Albiste izango dira: Imanol Pradales lehendakariari elkarrizketa ETBn, AEB eta Iranen arteko bake akordioa eta medikuen greba
Gaurkoan Orain-en albiste izango direnen laburpena, bi hitzetan.
Honako gai hauek hartuko dituzte gaur, 2026ko ekainaren 16an, hedabideetako lerroburu nagusiak:
- Imanol Pradales lehendakariari elkarrizketa, ETBn: Gaueko Gaur Egun albistegiaren ondotik, Nerea Reparazek Imanol Pradales lehendakaria elkarrizketatuko du, Ajuria Enetik, zuzenean. Orain-en eta ETB On plataforman izango da ikusgai, gainera. Legegintzaldiaren erdialdera iritsi den honetan, egungo erronkak eta bere gobernuaren etorkizuneko proiektuak aztertuko dituzte.
- AEB eta Iranen arteko bake akordioa: Donald Trump Ameriketako Estatu Batuetako presidenteak adierazi duenez, ostiralean, behin-behineko akordioa Genevan sinatzen dutenean ezagutaraziko dituzte xehetasun guztiak. Momentuz, ez dute testu ofiziala plazaratu eta alde bakoitzak interesatzen zaizkion alderdiak nabarmendu ditu. Estatu Batuen arabera, akordioak Ormuz erabat irekitzea ekarriko du. Iranek, bere aldetik, Iranen aktiboak desblokeatzea eta Errepublika Islamikoaren aurkako zigor guztiak kentzea adostu dutela azpimarratu du.
- Medikuen greba: Bosgarren greba astearen bigarren egunean, Hego Euskal Herriko medikuek protestak deitu dituzte Bilbon, Gasteizen, Iruñean eta Tuteran. Osasun sare publikoko medikuek iragarri dute irailetik aurrera greba mugagabera joko dutela, negoziazioetan urratsik egon ezean.
Zure interesekoa izan daiteke
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernua hesi bat jartzen ari da Ceutan, mugako morruan
Auzitegi Gorenak ebatzi zuen berehalako itzulketak soilik egin daitezkeela "mugako elementuak" gainditzen dituztenen kasuan. Hesia jarrita baldintza hori bete nahi du.
Ceutako muga normaltasuna berreskuratzen ari da pixkanaka, eta hildakoak 67 dira jadanik
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.
Puyko jaitsiera bertan behera utzi dute Lizarran, hirugarrenez
Uztailaren 29an egindako osoko bilkuran, oposizioko taldeek bat egin zuten bozketan, eta UPNri erabakia zuzentzeko eskatu zioten mozio bat aurkeztuta. Iaz bezala, Marta Ruiz de Alda alkateak kotxez egin du jaitsiera, txosnak beste toki batean jartzea aldarrikatzen ari ziren herritarrak zeuden kaletik ez jaisteko.
Milaka migratzaile Marokora itzultzen hasi dira
50.000 migratzaile baino gehiago Ceutan sartu ostean, hiri autonomoa gainezka dago, eta askok Marokora itzultzeari ekin diote.
Jaurlaritzak ukatu egin ditu Solariak Araban parke fotovoltaikoak eraikitzeko eskatutako 19 baimenak
Industria, Trantsizio Energetiko eta Jasangarritasun Sailak argudiatu du iraungi egin direla garraio-sarera sartu eta konektatzeko emandako baimenak.
Feijook "salbuespenezko" neurriak eskatu ditu migrazio krisiaren aurrean, lehen erreakzio politikoak iritsi diren bitartean
PPko buruak Ceutako segurtasuna indartzeko, Atzerritarren Legea erreformatzeko eta Pedro Sanchezek Kongresuan agertzeko eskatu du. ERCk, Voxek eta IUk ere migrazio krisiaren inguruko jarrera azaldu dute.