"Abortu" hitzik ez, Ukrainarentzako laguntza gehiago eta Venezuelari abisu berri bat G7aren bileran
G7 taldeko buruzagiek Borgo Egnazia Italiako luxuzko hotelean egindako goi-bileran Ukrainaren defentsa sutsua egin dute, Errusiako aktiboekin finantzatutako milioi askoko mailegu handi batekin. Bestalde, Venezuelari beste abisu bat eman diote. Hala ere, goi-bileraren amaieran "abortu" hitzak piztutako polemika izan da protagonista. Azkenean, hitza adierazpenetik desagertu da.
Alemania, Kanada, AEB, Frantzia, Italia, Japonia eta Erresuma Batuko agintariek mundu mailako geopolitika gaiak jorratu dituzte. Hona hemen 36 orrialdeko agiri baten gakoetako batzuk, negoziazioen emaitza:
- "Abortuaren" polemika: Borgo Egnaziaren goi-bilera nahastu egin du abortuaren defentsak. Hitz hori, azkenean, ez da azken adierazpenean agertzen. Giorgia Meloni Italiako agintari ultraeskuindarrak eta Emmanuel Macron Frantziako presidenteak agerian utzi dute bien arteko desadostasuna.
Azkenik, buruzagiek berretsi egin dute Hiroshimako iazko adierazpenarekin zuten konpromisoa. Adierazpen hartan, "abortu legala eta abortatu osteko arreta" mahai gainean jartzeko konpromisoa hartu zuten.
Hau izan da adostutako testua: "Gure konpromisoak berresten ditugu 'Hiroshimako Buruzagien Agiria'rekin, emakumeentzako osasun-zerbitzu egoki, eskuragarri eta kalitatezkoen alde, osasuna eta guztientzako sexu- eta ugalketa-eskubide integralak barne, unibertsalki eskuratzeko". Abortu hitza, baina, ez dute inon jaso.
- Kievi emandako mailegua Errusiako aktiboetatik abiatuta: G7aren lehen akordioa Ukrainarentzako 46.000 milioi euroko mailegu bat izan zen, eta mundu osoan, gehienbat Europar Batasunean, izoztutako aktibo errusiarretatik sortzen diren interesekin finantzatuko da. Moskuk dagoeneko ohartarazi du neurri horrek ondorio "oso mingarriak" izango dituela.
- Hauteskunde "garbiak" Venezuelan: Italiaren txandakako presidentetzak arreta berezia eskaini nahi izan dio Iberoamerikari, eta, horregatik, taldeak hauteskunde "libreak" eskatu dizkio Venezuelari uztailaren 28an, behatzaileekin, 'Barbadosko Akordioa' errespetatuz, eta "oposizioko kideen jazarpena eta preso politiko guztien atxiloketak" amaitzea.
- Errusiari laguntzen dioten Txinako erakundeen aurkako "ekintza sendoak": Kremlini Mendebaldeko zigorrak saihesten laguntzen ari diren banku txinatarrak eta armak fabrikatzeko teknologia eskuratzen laguntzen dioten enpresa txinatarrak zigortzeko konpromisoa ere iragarri dute buruzagiek.
- Txinako merkataritza-praktika "bidegabeak": Txinako merkataritza-praktika "bidegabeei" buruzko kezka ere azaldu dute buruzagiek, eta Asiako erraldoiaren hazkundea eragotzi nahi ez duten arren, Pekinek nazioarteko merkataritza arautzen duten legeak betetzea nahi dutela esan dute.
- Irani mehatxu egin diote Errusiari Ukrainan laguntzeagatik: G7 taldeko buruzagiek Irani ohartarazi diote "azkar eta modu koordinatuan erantzuteko aukeraz, baita neurri gehiago eta garrantzitsuak hartzeko aukeraz ere", Teheranek Ukrainako gerran Errusia "misil balistikoak eta teknologia" eskainiz babesten jarraitzen badu; izan ere, "mehatxu zuzena da Europako segurtasunarentzat".
Zure interesekoa izan daiteke
Trumpek helikoptero batek Ormuzen izandako istripua "eraistea" dela esan eta Iranen "erasoari" erantzungo diola agindu du
Bi pilotuak onik erreskatatu dituzte. Ameriketako Estatu Batuetako presidenteak, ordea, ez du gertatutakoaren zergatiei buruzko xehetasunik eman.
Txistukada ozena jaso du Donald Trumpek New Yorken NBAko finalean
Bart, Madison Square Garden estadioan, New York Knicks eta San Antonio Spursen arteko NBAko finaletako hirugarren partidan, txistukada gorgarria jaso du Donald Trump AEBko presidenteak pantailetan agertu denean. Karguan den presidente bat final horietara joaten den lehen aldia izan da.
Lyhanna neskatoaren bortxaketa eta hilketak haserrea piztu du Frantzian
Justiziak "akatsak" egin dituela onartu du Frantziako Gobernuak. Izan ere, hilketaren susmagarri nagusiak 5 salaketa zituen gutxienez, adin txikikoak bortxatu eta sexu-erasoak egiteagatik. Salaketa horietako batzuk artxibatu egin ziren eta inoiz ez zen neurririk hartu.
AEBk petrolio-ontzi bati tiro egin dio Omanen, Irani ezarritako blokeoa urratzeagatik
Eraso honekin, dagoeneko zazpi dira AEBk "geldiarazitako" ontziak, Donald Trump AEBko presidenteak Irani itsas blokeoa ezarri zionetik.
Grossik (IAEA) elkarrizketarako deia egin dio Irani, tentsioak gora egin ostean
Teheranek "partzialtasun deliberatua" leporatu dio Energia Atomikoaren Nazioarteko Erakundeari, gatazkari errotik ez heltzeagatik: AEBk eta Israelek Irango instalazio nuklearren aurka egindako erasoak.
Marokok Fronte Polisarioko hiru kide hil ditu eraso batean
Saharako Errepublika Arabiar Demokratikoak (SEAD) hiru dolu egun ezarri ditu. Hildakoetako bat Fronte Polisarioko Idazkaritza Nazionaleko kidea eta Saharako presidente ohiaren semea da.
7,8 indarreko lurrikara bat izan da Filipinetan, eta hogei bat hildako eragin ditu
Agintariek kostaldeko hainbat eremu zaintzen jarraitzen dute, eta bitartean bilaketa lanak eta kalteen ebaluazioak egiten dihardute.
Israelek eta Iranek elkarri eraso egin diote berriro
Israelgo Armadak Irango "helburu militarrei" eraso egin die, Trumpek Netanyahuri horrelakorik ez egiteko eskatu arren. Iranek misilak jaurti ditu Israelen kontra eta sirena hotsak entzun dira berriro Tel Aviven eta Jerusalemen.
Kurti lehen ministroaren alderdiak irabazi ditu berriz ere hauteskundeak Kosovon
Albin Kurti jarduneko lehen ministro nazionalistaren Autodeterminazioa alderdiak argi eta garbi irabazi ditu hauteskundeak, baina ez du bakarrik gobernatzeko gehiengorik lortu.
Israelek Beiruti eraso dio berriro, Trumpek ez egiteko exijitu zion arren, eta Iranek Israelen aurka misilak jaurtiz erantzun du
Gutxienez bi pertsona hil eta 20 zauritu dira Israelen erasoan. Erantzun gisa, Iranek misilak jaurti ditu gaur gauean Israelen aurka. Irango Armadak dio Israelek erasoei erantzuten badie "erantzun suntsitzailea" emango dutela. Trumpek iragarri du Netanyahuri deituko diola erantzun ez dezan.