Gorenak uko egin dio Puigdemonti Amnistia Legea aplikatzeari eta atxilotzeko agindua mantendu du
Pablo Llarena Auzitegi Goreneko epaileak Carles Puigdemont Generalitateko presidente ohiari Amnistia Legea aplikatzea baztertu du, eta hura Espainiako Estatuan atxilotzeko aginduari eutsi dio. Halaber, ez ditu Toni Comin eta Lluis Puig Kataluniako Gobernuko kontseilari izandakoak amnistiatuko eta horiek atxilotzeko aginduak ere mantendu ditu.
Gainera, Zigor Aretoak ez die Amnistia Legea aplikatuko Kataluniako prozesuan zigortutako Oriol Junqueras, Raul Romeva, Jordi Turull eta Dolors Bassa buruzagi indenpendentistei. Horren arabera, diru publikoa bidegabe erabiltzearen delitua ezin da prozedura honetan barkatu.
Bestalde, Zigor Aretoak Konstituzionaltasun galdea egingo du Auzitegi Konstituzionalean, Amnistia Legea desobedientzia delituari aplikatzeko aukeraren inguruan.
Ana Ferrer magistratua ez dator bat diru publikoa bidegabe erabiltzearen delitua amnistiaren aplikazioatik kanpo uztearekin. Hori dela eta, boto partikularra eman eta Europar Batasuneko Auzitegian epaitu aurreko arazo bat aurkeztea babestu du.
Alvaro Garcia Ortiz Espainiako Estatuko fiskal nagusia Amnistia Legea buruzagi kataluniarren aurkako auzi guztietan aplikatzearen alde agertu da, zigortuak ez zirelako aberastu eta ez zituztelako Europar Batasunaren interesak kaltetu.
Bestalde, desobedientzia egotzita auzipetutako Marta Rovira ERCko idazkari nagusia atxilotzeko agindua bertan behera uztea erabaki du Llarenak. ERCko buruzagiari, Carles Puigdemont Kataluniako presidente ohiari eta Toni Comin eta Lluis Puig kontseilari ohiei egozten zaien desobedientzia amnistiagarria dela uste du Llarenak.
Diru publikoa bidegabe erabiltzearen delitua Amnistia Legetik at uzteko erabakiak erreakzio ugari ekarri ditu. Carles Puigdemont Generalitateko presidente ohiak Auzitegi Gorena siziliar mafiarekin alderatu du, X sare sozialean zabaldutako mezu batean: "La Toga Nostra" idatzi du, siziliar mafiari keinu eginez.
Zure interesekoa izan daiteke
“Lehentasun nazionala”, Extremadurako eta Aragoiko gobernu-akordioen ardatz
Maria Guardiola Extremadurako presidente izendatu dute asteazken honetan PPren eta Voxen aldeko botoekin, aurreko astean akordioa lortu ondoren. Aragoin ere adostasun batera iritsi dira bi alderdiak eta hurrengo astean izendatuko dute Jorge Azcon presidente.
Iparragirrek eta Azpiazuk damua agertzen duten gutunak egin ditu publiko Auzitegi Nazionalak, auto banatan
Biktimei zuzendutako hiru gutun dira publiko egin direnak, Iparragirreren bat eta Aspiazuren bi. Eragindako mina aitortzen dute ETAko buruzagi izandakoek.
Espainia NATOtik ateratzeko erreferenduma eskatzen zuen Podemosen mozioa errefusatu du Kongresuak
Besteak beste, moreek proposatutako testuak Rota eta Morongo baseetan AEBko jarduera militar oro bertan behera uztea eskatzen zuen, eta Espainiako historiako gastu militarraren igoerarik handiena lehengoratzea ere.
Kongresuak arma zuriei buruzko legedia gogortzeko PPren plana onartu du, zigor eta aldaketa gehiagorekin
Halaber, debekatutako armen katalogoa handitzea eta Internet bidezko salmentaren gaineko kontrola indartzea eskatu dute. Ekimenak aurrera egin du PPren, Voxen eta UPNren babesarekin.
Marisol Iparragirreri erdi-askatasuneko erregimena ukatu dio epaileak
100.2 artikulua aplikatuta, joan den martxotik, lo egitera joaten zen espetxera, aste barruan eta asteburuetan. Erabaki horren ondorioz, espetxean gelditu beharko du. Iparragirreren abokatuak EITBri aurreratu dio helegitea aurkeztuko dutela.
Ubarretxena: "Euskarak akordioak behar ditu, ez du zarata behar"
Gobernantzako, Administrazio Digitaleko eta Autogobernuko sailburu eta Eusko Jaurlaritzaren bozeramaile Maria Ubarretxenak adierazi duenez, ez dute "ezer hautsitzat eman", eta EAJk eta PSE-EEk EAEko administrazio publikoan LEPetan euskararen segurtasun juridikoa indartzeko egiten dituzten elkarrizketek "jarraitzen dute" eta "oraindik badago tarterik" akordio bat lortzeko. "Azken momentura arte" itxaron behar dela aipatu du.
Marlaskak dio Korrikan presoen argazkiak erakustea legez ez dela delitua
Fernando Grande Marlaska Espainiako Gobernuko Barne ministroak esan du "nazkagarriak" iruditu zitzaizkiola azken Korrikan ikusitako hainbat irudi, besteak beste, ETAko preso baten argazkia soinean zeraman haurrarena. Azaldu du segurtasun indarrek adi jarraitzen dutela halako gertakarien aurrean, baina, legea eskuan, ekintza horiek ez direla delitua erantsi du. Senatuan egin ditu hitzok ministroak, UPNko Maria Caballerori, ETAk hil zuen Tomas Caballero Iruñeko zinegotzi izandakoaren alabari, erantzunez.
Insaustik Udalaren autonomia defendatu du, Donostiako Infernuko lursail batzuk Eusko Jaurlaritzari lagatzeari uko egin ostean
PSEk, EH Bilduk eta Elkarrekin Donostiak bi udal lurzati Eusko Jaurlaritzari lagatzea eskatu zuten, etxebizitza publikoak eraikitzeko, eta alokairuko etxebizitza babestuak eskaintzeko aukera galdu izana deitoratu dute.
Eneko Anduezak “oso zail” jo du EAJrekin akordioa lortzea lanpostu publikoetan euskara blindatzeko
PSEren buruak adierazi du “prest” daudela hitz egiteko, baina jeltzaleen proposamena zalantzan jarri du eta esan du “milaka herritarren eskubideen aurka” doala. Joseba Díez Antxustegik, EAJren bozeramaileak Eusko Legebiltzarrean, “albiste txarra” dela uste du, “bai herriarentzat, bai euskararentzat”.
Jose Antonio Agirre lehendakariaren Jaurlaritza omendu dute bere lehen egoitzan, Carlton hotelean
Imanol Pradales buru duen Gobernuak lehen Eusko Jaurlaritza omendu du, haren sorreraren 90. urteurrenean.