Ikastolek eta Jaurlaritzak "denen artean" hezkuntza sistema berria eraikitzeko deia egin dute
Nekane Artola Kilometroak kultur elkarteko ordezkariak hezkuntza sistema berri baterantz "adostasuna eztabaida zabal eta sakon baten emaitza" izatea eskatu du, eta ildo horretan, Jokin Bildarratz Hezkuntza sailburuak "denon artean" eraiki behar dela azpimarratu du.
2021eko Kilometroak ospatzen ari dira gaur Gipuzkoako Goierrin Ordiziako, Lazkaoko eta Beasaingo ikastolen alde, eta Jakintzan egindako ekitaldian egin dituzte adierazpenok.
Artolak berretsi du euskararen "erabileran eta kalitatean izandako atzerapausoak" direla ikastolen kezka nagusia, duela aste batzuk Koldo Tellitu Ikastolen Elkarteko buruak adierazi zuen moduan.
Horren harira, arreta murgiltze ereduan jartzeko deia egin du, "hizkuntza ereduarenak egin" duela iritzita. Bere ustez, euskarak "integraziorako bitarteko handi" izan behar du ikasle atzerritarrentzat, eta horretarako murgiltze eredua ezinbestekoa da.
Horregatik guztiagatik, "euskal hezkuntza sistema propioa eraikitzeko beharra" goraipatu eta horretarako "aspaldiko aukera handiena" dagoela gaineratu du, Jaurlaritzak egindako eskaintzari eta EH Bilduk aurkeztu berri duen proposamenari erreferentzia eginez.
Hala, adostasuna lortzeko "eztabaida zabal eta sakona" eskatu du, "denon artekoa, eta hemen garatua". "Marra gorririk gabe eta elkarlanerako borondatearekin, Euskal Herri osorako", nabarmendu du.
"Guztion artean eraiki"
Bestalde, Bildarratzek ere hartu du hitza, eta euskal hezkuntza sistemak dituen indarguneen eta gabezien inguruan gogoeta egiteko deia egin du, "guztion artean" eraikitzeko etorkizuneko hezkuntza.
Hala ere, "eztabaida antzuetan ez galtzeko" eskatu du, "badakigulako non dauden arazoak, orain irtenbideak bilatu behar ditugu".
Ekitaldi nagusi horretan izan dira, era berean, Tellitu bera, Maddalen Iriarte EH Bilduren ordezkaria eta Eider Mendoza Gipuzkoako Aldundiaren bozeramailea, beste batzuen artean.
Eguraldi txarra
Euria dela eta, zenbait ekitaldi bertan behera utzi behar izan dituzte pandemiara egokitutako Kilometroetan. Naina lekukoa kalez kale eta herriz herri ibili dute, Lazkaoko San Benito ikastolatik hasi, gero Beasaingo Andramendira, eta azkenik, Ordiziako Jakintzara, 'Batera. Bagara. Bat gara' lelopean.
Ordizian, Ibarrako Uzturpe ikastolako ordezkarien eskuetan utzi dute lekukoa, datorren urtean hori izango baita Kilometroak jaia antolatuko duena.
Zure interesekoa izan daiteke
Herritarrak konfinatu dituzte Pasaiako portuan piztutako sute baten ondorioz sortutako keagatik
Pasaiako portuan izandako sute batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat bidali dute bizilagunei konfinatzea eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.