Langile bat hil da Irunen eraikin bateko hirugarren solairutik erorita
45 urteko langile bat hil da asteazken honetan Irunen, obretan zegoen eraikin bateko hirugarren solairutik erorita, Segurtasun Sailak jakinarazi duenez. Hildakoak egun bakarreko antzinatasuna zuen enpresan, hau da, egun bat soilik egin du lanean.
Ezbeharra 11:00ak inguruan gertatu da Arbes auzoko eraikin batean. Behargina berehala zendu da, hartutako kolpearen ondorioz. Construcciones Arixu enpresako langilea zen.
LAB sindikatuak ohar batean azaldu duenez, hirugarren solairutik jausi da eta kalean zeuden zenbait lankideren gainera erori da. Horietako batek besoan zauri arinak dituela zehaztu dute.
Sindikatuak salatu du urtea hasi zenetik egun batzuk baino ez direla igaro eta dagoeneko bost langile hil direla Euskal Herrian.
Gertatutakoa argitu dezatela eta "altuerako lanetarako prebentzio plan zehatz bat" lantzeko eskatu die LABek erakundeei, eraikuntza sektorean ematen diren ezbeharrak amaitzeko.
Halaber, gaurko lan-istripua salatzeko eta langileen osasuna eta segurtasuna bermatzeko neurriak exijitzeko datozen orduetan izan daitezkeen mobilizazioetan parte hartzeko deia egin du.
UGTk elkarretaratzea deitu du ostegunerako 11:00etan, sindikatuaren Bilboko egoitza aurrean. Pepe Alvarez UGTko idazkari nagusiak eta Raul Arza UGT-Euskadiko idazkari nagusiak parte hartuko dute.
"Lan istripu gehiagorik ez" lelopean, beharginek bizitza lanpostuan galtzea "onartezina" dela salatuko du sindikatuak.
Zure interesekoa izan daiteke
Senegalen hildako arrantzale lekeitiarraren familiak laguntza eskatu du gorpua aberriratzeko
Lekeitioko 45 urteko arrantzale bat hil zen duela sei egun Senegalen, Dakar inguruko uretan. Ordutik, haren familia zain dago gorpua aberriratzeko; izapide burokratikoen eta Senegalgo portuetako traben ondorioz, itsasontzian jarraitzen du gorpuak. Bermeoko ATUNSA enpresako langile bat zen.
Lagako hondartzako aparkalekua uda osoan egongo da zabalik
Hondartzaren inguruko ingurumena birsortzeko lanak udazkenera arte atzeratuko dira, Espainiako Gobernuaren Bizkaiko ordezkariordeak jakinarazi duenez.
Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.
Lau urteko ume bat ospitalera eman dute, Bilboko Pagasarribide eskolan bero-kolpe izan ondoren
Ikastetxeko Guraso Elkarteak salatu du azpiegiturak zaharkituta daudela eta ez daudela prestatuta bero sapa hauei aurre egiteko. Esan dutenez, arazoa orokorra da Bilboko sare publikoko eskoletan.
Adimen artifizialaren lege berriaren hamar gako eta adibide
Ministroen Kontseiluak lege-proiektu bat onartu du teknologia horren erabilera gizartearentzat "etikoa, inklusiboa eta onuragarria" izan dadin bermatzeko.
Donostiako Udalak hondartzen denboraldia aurreratzea aztertuko du, egun hauetako erreskateen ondoren
Jon Insausti alkateak adierazi duenez, hondartza denboraldia lehenago hasi behar den aztertuko da, edo agian zerbitzu zehatz batzuk, gune puntual batzuetan, baina hori datorren urteko aurrekontuen araberakoa izango dela azpimarratu du. Halaber, seinaletika indartzearen eta megafonia zerbitzuak lehenago aktibatzearen alde agertu da, Saguesen, esaterako, "arriskutsuak izan daitezkeen korronte konplikatuak" daudelako.
77 urteko gizon bat hil da Donostiako Ondarreta hondartzan
Larrialdi zerbitzuek goizeko 10:30ak pasatxoan jaso dute abisua. Hondartzan zeuden hainbat herritarrek atera dute gizonezkoa uretatik, baina erreskate taldeek ezin izan dute ezer egin, haren bizitza salbatzeko.
Datorren urtetik aurrera Bero Plana maiatzaren 15era aurreratzea aztertzen ari da Eusko Jaurlaritza
Guillermo Herrero Eusko Jaurlaritzako Osasun Publikoko zuzendariaren hitzetan, "txipa aldatzen hasi behar dugu denok, eta pentsatzen, lehen uztailekoak edo abuztukoak ziren tenperaturak maiatza-ekainean izango ditugula".
Auto-ilarak deseginda, egoera bere onera itzuli da Artatzan goizean tuneletan izandako istripu baten ondoren
Moto batek istripua izan du tuneletan eta errei bat itxi behar izan dute BI-637 errepidean, Leioan, Bilborako noranzkoan eta 4 km-rainoko ilarak izan dira bertan. Motor gidaria zaurituta eraman dute erietxera. Arazoak izan dira N-1ean ere Tolosa parean eta Irunerako noranzkoan; autobus batek eta auto batek talka egin dute eta zauriturik ez badago ere, ilarak sortu dira.
Bi pertsona ospitalera eraman dituzte Berriobeitin, hondakinak kudeatzeko enpresa batean piztutako sutean kea arnastuta
Enpresa ebakuatu behar izan dute. Enpresako langileak sua itzaltzen hasi dira, eta suhiltzaileek bukatu dute, 00:26an.