Gasteiz da Madrilen ondoren ikasleen segregazio mailarik altuena duen hiriburua Estatuan
Gasteiz da Madrilen ondoren ikasleen segregazio mailarik altuena duen hiriburua Estatuan; izan ere, ikastetxe batzuetan 10 ikasletik 8 migratzaileak dira. Steilas sindikatuak esan du segregazioa bera kaltegarria dela, eta itunpeko ikastetxeen pribilegioaren ondorio dela salatu du. Hala, arazo honekin berehala amaitzeko deia egin du.
Gasteizen bertan egin du Steilas sindikatuak, Ikusbide erakundearekin batera, segregazioaren ondorioei buruzko azterketa. Zentro batzuetan 10 ikasletik 8 migratzaileak dira, eta inkestak utzi dituen beste ondorioen artean daude ez direla gasteiztar sentitzen, ez dutela euskara bere egiten eta 2tik 1ek ez duela unibertsitatean ikasten jarraitu nahi.
Euskal irakaskuntzaren dualtasuna da arazoaren jatorria, Steilasen ustez, ikasleen ia % 50 ikastetxe pribatuetan matrikulatuta baitaude. Horregatik, sindikatuak uste du oso zaila dela eskola-segregazioarekin amaitzea itunpeko ikastetxeen pribilegioekin amaitzen ez bada.
Testuinguru horretan, premiazkotzat jo dute Hezkuntza lege berriak orain jasotzen ez dituen neurriak jasotzea. Hala ere, Jose Masa ordezkari sindikala kezkatuta azaldu da, Katalunia hartu baitute eredu gisa, eta, bere hitzetan, "Katalunian jorratu ziren segregazioarekin bukatzeko hainbat neurri, baina gaur-gaurkoz egoerak berdin jarraitzen du". "Ez daukagu ezer objektiborik segregazioarekin amaituko dela esateko", gaineratu du.
Zure interesekoa izan daiteke
Bosgarren entzierroa, oso arriskutsua Jose Escolarren zezenekin
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere.
Suteak kontrolik gabe jarraitzen du Almerian, eta dagoeneko 12 dira hildakoak, 23 desagertuak eta 1.405 etxetik atera dituztenak
Andaluziako Gobernuak eutsi egin dio herritarrei euren etxebizitzetan egoteko egindako deialdiari.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.