Katalunia

2024/05/13 - 22:03

Gizon batek bere bikotekidea hil du Bartzelonan, eta biktima apiriletik zegoen desagertuta

Gizona maiatzaren 11n atxilotu zuten Vicen. Atxiloketa azkartu egin zen ikertzaileek jakin zutenean gizonak Espainiatik alde egiteko asmoa zuela. Oraindik ezin izan dute biktimaren gorpua aurkitu.

2024/05/13 - 21:05

Puente: ''Ez dut baieztatzen sabotajea dagoenik, baina ezin dut baztertu''

Garraio eta Mugikortasun Iraunkorreko ministroak M-12an 'Rodalies' zerbitzuak jasandako matxuren inguruan hitz egin du. Nabarmendu du ezin duela esan sabotajea izan zenik, baina ezta baztertu ere (adierazpenak gaztelaniaz).

2024/05/13 - 20:55

Illa ala Puigdemont, ekainaren 25a epemuga izango duen lehen inbestidura saiorako hautagaia

Ekainaren 10ean aukeratzen den Parlamentuko presidente berriak bere esku izango du inbestidurarako hautagaia izendatzea. Inbestidurako lehen bozketatik bi hilabete igaro eta hautagairik aukeratu ezin izan badute, Kataluniako Parlamentua automatikoki desegingo da.

2024/05/13 - 16:06

PSC ere ERCri begira jarri da, eta Illaren inbestidura ahalbidetzeko eskatu dio

Nuria Parlonek esan du inola ere ez diotela Puigdemonten inbestidurari bide emango, baina alderdi guztiekin hitz egiteko prest omen daude, "gorrotoa sustatzen dutenekin izan ezik".

2024/05/13 - 15:50

PSC: ''Indar guztiekin negoziatzeko prest gaude, Junts barne, Kataluniako gobernagarritasuna bermatzeko''

Nuria Parlon PSCko bozeramaileak aurreratu duenez, alderdi politiko guztiekin hitz egingo dute, Vox eta Aliança Catalana salbu, Salvador Illa buru izango duen "gehiengo egonkorra" osatzen saiatzeko.

2024/05/13 - 14:56

Pere Aragonesek (ERC) politika utziko duela iragarri du, ''erantzukizunagatik eta zintzotasunagatik''

Generalitateko jarduneko presidenteak iragarri duenez, ez du diputatu akta jasoko, eta alderdiarekin eta Kataluniarekin duen erantzukizunagatik erabaki du politikaren lehen lerroa uztea.

2024/05/13 - 14:55

Puigdemont aurkeztu egingo da inbestidurara, eta ERCren babesa bilatuko du

Juntsen buruak uste du gehiengo koherentea izango litzatekeela, eta PSCk baino aukera gehiago izango lituzkeela bigarren bozketan inbestuidura lortzeko.

2024/05/13 - 14:50

Pere Aragonesek ez du diputatu akta jasoko eta politikaren lehen lerroa utziko du

Generalitateko jarduneko presidenteak iragarri duenez, alderdiarekin eta Kataluniarekin duen "arduragatik" hartu du erabakia. Halaber, argi eta garbi utzi du ERCk ez duela PSCren inbestidura erraztuko, ezta "Juntsen eta PSCren akordioa behar duten operazioetan" parte hartuko ere.

2024/05/13 - 13:03

Iñarritu: ''Ezberdinen arteko akordioak landu beharko dira Katalunian''

Jon Iñarritu EH Bilduko diputatuak azpimarratu du Kataluniako gizartearen aniztasuna agerian utzi dutela hauteskundeek. Esan duenez, prozesu independentista martxan dagoela erakusten duten "arrazoi guztiak mahai gainean jarraitzen dute", Salvador Illa PSCko hautagaiak kontrakoa esan bazuen ere.

2024/05/13 - 11:46

Katalunian "elkarrizketarako" eta "ezberdinen artean akordioak lortzeko" garaia dela uste du Ortuzarrek

EAJren EBBko presidenteak Salvador Illa eta Junts zoriondu ditu, hurrenez hurren, hauteskundeak irabazteagatik eta lehen indar subiranista izateagatik.

2024/05/13 - 01:58

PSCk irabazi ditu Kataluniako hauteskundeak eta Juntsek ERC aurreratu du

Salvador Illaren alderdiak 42 eserleku izango ditu, CAT-Juntsek 35 eta ERCk 20. PPk Vox aurreratu du eta Ciutadans Parlamentutik kanpo geratu da. Comuns Sumarrek 6 ordezkari izango ditu eta CUPek 4. Aliança Catalanak, berriz, ordezkaritza lortu du lehen aldiz.

2024/05/13 - 01:56

Zer da Aliança Catalana? Espazio subiranistan ezinegona eragiten duen alderdi islamofoboa

Silvia Orriols Aliança Catalanaren buruak "Kataluniaren askapen nazionalaren alde borrokatzea" defendatzen du, "immigrazio-politika negargarriei buelta ematearekin" batera.

2024/05/13 - 01:55

''Parlamentuan gauzatu daitezkeen politikak ahalik eta gehien presionatzen eta baldintzatzen saiatuko gara''

Aliança Catalanek, Silvia Orriols Ripolleko alkateak bultzatutako alderdiak, lehen aldiz lortu du Kataluniako Parlamentuan sartzea, 2 diputaturekin. Orriolsek adierazi du bere alderdiak ez diola uko egingo indepentziari.

2024/05/13 - 01:43

PSCrekin eta ERCrekin hiruko aurrerakoia egitea espero du Comuns Sumarrek

Jessica Albiachek adierazi duenez, ez da espero zuten emaitza, baina "posible da ezkerreko aro bat irekitzea" Katalunian, eta hori posible egiteko deia egin die beste alderdiei.

2024/05/13 - 01:33

Illak nabarmendu du Kataluniak ''aro berri bat'' ireki duela, ''inor kanpoan utziko ez duena''

Salvador Illak iragarri du bere gain hartzen duela Kataluniarako aro berri baten buru izateko ardura. "Katalanak batzeko asmoarekin egingo dut", nabarmendu du hautagai sozialistak.

2024/05/13 - 01:20

Carles Puigdemontek ERCrekin zubiak berregiteko eskatu du

Puigdemontek agerraldia egin du Juntsek Argelersen (Ipar Katalunia) duen egoitzan, eta eskua luzatu dio ERCri "zubiak berregiteko" eta mugimendu independentistaren "batasun ezaren" inguruan hausnartzeko.

2024/05/13 - 01:04

ERCk adierazi du herritarren borondatea onartuko duela eta oposiziotik egingo duela lan

Pere Aragonesek onartu du ERCren emaitzak "oso txarrak" izan direla. "Ezin izan ditugu azken hauteskundeetako emaitzak irauli", esan du ERCko hautagaiak.

2024/05/13 - 00:49

PP: ''Kataluniako PP inoiz baino indartsuago itzuli da''

Alejandro Fernandezek onartu du azken urteak ez direla errazak izan Kataluniako PPrentzat. "Horrelako gau bat merezi genuen", gaineratu du hautagai popularrak.

2024/05/13 - 00:38

CUP: ''Inoiz baino Parlamentu eskuindarragoa eta espainolistagoa geratu da''

Laia Estrada hautagaiak onartu du CUPek lortutako emaitzak ez direla onak. "Emaitzak ez dira onak CUPentzat bakarrik, herrialde osoarentzat baizik. Hau galga bat da helburu sozial eta nazional guztientzat", adierazi du.

2024/05/12 - 23:00

Voxek Katalunian izan duen igoera nabarmendu du Garrigak

Voxen hautagaiak eskuineko alderdiak izan duen igoera nabarmendu du; 11 ordezkari izango ditu Kataluniako Parlamentuan.