Matxismoa

2024/07/11 - 18:19

Sexu-eraso bat izan da Baionako besten lehen gauan

Prefekturak azaldu duenez, biktima larrialdi zerbitzuetan artatu dute. Bestalde, Itaia mugimendu feministak baieztatu duenez, festetarako espresuki jarritako babesgunean, beste bi emakumeren aurkako eraso fisikoak salatu dituzte.

2024/07/11 - 13:49

Tratu txar eta sexu erasoagatik ezarritako zigor bat baliogabe utzi dute, epaimahaia partziala izan zelakoan

EAEko Auzitegi Nagusiaren Arlo Zibil eta Penaleko Salak epaiketa berriro egitea agindu du. Gizonari 11 urteko kartzela zigorra ezarri zioten bikotekideari tratu txarrak ematea eta sexu erasoa egitea egotzita. Salaren iritzian, epaimahaiko bost epaileetatik bi ez ziren inpartzialak izan.

2024/07/08 - 19:44

Zenbait sexu-eraso izan dira sanferminetan, asteburuan

Horietako bat etxebizitza batean gertatu da, eta Udaltzaingoak hartu du gertatutakoa ikertzeko ardura. Gainera, beste bost salaketa jaso dituzte ukituengatik, eta sei gizonezko atxilotu dituzte.

2024/07/06 - 16:48

62 urteko gizon bat atxilotu dute Malagan, bikotekidea hiltzea leporatuta

50 urteko emakumea itota aurkitu dute Antequerako bide-bazter batean. Udalerriko alkateak baieztatu duenez, hilketa matxista bat izan da.

2024/07/04 - 17:02

La Manadako zigortu bati kartzela-zigorra murriztea onartu du Gorenak, 'bai bakarrik da bai' legea aplikatuta

Zigor-arloko Salak atzera bota ditu Fiskaltzak, Foru Gobernuak, Iruñeko Udalak eta biktimak kondenatuari zigorra murriztu zion ebazpenaren aurka jarritako errekurtsoak.

2024/07/02 - 23:36

Berdintasun ministroak "koordinazio arazo bat" onartu du azken hilketa matxisten ostean

"Koordinazio akatsak non gertatzen diren eta koordinazio hori non hobetu aztertu behar dugu, hor ere arazo bat antzeman baitugu", ziurtatu du Ana Redondok.

2024/07/01 - 22:41

Iruñeak omenaldia egin dio Nagore Laffageri, 2008ko sanferminetan eraildako erizainari

Ehunka pertsonak duela 16 urte eraildako gipuzkoar gaztea gogora ekarri dute, eta Nafarroako indarkeria matxistaren erreferente gisa omendu dute. Hala, ekitaldia indarkeria matxistaren aurkako aldarrikapena izan da, erizain gaztea gogoan.

2024/06/29 - 21:15

Indarkeria matxistak lau emakume eta bi adingabe hil ditu 24 orduan

Andaluzian hiru emakume hil dituzte bi krimen matxistatan, Zafarrayan (Granada) eta Fuengirolan (Malaga). Beste hilketa Las Pedroñeras udalerrian (Cuenca) izan da.

2024/06/29 - 15:54

Hiru emakume hil dituzte 24 orduan Andaluzian

34 urteko gizon batek haren bikotekidea, 20 urteko neska bat, eta horren ama, 49 urtekoa, hil ditu Zafarrayan (Granada). Gainera, 76 urteko emakume bat itota topatu dute Fuengirolan (Malaga). Polizia Nazionalak haren bikotekidea atxilotu du.

2024/06/27 - 23:03

Lehen ikerketek Urruñan desagertutako emakumearen senarra, jendarme ohia, jotzen dute susmagarri nagusitzat

Senarra behin-behineko espetxealdian dago, eta hainbat arma zituen etxean. Arma horietako batzuk ezin izan dira miaketetan topatu, eta, haren izaerak, "hotza, isila eta enpatiarik gabekoa" ikertzaileen susmoak areagotzen ditu.

2024/06/27 - 22:10

Lau urteko espetxealdia ezarri diote Bizkaiko futbol entrenatzaile bati, neskato bati sexu-abusuagatik

Aurrekari polizialak ditu sexu-erasoekin lotuta. Bizkaiko Auzitegiak hamar urteko espetxe-zigorra ezarri zion pertsona horri martxoan, 2015ean eta 2017an bi gazteri sexu-erasoa egitea leporatuta.

2024/06/27 - 19:47

Emakundek eta Eudelek jaietan sexu-erasoak saihesteko jardunbide egokiak partekatu dituzte udalekin

Jaiguneak inklusiboak eta indarkeriarik gabekoak izan daitezen lan egiteko konpromisoa hartu dute. Jaiak antolatzen hasten diren lehen unetik, emakumeentzako gune seguruak izan behar dutela nabarmendu dute.

2024/06/27 - 17:21

Parekidetasunaren legea onartuta, enpresa eta erakundeetako karguen % 40 gutxienez emakumeentzat izango dira

Gainera, PSOEren eta Podemosen arteko itun batek neurriaren irismena zabaldu du, eta horren arabera, emakumeen ordezkaritza % 100era irits daiteke, betiere, justifikatzen bada.

2024/06/22 - 00:36

Gazte bat atxilotu dute Irunen emakume bati sexu-erasoa egiteagatik eta pertsona transexual bat iraintzeagatik

Atxilotuak aurrekariak ditu lesio eta mehatxu delituengatik, baina epaileak aske utzi du kautelazko neurriekin.

2024/06/19 - 20:34

Emakume migratzaileek egindako mural baten aurkako erasoa salatu du Elorrioko Udalak, gorroto delituagatik

Artelana duela sei egun jarri zuten. Udalak esker ona adierazi die "Zatoz Gurekin" proiektuan parte hartzen duten emakumeei, eta ikerketa abiatu du gertatutakoa argitzeko, gorroto delitu bat izan daitekeelakoan.

2024/06/18 - 23:25

Balearretako Parlamentuko presidenteak frankismoko biktima baten argazkia hautsi eta 2 diputatu kanporatu ditu

Gabriel Le Senne (Vox) Balear Uharteetako Parlamentuko presidenteak Mercedes Garrido eta Pilar Costa diputatu sozialistak eta Ganberako Mahaiko kideak kanporatu ditu osoko bilkuratik, hildako errepublikarren argazkiak erakusteagatik, Memoria Demokratikoaren Legea indargabetzeko saioan.

2024/06/18 - 11:34

Aske geratu da sexu erasoa egitea egotzita Bilbon atxilotutako 21 urteko fisioterapeuta

Gizonezkoa atzo arratsaldean igaro zen epailearen aurretik, eta horrek libre uztea ebatzi zuen. Dena dela, ez dute jakinarazi kautelazko neurriren bat ezarri ote zioten. Erasoa kontsulta batean gertatu zen, biktimak belaunean zuen lesio bat artatzera joan zenean.

2024/06/17 - 21:17

21 urteko fisioterapeuta bat atxilotu dute Bilbon, kontsulta batean sexu-erasoa egitea leporatuta

Emakumeak azaldu duenez, belauneko lesio bat artatzeko zain zela egin dio eraso gizonak. Hori dela eta, salaketa jarri du Ertzaintzan, mediku-laguntza jaso ondoren.

2024/06/14 - 22:44

"Abortu" hitzik ez, Ukrainarentzako laguntza gehiago eta Venezuelari abisu berri bat G7aren bileran

Alemania, Kanada, AEB, Frantzia, Italia, Japonia eta Erresuma Batuko agintariek geopolitikako gaiak jorratu dituzte goi-bileran, eta negoziazioen emaitzak 36 orrialdeko adierazpen batean bildu dituzte.

2024/06/11 - 20:09

Chivitek bitartekaritza onartu du, Erriberriko irain matxistengatik ikertutako hiru nekazariek eskatuta

Nafarroako presidenteak eskaera onartu du, eta orain auzia bitartekariei bideratuko zaie, justizia errestauratiboaren esparruan akordio bat lortzen saiatzeko jarraitu beharreko prozedura zehazteko.