Lantalde batek zehaztuko ditu Hezkuntza Legearen inguruan "akordio zabala" lortzeko oinarriak
Etorkizuneko hezkuntza sistemaren inguruan "akordio zabala" lortu ahal izateko oinarriak zehaztuko ditu lantalde batek Legebiltzarrean. Ondoren, Eusko Jaurlaritzaren lege berrian izango du isla. Datorren urtean arau berria Gasteizko Ganberara eramateko helburua dute.
EAJk, PSE-EEk eta EH Bilduk proposatuta, lantaldea osatzea onartu du Eusko Legebiltzarreko osoko bilkurak ostegun honetan. PP+Cs koalizioaren ekimen bati zuzenketa bat aurkeztu diote indar politiko horiek, eta bertan jaso dute lantaldea osatzea. Elkarrekin Podemos-IUk babesa eman dio; PP+Cs koalizioa, ostera, bozketan abstenitu da.
Lantaldean, aditu, gizarte eragile eta erakundeetako ordezkariek ekarpenak egingo dituzte, eta ondorioak Hezkuntza Sailari igorriko dizkiete, lege berriaren oinarriak ezartzeko. Araudia datorren urtean onartzeko asmoa du Jaurlaritzak, Iñigo Urkullu lehendakariak Politika Orokorreko osoko bilkuran horretarako konpromisoa agertu baitzuen, iragan irailean.
Leixuri Arrizabalaga EAJko legebiltzarkideak defendatu duenez, alderdiak datozen 30 urteetarako hezkuntza gida bezala balioko duen marko berri bat definitzeko kapaz izan behar dira, indarrean dagoen legedia 1993an onartu baitzuten.
Bestalde Ikoitz Arresek (EH Bildu) uste du lantaldea osatzea erabakigarria izango dela, "adostasun sendo eta zabalak" lortzeko aukera ematen duelako. "Hezkuntza sistema publiko burujabe" baterantz aurrerapausoak ematea defendatu du.
PP+Cs koalizioaren proposamena atzera bota dute. Lege berriak "hizkuntza aukeratzeko askatasuna modu eraginkorrean eta benetan bermatzea, eta itunpeko sarea sendotzea", planteatu du eskuineko koalizioak, besteak beste.
Jose Manuel Gil legebiltzarkideak EAJri eta PSE-EEri aurpegiratu die hezkuntza itun bat sustatzea, baina jarraian "EH Bildurekin soilik adostea". Lege berrian eskuineko koalizioaren ikuspuntua jasotzeko prest ote dauden argitzeko eskatu die Gobernuko alderdiei.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.