Kataluniako Parlamentuko presidenteak erronda hasi du taldeekin eta Illak "denbora gehiago" eskatu dio
Josep Rull Kataluniako Parlamentuko presidenteak gaur hasi eta asteazkenera arte bilera erronda egingo du talde parlamentarioekin balizko inbestidura bati begira babesak neurtzeko. Generalitateko presidente izendatzeko babesa bermatuta duen hautagairik balego, balizko inbestidura ekainaren 25ean eta 26an egingo litzateke.
Bilera errondan, gaur alderdi txikien txanda izan da. Goizean, PP, Vox eta En Comurekin batzartu da, eta, arratsaldean, CUPekin eta Aliança Catalanarekin. Asteazkenean PSC, Junts eta ERCrekin elkartuko da, Kataluniako Parlamentuko iturriek jakinarazi dutenez. Talde parlamentarioekin bildu ostean, Rullek asteazkenean bertan jakinaraziko du bere erabakia.
Salvador Illak (PSC) eta Carles Puigdemontek (Junts) inbestidurara aurkeztuko zirela iragarri zuten maiatzaren 12ko Kataluniako Parlamenturako hauteskundeen ostean. Hala ere, gaur gaurkoz, bietako inork ez du babes nahikorik Generalitateko presidente izateko. Illak, bart, Ser irrati katean egin dioten elkarrizketan nabarmendu duenez, "denbora gehiago" eskatuko dio denbora eskatuko dio. Hala adierazi du bart SER irrati kateari eskainitako elkarrizketan.
Gaur goizean, La2 eta Radio4 hedabideei eskainitako elkarrizketa batean, Rullek azpimarratu du ezin duela inor bere hautagaitza aurkezteko behartu, eta gogorarazi du mahai gainean duela "ekitaldi baliokidea" aktibatzeko aukera. Hots, bi hilabeteko epean hautagaitzarik ez balego, hauteskundeak berriro deitzekoa. "Atzera kontaketa datorren astean hasiko da, eta epea abuztuaren 15ean bukatu", zehaztu du.
Hautagai batek baino gehiagok inbestidurara aurkeztu nahi badu, babes gehien duena izango da lehena. Kasu horretan, Kataluniako Parlamentuko presidenteak ekainaren 25erako eta 26rako deituko du inbestidura saioa.
Edonola ere, aukera guztiak mahai gainean daude. Zehazki, Parlamentuko Mahaiak ez du baztertzen inbestidura ez den beste ekitaldi bat deitzea, Generalitateko presidente berria izendatzeko bi hilabeteko atzerako kontaketa martxan jartzeko. Bi hilabete pasata presidenterik ez balego, hauteskundeak errepikatuko lirateke.
PSCren eta ERCren arteko bilera
Ingurumari horretan, PSCren eta ERCren talde negoziatzaileak Bartzelonan bildu dira gaur, hedabideak aurrez ohartarazi barik. Batzarrarekin bi alderdien arteko negoziazioei ekin diete, horrenbestez.
Ohar bateratu batean azaldu dutenez, "lanean jartzekotan" geratu dira bi aldeak.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.