Ikasle etorkinentzako 'trantsizio ikasgelak' jartzeko asmoa du Hezkuntza Sailak
Eusko Jaurlaritzako Hezkuntza Sailak eskoletan "trantsizio ikasgelak" jartzeko asmoa du ikasle etorkinak laguntzeko, Cristina Uriarte Hezkuntza sailburuak iragarri duenez. Proiektua ikasturte honen amaieran edo datorrenean sartuko da indarrean.
Eusko Legebiltzarreko Hezkuntza Batzordean egin du iragarpena Uriartek, 'Atzerritar jatorriko ikasleen eskolaratzea EAEn' diagnostikoa aurkezteko saioan. Txostena azaroan aurkeztu zuten hedabideen aurrean, baina astelehenean xehe aztertu zuten Batzordean.
Txosteneko datuak¿
Txostenaren arabera, Lehen Hezkuntzako eskola publikoetan matrikulatutako ikasleen % 22,8 atzerritar jatorrikoak dira, eta, itunpekoetan, berriz, % 9,6.
Derrigorrezko Bigarren Hezkuntzan (DBH), aldiz ez da hain nabaria sare publikoaren eta itunpeko zentroen arteko ezberdintasuna. Izan ere, nazioarteko herrialdeetan jaiotako ikasleak % 18 dira eskola publikoetan, eta itunpeko zentroetan, aldiz, % 11,6.
Bizkaian, Gipuzkoan eta Araban matrikulatutako ikasleetatik, 33.079 jatorri atzerritarra dute (21.227 Lehen Hezkuntzan eta 11.852 DBHn), hots, % 15,7 dira (Lehen Hezkuntzan % 16,4 eta DBHn % 14,6).
Lurraldeka, jatorriz atzerritarrak diren ikasle gehienak Araban matrikulatuta daude (% 25 Lehen Hezkuntzan eta % 20 DBHn), izan ere, Bizkaian eta Gipuzkoan % 15 dira. Lehen Hezkuntzan, jatorri atzerritarreko ikasleen % 84 sare publikoan dago matrikulatuta Araban. Datu hori % 68koa da Gipuzkoan, eta % 67koa Bizkaian.
Arabari dagokionez, Gasteizen eta Arabako Errioxan daude matrikulatuta atzerritar jatorriko ikasle gehien. Bizkaian, Bilboko erdigunean batez ere. Alabaina, Gipuzkoan, datu hori sakabanatuago dago, izan ere, jatorriz atzerritarrak diren ikasleak udalerri askotako eskoletan eta zentroetan matrikulatuta daude.
Tokian tokiko erakundeekin lankidetza
Arazoaren konplexutasuna nabarmendu ostean, tokian tokiko erakundeekin lankidetzan aritzearen beharra azpimarratu du Uriartek. Gogorarazi duenez, etorkin familiei informazio eta orientazioa emateko guneak jarri dituzte Gasteizen, Bilbon eta Arrasaten. Etorkizunera begira ere sentsibilizazio kanpainak bultzatuko dituztela iragarri du.
Legebiltzarkideen galderei erantzunez, bakarrik heltzen diren atzerriko adingabeei laguntzeko neurriak beste administrazioekin koordinatzea "erronka" azpimarratu du. Helburua da Aldundiko zentroetatik ateratzen direnean formazioa eskura izatea da.
Datuok emanda, talde parlamentarioen bozeramaileek hartu dute hitza. Rebeka Ubera (EH Bildu) izan da kritikoenetakoa. Horren ustez, Jaurlaritzak ez du auzia "behar bezala landu" eta orain arte ez du eskola segregazioari aurre egiteko benetako borondate politikorik agertu.
Iñigo Martinezek (Elkarrekin Podemos) uste du txostenak hainbat gabezia dituela, batez ere eskolaratzearen azterketa ekonomikoa bat falta da, hori baita, horren esanetan, segregazioaren arrazoi nagusienetakoa.
Juana de Bengoecheak (PP) beharrezko jo ditu "trantsizio ikasgelak". Nabarmendu duenez, ume asko ezagutzen ez duten hizkuntza batean eskolaratzen dira, eta horrek "samina" eragiten die eta emaitza akademikoetan ere ondorioak ditu.
Zure interesekoa izan daiteke
Senegalen hildako arrantzale lekeitiarraren familiak laguntza eskatu du gorpua aberriratzeko
Lekeitioko 45 urteko arrantzale bat hil zen duela sei egun Senegalen, Dakar inguruko uretan. Ordutik, haren familia zain dago gorpua aberriratzeko; izapide burokratikoen eta Senegalgo portuetako traben ondorioz, itsasontzian jarraitzen du gorpuak. Bermeoko ATUNSA enpresako langile bat zen.
Lagako hondartzako aparkalekua uda osoan egongo da zabalik
Hondartzaren inguruko ingurumena birsortzeko lanak udazkenera arte atzeratuko dira, Espainiako Gobernuaren Bizkaiko ordezkariordeak jakinarazi duenez.
Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.
Lau urteko ume bat ospitalera eman dute, Bilboko Pagasarribide eskolan bero-kolpe izan ondoren
Ikastetxeko Guraso Elkarteak salatu du azpiegiturak zaharkituta daudela eta ez daudela prestatuta bero sapa hauei aurre egiteko. Esan dutenez, arazoa orokorra da Bilboko sare publikoko eskoletan.
Adimen artifizialaren lege berriaren hamar gako eta adibide
Ministroen Kontseiluak lege-proiektu bat onartu du teknologia horren erabilera gizartearentzat "etikoa, inklusiboa eta onuragarria" izan dadin bermatzeko.
Donostiako Udalak hondartzen denboraldia aurreratzea aztertuko du, egun hauetako erreskateen ondoren
Jon Insausti alkateak adierazi duenez, hondartza denboraldia lehenago hasi behar den aztertuko da, edo agian zerbitzu zehatz batzuk, gune puntual batzuetan, baina hori datorren urteko aurrekontuen araberakoa izango dela azpimarratu du. Halaber, seinaletika indartzearen eta megafonia zerbitzuak lehenago aktibatzearen alde agertu da, Saguesen, esaterako, "arriskutsuak izan daitezkeen korronte konplikatuak" daudelako.
77 urteko gizon bat hil da Donostiako Ondarreta hondartzan
Larrialdi zerbitzuek goizeko 10:30ak pasatxoan jaso dute abisua. Hondartzan zeuden hainbat herritarrek atera dute gizonezkoa uretatik, baina erreskate taldeek ezin izan dute ezer egin, haren bizitza salbatzeko.
Datorren urtetik aurrera Bero Plana maiatzaren 15era aurreratzea aztertzen ari da Eusko Jaurlaritza
Guillermo Herrero Eusko Jaurlaritzako Osasun Publikoko zuzendariaren hitzetan, "txipa aldatzen hasi behar dugu denok, eta pentsatzen, lehen uztailekoak edo abuztukoak ziren tenperaturak maiatza-ekainean izango ditugula".
Auto-ilarak deseginda, egoera bere onera itzuli da Artatzan goizean tuneletan izandako istripu baten ondoren
Moto batek istripua izan du tuneletan eta errei bat itxi behar izan dute BI-637 errepidean, Leioan, Bilborako noranzkoan eta 4 km-rainoko ilarak izan dira bertan. Motor gidaria zaurituta eraman dute erietxera. Arazoak izan dira N-1ean ere Tolosa parean eta Irunerako noranzkoan; autobus batek eta auto batek talka egin dute eta zauriturik ez badago ere, ilarak sortu dira.
Bi pertsona ospitalera eraman dituzte Berriobeitin, hondakinak kudeatzeko enpresa batean piztutako sutean kea arnastuta
Enpresa ebakuatu behar izan dute. Enpresako langileak sua itzaltzen hasi dira, eta suhiltzaileek bukatu dute, 00:26an.