Lan istripuak
2022/01/26 - 21:48
Bost dira dagoeneko aurten Euskadin zenbatutako lan heriotzak
Hilabete beltza izaten ari da. Lanean ari zirela, bost beharginen heriotzak gertatu dira. Barakaldon, Gasteizen, Ikaztegietan, Pipaonen eta Irunen langile bana hil dira urtea hasi zenetik.
2022/01/26 - 17:54
Langile bat hil da Irunen eraikin bateko hirugarren solairutik erorita
45 behargina behean zeuden lankide batzuen gainera erori da eta horietako bat ari zauritu da. Hildako langileak egun bakarra zeraman enpresan lanean.
2022/01/20 - 17:57
Basozaintzan dagoen ezbehar kopuru handia eta prekarietatea salatu dituzte ELA, LAB eta CCOO sindikatuek
Pipaonen (Araba) atzo izandako lan istripu larria gaitzesteko, ELA, LAB, ESK, Steilas, HIRU eta EHNE sindikatuek protesta egingo dute bihar eguerdian, patronalaren egoitza parean, Gasteizen. CCOOk, berriz, Andre Maria Zuriaren plazan egingo du elkarretaratzea ordubete beranduago.
2022/01/19 - 18:55
Basozain bat hil da Pipaonen, zuhaitz baten adarrak jota
Ezbeharra arratsaldeko lehen orduan gertatu da, Herrerako Mendatearen inguruko baso batean zuhaitzak mozten ari ziren bitartean. Beharginak 46 urte zituen eta Villasana de Menako (Burgos) bizilaguna zen.
2022/01/19 - 13:46
Lan osasunaren euskal estrategia berriak adina, telelana eta estresa izango ditu kontuan
Orain arte, lan arriskuen prebentzioa lanpostuan soilik oinarritzen zen. Beraz, aldaketa ekarriko du estrategia berriak, Idoia Mendia sailburuaren esanetan.
2022/01/14 - 20:58
Sindikatuek lan-istripuen aurkako neurriak eskatu dizkiete Eusko Jaurlaritzari eta patronalari
Elkarretaratzea egin dute ostiral honetan, Ikaztegietan gazte bat lan-istripuan hil ondoren. Sindikatuek "langileen osasuna erdigunean ipintzeko" eskatu dute.
2022/01/12 - 12:27
Langile bat hil da Ikaztegietan teilatutik erorita
Ezbeharra astelehenean izan zen. Azken hilean gutxienez hiru langile hil dira erorikoen ondorioz, eta atzo beste bi zauritu ziren modu horretara Nafarroan.
2022/01/11 - 18:29
Bi langile larri zauritu dira, hamar metroko altueratik erorita, El Buston izandako lan istripuan
Horietako batek hainbat kolpe zituen hanketan eta bizkarrean, eta helikopteroz eraman behar izan dute Nafarroako Ospitalera. Beste behargina ere ospitale horretara eraman dute anbulantzian, kolpe larriak zituelako.
2022/01/10 - 15:14
Behargin bat hil da Gasteizen, aldamiotik erorita
Ezbeharra 12:00ak aldera gertatu da Olarizu auzoan, Errekaleorretik gertu. CCOOk ohar batean jakitera eman duenez, hildakoa LAR Servicios Auxiliares a la Construccion S.L igeltserotza enpresako langilea zen, Construcciones Urrutia S.L konpainiako azpikontrata.
2022/01/06 - 13:59
Urteko lehen lan-heriotza salatu dute Barakaldon
Zenbait elkarte sozial eta sindikalek elkarretaratzea deitu dute Euskadin 2022an atzemandako lehen lan heriotza salatzeko.
2022/01/05 - 21:53
Gijonen bi langile hil dira eta beste bi zauritu ikastetxe bateko teilatua erorita
Gijonen langile bi hil dira, hiru solairuko ikastetxe batean teilatuko terraza bertan behera erorita. Zabor artean harrapatuta gertu dira 40 eta 38 urteko gizonak. Beste bi behargin onik atera dira. Sabaiko pladurra aldatzen ari ziren eta gaur zuten amaiera epea.
2021/12/30 - 23:35
Omenaldi hunkigarria egin diote Urumean duela urtebete hildako ertzainari
Iñigo Echarriren lagunak eguerdian bildu dira gertakariaren lekuan, eta argazki bat eta hainbat lore-sorta jarri dituzte.
2021/12/20 - 18:08
Verter Recyclingeko arduradunek epailearen aurrean deklaratzeari uko egin diote
Jose Ignacio Barinagari ingurumenaren eta osasun publikoaren aurkako delitua leporatzen diote. Euskal Herriko Eskubide Sozialen aldeko Kartak eta Zaldibar Argitu Plataformak deituta, kontzentrazioa egin dute epaitegiaren aurrean, zabortegiko luiziaren erantzukizunak argitzea eskatzeko.
2021/12/19 - 18:40
Lan-istripuen kopuruak % 17 egin du gora Euskadin: iaz baino 4.900 ezbehar gehiago izan dira
Azarora arte, Araban % 23 hazi ziren lanaldiko istripuak, % 18 Bizkaian eta % 15 Gipuzkoan.
2021/12/18 - 14:00
45 urteko langile bat hil da Zumaian, eraikin bateko teilatutik erorita
Ertzaintzak baieztatu duenez, 11:30 inguruan izan da ezbeharra, Basusta Bideko eraikin batean. Tokian bertan hil da.
2021/12/05 - 13:56
Langile bat hiltzen da 11 egunean behin lan-istripuz Euskadin
Osalanek igorritako datuen arabera, lan-istripuek pertsona bat larri zauritu dute gainera, bi egunean behin. Lan-ezbeharrak % 11 hazi dira urrira arte, iaz baino 4.405 kasu gehiagorekin. Hazkunde esanguratsuena Araban izan da, % 22,5ko gorakada izan baitute bertan istripuek.
2021/12/04 - 20:41
Behargin bat hil da Bergaran izandako lan-istripu ez traumatiko batean
LABen arabera, heriotza "ez da zoriaren edo patuaren ondorio", txandakako lanaldiekin du zerikusia, gauekoarekin batez ere, osasunean duen "eragin txarragatik".
2021/11/26 - 09:30
46 meatzari eta 6 erreskatatzaile hil dira Errusiako ikatz meategi batean izandako leherketan
250 metroko sakoneran metano gasa pilatu eta lehertu dela uste dute tokiko agintariek. 38 meatzarik eta 11 erreskatatzailek ospitalean jarraitzen dute.
2021/11/23 - 17:12
Lan istriputzat hartzeko eskatuko du ESK-k Azpeitian bere buruaz beste egin zuen langile baten heriotza
20 urteko Azpeitiako bizilagun batek bere buruaz beste egin zuen uztailean, lan egiten zuen enpresan bertan. Esana zuen "ezin zuela gehiago" zituen lan-baldintzekin. ESK sindikatuak, familiak eta eragile sozialek argi dute prekarietateak eraman zuela gaztea muturreko erabaki hori hartzera.
2021/11/23 - 14:09
45 urteko langile bat hil da Portugaleten, teilatu batetik behera erorita
Lan-istripua Bailen kaleko laugarren zenbakian gertatu da, bost solairuko etxebizitza batean. Hildakoa Bravo Lanak SL enpresako langilea zen. Teilatutik zorroten bat konpontzen ari zela erori da.