Pedro Sanchezen gutuna, Kataluniako hauteskunde-kanpaina hasieraren protagonista nagusia
Pedro Sanchez Espainiako Gobernuko presidenteak bertan behera utzi zuen asteazkenean bere agenda publikoa, emazteari salaketa eta ikerbidea abian jarri ostean karguan jarraituko ote duen pentsatzeko. Espainiako agintariaren erabakia Kataluniako hauteskunde-kanpaina hasieraren protagonista nagusia izan da. Sanchezek herritarrei bidalitako gutunari egindako aipamenak Kataluniako hautagai guztien hitzaldietan izan dira.
Hala, Pere Aragones Generalitateko presidente eta ERCko zerrendaburuak esan du bera ere erabat maiteminduta dagoela emaztearekin, baina ez duela ihes egingo "ultraeskuinak eraso egiten duenean".
Bartzelonako Jardinets de Gracian egindako kanpaina hasierako ekitaldian ohartarazi duenez, Sanchezen egoera pertsonalaz hitz egiten denean, "ustelkeria auziei buruz hitz egiteari uzten zaio", besteak beste, 'Koldo auzia' eta ' % 3a', bere ustez, herritarrek zerbitzu publikoetan duten konfiantza murriztuz, eta ERC politika zintzoaren alderdia dela defendatu du.
Oriol Junqueras ERCko presidenteak ere hitz egin du Sanchezi buruz, eta adierazi du "kosta" egiten zaiola ulertzea Espainiako Gobernuko presidenteak bost egun behar izatea Exekutiboaren buru izaten jarraitu nahi duen erabakitzeko.
Carles Puigdemont JxCateko presidentegaiak ere Espainiako Gobernuko presidentearen erabakia hizpide izan du: "Haiek baino hobeto ezagutzen dugu Espainiako Justizia, prentsa patriotikoa, ez digu inork azaldu behar. Ezagutzen ditugunez, negar eginda ateratzen gara etxetik".
JxCatek hauteskunde-kanpainari hasiera eman dio Argeles-Sur-Merreko Jean Carrere Spacen egindako ekitaldian. Bertan, hautagaitzaren mitin guztiak egingo dira, eta, zerrendaburuaz gain, Laura Borras alderdiko presidenteak eta Jordi Turull idazkari nagusiak ere hitza hartu dute.
Puigdemonten hitzaldiaren zati bat markatu du Sanchezen hausnarketak, baina JxCatek "PP eta PSOE koalizioaren" ezetza hausteko duen indarra ere aldarrikatu du, amnistia legeari edo Kataluniaren aitortza nazionalari erreferentzia eginez.
Bestalde, Salvador Illa PSCko buru eta presidentegaiak "aurkariaren suntsiketaren aurkako erresistentzia kolektiboa" eskatu du, eta Pedro Sanchez Espainiako Gobernuko presidenteari babesa eman dio: "Zurekin gaude. PSC zurekin dago".
PSCren kanpaina hasierako ekitaldian, Sanchezen presentziarik gabe, Illak babesa adierazi dio presidenteari, pantailetan proiektatutako "Zurekin gaude, presidente" leloarekin, eta "Pedro, Pedro" oihua eta txalo zaparrada batekin abiatu da sozialisten mitina.
"Pedro, zure erresistentzia indibidualetik erresistentzia kolektiboa altxatzeko deia egiten dugu gaur", aldarrikatu du Illak, eta "aurkariaren suntsipen sistematikoa" eta "erakundeen instrumentalizazioa" errefusatu ditu.
PSCko buruak ez ditu PP eta Vox esplizituki aipatu, eta Sanchez jasaten ari den "bereizi gabeko erasoak" salatu ditu, baita Gobernura iritsi zenetik sortu den "amorrazio politikoa" ere.
Zure interesekoa izan daiteke
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen "mugako elementuak" gainditzen dituztenak bakarrik itzul daitezkeela heldu eta berehala. Hesia jarrita baldintza hori bete nahi dute.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.