Pilar Garrido: "Itunpekoak erantzukidea izan behar du, orain ez da"
Pilar Garrido Ahal Duguren koordinatzaile nagusiak nabarmendu duenez, hezkuntza legea erreformatzeko orduan itunpeko sarea "erantzukide" egingo duen sistema baten alde egingo dute, orain eskola publikoa delako "esfortzu guztia" egiten ari dena, ikasle zaurgarrienak artatzeko, besteak beste. "Itunpekoekin amaitu behar da? Ez, eta azalpena emango dut. Eskola horiek funtsak jasotzen badituzte, erantzukideak izan behar dira eta segregazioarekin amaitzeko lan egin behar dute", argudiatu du.
Unidas Podemosen diputatua ere badenak Radio Euskadiren "Boulevard" saioari eskainitako elkarrizketan deitoratu egin du oraindik ez dutela jaso Eusko Jaurlaritzaren deia. "Berebiziko garrantzia duen gaia da, herri mailako gai bat", azpimarratu du. Horren ildoan, ezkerreko koalizioak "eskola publikoaren baitan egituratuko den herri" baten alde egingo duela esan du, "denon aukera berdintasuna bermatuko duena".
EAEko aurrekontuez galdetuta, Garridok ziurtzat jo du Ahal Dugu negoziazio mahaian izango dela, eta koalizioaren lehentasunak hizpide, "zerbitzu publikoak indartu, Osakidetza berbarako, eta erreforma fiskal sakon bat egitea" aipatu ditu. Azken horren harira esan duenez, "EAEk autogobernua du, ezin da baliabide falta aitzakia moduan erabili. Fiskalitatea herri honek duen erronketako bat da, fiskalitateak progresiboago behar du izan".
Ahal Duguren koordinatzaile nagusiaren hitzetan, koalizioak ez du "lerro gorririk" EH Bildurekin negoziatzeko, eta "herri proiektu alternatibo bat" lantzeko. "Unea heltzen denean, berriro hitz egingo dugu ezkerreko bloke bat sortzeaz", iragarri du.
Azkenik, Estatuko aurrekontu orokorren harira, ziurtzat jo du EAJk eta EH Bilduk babestuko dituztela, euren proposamenak eta "antzezpen" batzuk egingo dituzten arren. Halaber, azaro amaierarako lan erreforma bertan behera geratuko dela iragarri du; "hala esan digu Yolanda Diazek (Espainiako Gobernuko presidenteordea)", argitu du.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.