Bildarratz: "Lege berria onartzeko oso aldarte ona sumatu diet alderdiei"
Radio Euskadin eskainitako elkarrizketan Jokin Bildarratz Eusko Jaurlaritzako Hezkuntza sailburuak adierazi duenez, Hezkuntza Lege berriaren inguruan oinarri sendoa dago eztabaida abiatzeko. Haren iritziz, alderdien eta hezkuntza eragileen aldartea ona da, eta lanari ekiteko ordua da, legea onartu ahal izateko.
Lege horren oinarriak ezarriko dituen ponentzia Eusko Legebiltzarrean onartu izana eskertu die alderdi politikoei, kontrako botorik ez baitzen izan (PP-CS koalizioa abstenitu zen). Baliteke ponentzia azaroan abiatzea baina, Bildarratzek azaldu duenez, urtebete daramate hezkuntza eragileekin eta alderdiekin hitz egiten.
Entzute aktiboko fasean daude, eta horren adibide dira, euskal hezkuntza sistemaren erronka eta beharren inguruan, ostiral eta larunbat honetan Eusko Ikaskuntzak, Eusko Jaurlaritzak eta hezkuntza profesionalek egindako jardunaldiak. Bildarratzek azpimarratu duenez, diagnostikoaren gainean adostasuna dago, baina ikuspegi eta estrategia diferente daude hizkuntza politikaren edo itunpeko sarearen inguruan.
Ikastetxeei buruz galdetuta, sailburuak azpimarratu du ikasturte hau oso bestelakoa dela. Egoera epidemiologikoa ona da eta horren isla da bakarrik lau gela itxita daudela koronabirusagatik (iaz 105 izan ziren). Dena dela, zuhurtziaren alde azaldu da eta, hori dela eta, iazko ikasturtean ezarritako irakasle errefortzuak mantenduko direla baieztatu du. Hezkuntza Sailaren asmoa da kontratu horiek 2022ko abuztuaren 31era arte mantentzea.
Kontratazioei dagokienez, sailburuak esan du egun martxan dagoen LEPa abenduan bukatuko dela, eta lanean dihardutela datorren urtean izango den beste LPE batean. Orduan mila plaza inguru eskainiko dira haur eta lehen hezkuntzarako.
Zure interesekoa izan daiteke
Gaur goizean hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.