Junts per Catalunya

2024/03/21 - 20:30

Puigdemontek maiatzaren 12ko hauteskundeetan hautagaia izango dela iragarri du

Puigdemontek azaldu duenez, hauteskundeetara aurkeztuko da, "presidente gisa itzultzea" lortzeko. Generalitateko presidente ohiak zerrenda bateratua osatzea eskaini dio ERCri. "Sei urte geroago, estradizio saiakerek eta indultuekin limurtzeko saiakerek porrot egin dute", adierazi du.

2024/03/19 - 20:17

Kataluniak zerga guztiak biltzea eta Estatuko "orekari" ekarpena egitea proposatu du Generalitateak

Horrela, Katalunia zergen % 9 jasotzetik guztiak biltzera pasako litzateke. Generalitateak urtean 52.000 milioi euroko diru-sarrera potentzialak suposatuko lituzkeela uste du, egungo finantzaketa-ereduaren bikoitza.

2024/03/19 - 18:11

"Eskumenak urratzen dituzten" Etxebizitza Legearen artikuluak kentzeko eskatu diote Espainiako Gobernuari

PPren ekimenak Vox, Junts eta EAJren babesa izan du Etxebizitza Batzordean, eta ERC abstenitu egin da; PSOEk, Sumarrek, Podemosek eta EH Bilduk, berriz, kontra bozkatu dute.

2024/03/18 - 21:44

Garcia Castellon epaileak 'Tsunami Democratic' terrorismoagatik ikertzen jarraitzea babestu du ANk

Otsailaren 29an Auzitegi Gorenak Puigdemont auzipetu zuen terrorismoa leporatuta, eta ANri bideratu zion forugabeak ikertzeko eskumena. Fiskaltzak auzi guztiak Kataluniako auzitegietara bidaltzea defendatu zuen, terrorismoa baino desordena publikoak izan zirela argudiatu.

2024/03/15 - 12:18

Atxilotzeko arriskua gorabehera, Puigdemont prest dago Kataluniara itzultzeko, bere abokatuaren arabera

Gonzalo Boye abokatuak ziurtzat eman du presidente ohiaren hautagaitza. Horren ustez, Gorenak hura atxilotzeko beste agindu bat eman lezake 'Tsunami Democratic' auzia tarteko, eta eurodiputatu immunitatea galduta lukeenez, atxilo har lezakete. "Azkenera eramango du bere erabakia", nabarmendu du.

2024/03/14 - 18:48

Eta orain zer? Teorian bi hilabete, amnistia legea epaileen irakurketaren menpe geratu arte

Aurreikus daitekeenez, Senatuak, PPren gehiengo osoarekin, legea blokeatuko du, eta testuak Kongresura itzuli beharko du, PSOEk eta bere bazkide politikoek beto hori bertan behera utz dezaten eta araua behin betiko onar dezaten.

2024/03/14 - 18:30

Puigdemontek datorren astean jakinaraziko du Juntsen hautagaia izango ote den Parlamenturako hauteskundeetan

Jordi Turull Juntseko idazkari nagusiak asteazkenean esan zuen Puigdemont izan zitekeela alderdiaren hautagaia hauteskundeetarako.

2024/03/14 - 16:50

Amnistia Legea, onartuta

Gehiengo osoarekin onetsi dute testua, PSOEren eta bere bazkideen 178 aldeko botoekin. Kontrako 172 boto izan dira, PP, Vox, UPN eta CC alderdienak.

2024/03/14 - 16:06

Nogueras (Junts): ''Helburua gure herriaren, Kataluniaren, independentzia da''

Amnistiaren Legea onartu ostean, Miriam Nogueras Junts per Catalunyak Diputatuen Kongresuan duen bozeramaileak esan duenez, "hau ez da puntu eta amaiera bat. Politika berdinetik berdinera egiten jarraituko dugu".

2024/03/14 - 14:56

Amnistia Legeak Kongresuaren oniritzia jaso du

Kongresuko osoko bilkurak Amnistia Legeari oniritzia eman dio, aldeko 178rekin eta kontrako 172rekin. Araua Senatura pasatuko da, Junts eta ERCrekin adostutako aldaketekin aldatu ondoren.

2024/03/14 - 08:59

Amnistia Legeak Kongresuaren oniritzia jasoko du Kataluniako hauteskundeak aurreratu eta biharamunean

Horrela, Pedro Sanchezen inbestidurari babesa ematearen truke, PSOEk Kataluniako bazkideei agindutako lege giltzarria Senaturako bidean aterako da.

2024/03/13 - 19:36

Puigdemont: "Argi dago Kataluniara itzuli ahal naizela inbestidura saiorako"

"Aragones presidenteak proposatzen duen egutegiarekin argi dago inbestidura saioan egon ahal izango naizela eta ilusio handia egingo lidakeela", azpimarratu die Juntseko buruzagiak kazetariei Europako Parlamentuaren atarian, Estrasburgon (Frantzia).

2024/03/07 - 15:17

Justizia Batzordeak Amnistia Legea onartu du, PSOEk, Juntsek eta ERCk adostutako aldaketekin

Aurreikusi bezala, inbestidurako bazkideen aldeko botoa izan du arauak, eta PPk eta Voxek kontra bozkatu dute. Testua martxoaren 14an eztabaidatu eta bozkatuko dute osoko bilkuran.

2024/03/07 - 12:58

Junts: ''Lege integrala da, mundu guztiarentzat eta berehala aplikatzekoa''

"Juntsek ezezkoa bozkatzen duenean horretarakoa arrazoiak ditugulako da. Era berean, Juntsek aldeko botoa ematen duenean, baiezko botoa emateko arrazoiak dituelako da. Eta zailak diren baina beharrezkoak diren erabakiak hartu behar direnean ere bai ", azpimarratu du Miriam Noguerasek.

2024/03/07 - 12:56

Amnistia lege berriarekin Puigdemontek Kataluniara itzultzeko aukera izango duela esan du Turullek

JxCateko idazkari nagusiak adierazi du Pablo Llarena Auzitegi Goreneko epaileak kautelazko neurriak bertan behera utzi beharko lituzkeela legea indarrean sartzen denetik gehienez bi hilabeteko epean.

2024/03/07 - 12:06

Amnistia Legeak ''historia egingo du'' eta garai berri bat ekarriko du Kataluniarentzat, Bolañosen hitzetan

Felix Bolaños Espainiako Gobernuko Presidentetza ministroak agerraldia egin du PSOEk alderdi katalanekin adostu duen legearen balorazioa egiteko. Horren ustez, ezberdin pentsatzen dutenekin akordioa lortzeko gai den "gobernu ausart" baten emaitza da, "gatazka atzean uzteko".

2024/03/06 - 21:08

PSOEk, ERCk eta Juntsek amnistia legerako akordioa lortu dute

Agiri bateratu batean, hiru alderdiek adierazi dute transakzio-zuzenketa bat adostu dutela, bizirik zeuden zuzenketak oinarri hartuta. Juntseko iturriek ziurtatu dutenez, legeak Europako estandarretara egokitutako terrorismo eta traizio delituak jasoko ditu.

2024/03/06 - 11:02

Amnistia Legearen testuan aldaketak onartu ditu PSOEk, Juntsi "berme gehiago" emateko

Brasilen da bisita ofizialean Espainiako Gobernuko presidentea, eta handik iragarri du Amnistia Legearen inguruko akordioa ixtear dutela Juntsekin. "Guztiz konstituzionala izaten jarraituko du", zehaztu du.

2024/03/04 - 14:27

Kongresuko Justizia Batzordea ostegunean bilduko da amnistia legearen irizpen berri bat emateko

Azken orduetan PSOEko eta Juntseko ordezkariek egindako adierazpenei erreparatuta, gertu egon liteke akordioa. Azkenean testua aurrera aterako balitz, hurrengo astean eztabaidatu eta bozkatuko litzateke Kongresuko osoko bilkuran.

2024/02/29 - 14:31

Gorenak Puigdemont auzipetu du "terrorismoa" leporatuta, 'Tsunami Democratic' auziari lotuta

Eurodiputatua ez ezik, epaileak Ruben Wagensberg Kataluniako Parlamentuko diputatua ere ikerketapean jarri du. Goreneko Fiskaltzaren irizpidearen aurka hartu du erabakia. Generalitateko presidente ohiak "Espainiako Matrix judiziala" salatu du.