Euskal eskola publikoa

2022/05/23 - 14:24

Aste honetako lehen greba eguna dute gaur irakaskuntza publikoko sukalde eta garbiketa zerbitzuetan

Bi dira langileek Hezkuntza Sailari zuzentzen dizkioten aldarrikapen nagusiak: egiten ez diren ordezkapenak betetzea eta behin-behinekotasunari aurre egingo dioten kontsolidazio-prozesu bermatzaileak martxan jartzea.

2022/05/20 - 16:44

Ikasleen ahozkotasuna lantzeko "hizketa-laguntzaileak" dituzte hainbat ikastetxe publikok

Ekimen honen helburua irakaslearekin batera ikasleek hizkuntzetan duten gaitasuna hobetzea da. Datorren ikasturtean 202 "hizketa-laguntzaile" egongo dira EAEko ikastetxeetan.

2022/05/17 - 14:49

Maisha MC ft. Juantxo Arakama, Fani eta Laize: ''Handitan''

Maisha MCk konposatu du Euskal Eskola Publikoaren 29. jaiaren kantua, eta Juantxo Arakamak, Fanik eta Laizek jarri dizkiote hitzak eta ahotsa. Ekainaren 5ean izango da jaia, Bastidan.

2022/05/04 - 12:42

Unibertsitate Estrategia berriak 10.000 plaza eskainiko ditu 80 titulutan

Eusko Jaurlaritzak 2022-2026ko Unibertsitatea+Enpresa II. Euskal Estrategia berria aurkeztu du. Aurreko eskaintza ia bikoiztuko du datozen lau urteotan, bost jarduera-lerro nagusitan.

2022/04/27 - 11:54

Bildarratz: "Zama handia genuen, eta orain posible da irribarreak ikustea"

Pandemiak baldintzatutako hirugarren ikasturtean emozionalki gogorra izaten ari zela esan du, horregatik, musukoa kentzeak zama kentzen lagundu du. Halere, zuhur agertu da Bildarratz, pandemia hor dagoelako. Bestalde, udara aurretik Hezkuntzaren erreformaren testu artikulatua prest egotea espero du.

2022/04/21 - 14:27

Ikastetxeetan ere maskara ez da derrigorrezko izango

Euskadin neurria indarrean sartu da jadanik. Nafarroan, aldiz, datorren astelehenera arte itxaron beharko dute.

2022/04/07 - 13:27

Bildarratz: "Legebiltzarrak lezioa eman digu gaur; ahalik eta leialtasun gehienarekin beteko dugu agindua"

Hezkuntza sailburuak agerraldia egin du Gasteizko ganberak hezkuntza lege berrirako oinarriak onartu eta gero. Bildarratzek eskerrak eman dizkie talde parlamentarioei "politikatik harago, adostasuna bilatu" dutelako eta eragileei esan die eurekin lanean jarraituko dutela.

2022/04/07 - 11:52

Euskal Eskola Publikoaren aldeko plataformak protesta egin du Eusko Legebiltzarraren aurrean

Plataformak salatzen duenez, gaur Legebiltzarrean onartuko den akordio honek hezkuntza pribatuaren alde jokatzen du eta sistema duala betikotuko du.

2022/04/04 - 16:15

Hezkuntza Sailak konpetentzietan oinarritutako curriculumak ezarriko ditu maila bakoitietan

Konpetentzien araberako ikaskuntza ez da berria, baina nabarmen indartuko dute. Datorren ikasturtean Lehen Hezkuntzako 1. 3. eta 5. mailetan, DBHko 1. eta 3. mailetan, eta Batxilergoko lehen mailan ezarriko dute, eta hurrengoan, denera zabaldu. Batxilergoan hautazko ikasgai gehiago izango dira.

2022/03/30 - 16:09

Euskal Eskola Publikoak jaia ospatuko du aurten, pandemia tarteko bi urtez bertan behera izan ostean

Festa Bastidan (Arabar Errioxa) egingo dute ekainaren 5ean. "Birritan kale, hirugarrenean irabazle", aldarrikatu du Lurdes Imaz EHIGE Euskal Eskola Publikoaren aldeko gurasoen konfederazioko presidenteak.

2022/03/29 - 15:54

Hiru eguneko greba, hezkuntza publikoko jantoki eta garbitzaileen egoera salatzeko

Zerbitzu horien % 90 pribatizatuta daudela eta langileen behin-behinekotasuna % 70ekoa delako kexu dira sindikatuak. Egoera salatzeko, 3 eguneko protestak deitu dituzte. Bihar Donostian izango dira eta etzi, Legebiltzarrera joko dute.

2022/03/22 - 13:31

Gasteiz da Madrilen ondoren ikasleen segregazio mailarik altuena duen hiriburua Estatuan

Steilas sindikatuak Ikusbide erakundearekin batera egindako azterketaren arabera, ikastetxe batzuetan 10 ikasletik 8 migratzaileak dira. Horietatik askok ez dute gasteiztartzat bere burua eta ez dute euskara bere sentitzen. Itunpeko ikastetxeen pribilegioaren ondorio dela salatu du sindikatuak.

2022/03/19 - 15:00

Historikotzat jo dute EAJk, EH Bilduk, PSEk eta Elkarrekin Podemosek hezkuntza legearen inguruko akordioa

Halaber, lau taldeek egindako ahalegina nabarmendu dute akordioaren sinatzaileek, Radio Euskadiko "Parlamento en las Ondas" saioko solasaldi politikoan.

2022/03/19 - 11:36

Greba deialdia ''berraztertzea'' eskatu die Bildarratzek sindikatuei

Hezkuntza Legearen oinarrien inguruan EAJk, EH Bilduk, PSE-EEk eta Elkarrekin Podemos-IUk akordioa itxi eta biharamonean, Jokin Bildarratz Hezkuntza sailburuak esan du "grebako arrazoirik ez" dagoela, "sindikatuen eskaera gehienak akordioan jasota" daudelako.

2022/03/19 - 10:32

Bildarratz: "2023ko udaberrirako martxan egon daiteke legea"

Radio Euskadin egin dioten elkarrizketan, Hezkuntza sailburuak argi utzi du desadostadun handienak ez direla euskararen inguruan izan. Gainera, testua ikusita, martxoaren 25erako deitutako greba "berraztertzeko" eskatu die sindikatuei.

2022/03/18 - 18:57

Akordio historikoa itxi dute EAJk, EH Bilduk, PSE-EEk eta Elkarrekin Podemos-IUk Hezkuntza Legearen inguruan

Litekeena da akordio politikoa martxoaren 28an berrestea Legebiltzarreko batzordeak, apirilaren 7ko osoko bilkuran behin betiko onartzeko. Urteko bigarren seihilekoan indarrean sartuko den Hezkuntza Legeko oinarria izango da.

2022/03/18 - 15:04

EAJk, EH Bilduk, PSE-EEk eta Elkarrekin Podemos-IUk negoziatzen jarraitzen dute hezkuntzaren alorrean

Ituna ixtear zegoela zirudienean, desadostasunak sortu dira, eta Eusko Legebiltzarrean egin beharreko lantaldearen bilera atzeratzea erabaki dute taldeek.

2022/03/15 - 12:19

Sindikatuek greba eguna deitu dute Hezkuntzan martxoaren 25erako

Hezkuntza Legearen zirriborroarekin bat ez datozela aldarrikatzeko, mobilizazioak ere egingo dituzte hilaren 18an eta 28a, "Publikoa, euskalduna eta propioa" leloa lagun.

2022/03/07 - 12:44

Legebiltzarreko taldeek martxoaren 18ra arte izango dute hezkuntza legearen nondik norakoak negoziatzeko

Zirriborroari aurkeztutako zuzenketak orduan bozkatuko dituzte taldeek, eta bertatik aterako da irizpena. Behin betiko testua martxoaren 28an da onartzekoa Batzordean, eta apirilaren 7an, osoko bilkuran. Elkarrekin Podemos-IUk "aldez aurretik akordioa lortzeko borondate falta" deitoratu du.

2022/03/07 - 10:23

Gorrotxategi: "Elkarrekin Podemos-IU hezkuntza akordioan egonda, segregazioaren kontrako ituna gauzatuko da"

Ezkerreko koalizioaren bozeramailea oso kritiko azaldu da Legebiltzarreko lantaldean aurkeztutako zirriborroarekin, "testu deklaratibo hutsa" dela uste du eta. "Akordiorako bidea ez da hasi", ohartarazi du.