP) euskara azterketan zero mordoa izan delako. Suspentso gehienak itunpeko ikastetxeetako, A ereduko eta epaimahai jakin batzuetako ikasleek izan dituzte.
Enplegu publikoaren legeari segurtasun juridikoa ematea espero du EAJk, eta EH Bilduk akordioa posible ikusten du "alderdi askotan"
PSE-EEk "akordioak hautsi" izana egotzi die jeltzaleei, "hainbat hilabetez negoziatzen egon ostean", eta PPk eta Voxek "politika inposatzailea" dela uste dute.
EAJk Ipar Euskal Herrirako bere marka berritu du: Le Parti Basque
Aitor Estebanek Bidarten adierazi duenez, nomenklatura berri honek alderdiaren "balioak eta ideologia abertzale eta zentrokoa hobeto ordezkatzen ditu".
Eusko Jaurlaritzak ertzain baten aurka Leioan izan den "seinalatze publikoa" gaitzetsi du
Hainbat kartel agertu dira Leioako ikastetxe baten inguruan, maiatzaren 23an Loiuko aireportuan izan zen Ertzaintzaren dispositiboaren arduraduna seinalatuz.
Ibone Bengoetxea: "Munduko txapelketa ekartzeko marra gorria akordio orekatua da"
Bilbo eta Donostia 2030eko Munduko Futbol Txapelketaren egoitza izateari buruz galdetu dio Amaia Martinez Voxeko legebiltzarkideak Kultura eta Hizkuntza Politikako sailburuari. FIFAren baldintzak "ez dira gutxi, ezta txikiak ere", Bengoetxearen hitzetan, eta hirietako mugikortasuna mugatzea edo munduko txapelketak "hiriko beste ekitaldi propioekin" bat ez egitea nabarmendu du horien artean. Eusko Jaurlaritzak "ez du txeke zuririk sinatuko, ezta hankak, eskuak eta ahoa lotuko ere", gaineratu du.
Zapatero kontrabando eta delitu fiskalengatik ikertzen ari da Calama epailea, bulegoan aurkitutako bitxiengatik
Plus ultra auzia ikertzen ari den Auzitegi Nazionaleko epaileak pieza bereizitua zabaltzea agindu du 1,3 milioi euroko balio estimatua duten bitxien harira, horien jatorria behar bezala "justifikatuta" ez dagoelakoan.