EBko Justiziak Googleren aurkako isuna berretsi du, bere nagusitasunezko posizioaz abusatzeagatik
Europar Batasuneko Justizia Auzitegiak Googleren aurkako 2.400 milioi euroko isuna berretsi du, nagusitasunezko posizioaz abusatzeagatik, bere bilatzaileak mesede egin diolako produktuak alderatzeko duen tresnari, lehiakideen aldean. Ezin zaio erabaki horri helegiterik jarri.
Kasua 2017an hasi zen; orduan, Europako Batzordeak AEBko konpainia zigortu zuen, bilaketa-zerbitzu orokorren merkatuan zuen nagusitasunezko posizioaz baliatu zelako emaitzetan bere tresna lehentasunez aurkezteko.
Bruselaren ustez, horren ondorioz, erabiltzaileek sarriago egin zuten klik Googleren produktuak alderatzeko zerbitzuan lehiakideenetan baino, eta, beraz, Googleren emaitza orokorren orrialdeko datuen trafikoaren desbideratzearen arrazoia ez zen zerbitzuaren kalitate hobea, "autofaboritismoa" baizik.
Ikerketa horren ondorioz, Batzordeak isuna jarrio zion, eta Googlek Europako Justiziaren aurrean helegitea jarri zuen. Justiziak Bruselari arrazoia eman zion lehen instantzian, eta orain berretsi egin du.
Auzitegiak gogorarazi du EBko Zuzenbideak ez duela debekatzen berez nagusitasunezko egoera bat egotea, baizik eta horretaz abusatzea, eta gaineratu du Batzordeak egindako ikerketak frogatu zuela kasu horretan Googleren jokabidea diskriminatzailea izan zela eta ez zegokiola merezimenduetan oinarritutako lehiari.
Bestalde, multinazionala "desengainatuta" agertu da auzitegiaren erabakiarekin. "Epai hau oso gertaera zehatzei buruzkoa da, eta 2017an jada aldaketak egin genituen Europako Batzordearen erabakia betetzeko. Gure ikuspegiak arrakastaz funtzionatu du zazpi urte hauetan, eta milaka milioi klik sortu ditu erosketak alderatzeko 800 zerbitzutan baino gehiagotan", adierazi du Googlek.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.