Steilas: "Sistema publiko-pribatu duala gure gizartearen estratifikaziorako eta segregaziorako tresna da"
Steilas sindikatuak uste du "egun dugun sistema publiko-pribatu duala gure gizartearen estratifikaziorako eta segregaziorako tresna bat dela". "Errealitate hau ukaezina da eta ondorioak nabarmenak dira, auzoz auzo eta herriz herri sarritan modu gatazkatsuan bizi direnak", azpimarratu du.
Iñigo Urkullu lehendakariak berak jakinarazi zuen 2022rako hezkuntza itun bat duela helburu. Ohar batean, hizpide izan du Steilas sindikatuak. "Bitxia bada ere, lehendakariaren hitzetan 2022an iritsiko dira akordiora, nahiz eta printzipioz gogoeta prozesua oraindik ez den abiarazi", ohartarazi du sindikatuak.
"Hezkuntza sistema egun dugun merkatu logiketatik aldentzen ez bada, ulergaitza da deszentralizazioan sakondu nahi izatea autonomiaren aitzakiarekin", esan du.
"Gaurko hezkuntza sistema dualaren status quoa iraultzen ez den bitartean deszentralizazioak desarautzea ekarriko du etorkizunean, eta horixe da hain zuzen ere, egun dugun arazo larrienetako bat; berdintasun eza bi hezkuntza sareen egiteko moduetan, ikasleen onarpen prozesuetan, ratioetan, azpiegituretan, eskaintzen diren hezkuntza zerbitzuetan, etab", erantsi duenez.
Steilasen hitzetan, "hezkuntza zentroek gizartearekiko dituzten betebeharren eta eskaintzaren desberdintasun horiek ikastetxeen arteko hierarkizazioa sortzen dute eta horrek isla du euskal gizartean, esan bezala, modu gatazkatsuan bizi delarik bai jendartean baita komunikabideetan ere".
"Argi dago egun dugun hezkuntza sistema gizartean ongi errotuta dauden desberdintasun sozialak birsortzen dituela", salatu du. "Hori konpondu nahi badugu denbora beharko dugu, ezin da hamarkada askoren erabaki politikoen ondorio den egoera egun batetik bestera konpondu", erantsi duenez.
Horregatik, "prozesua presa eta interes politikoetatik aldendu beharko da parte-hartzea eta etekina erreala izan daitezen", eskatu du. "Gaurko gatazka konpondu nahi badugu, dugun hezkuntza sistema publiko-pribatuarekin amaitu beharko da, hau da, ituntze politika unibertsalarekin amaitu beharko da", aldarrikatu du.
Zure interesekoa izan daiteke
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Suteak kontrolik gabe jarraitzen du Almerian, eta dagoeneko 12 dira hildakoak, 23 desagertuak eta 1.405 etxetik atera dituztenak
Andaluziako Gobernuak eutsi egin dio herritarrei euren etxebizitzetan egoteko egindako deialdiari.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.