Lau urteko espetxealdia ezarri diote Bizkaiko futbol entrenatzaile bati, neskato bati sexu-abusuagatik
Bizkaiko Auzitegiak lau urteko kartzela-zigorra ezarri dio Bizkaiko emakumezkoen futbol talde bateko entrenatzaile bati, 2022an 14 urteko neskato bati sexu-abusuak egitea leporatuta.
Euskal Autonomia Erkidegoko Justizia Auzitegi Nagusiak ostegun honetan jakitera eman duenez, Bizkaiko Auzitegiaren ebazpenak frogatutzat eman du 2022ko ekainaren 14ko arratsaldean akusatuak "topaketa bat" bilatu zuela adingabearekin, ohiko entrenamendutik kanpo. Korrika egiteko jarrera zuzentzeko aitzakiarekin, bere bizkarrean jarri zen, "haren besoak atzeraka bota zituen, zakila tente zuela, neskatoaren ipurdiaren kontra jarri eta konprimitu arte".
Ebazpena ez da irmoa, eta EAEko Justizia Auzitegi Nagusian errekurritu daiteke. Auzitegiak uste du "akusatuak berarekin topo egin nahi izan zuela" eta "jarrera zuzentzea aitzakia" baino ez zela izan "adingabearen gorputzera hurbiltzeko" eta "salatutako sexu-abusua gauzatzeko".
Bizkaiko Auzitegiak nabarmendu du biktimaren deklarazioa zehatza dela, kontraesanik ez dagoela, eta ezeztatu egin du salaketa "korrika egiteko moduagatik akusatuak atentzioa eman ziolako erresuminagatik izan zela".
Lau urteko kartzela-zigorraz eta bederatzi urtez eskola-futboleko entrenatzaile izateko gaitasungabetzeaz gain, auzitegiak zaintzapeko askatasun-neurri bat ezarri dio akusatuari bost urtez, espetxetik irten ondoren, sexu-hezkuntzako programetan parte hartzeko.
Halaber, auzipetuari debekatu egiten dio biktimarekin komunikatzea edo harengana 500 metro baino gutxiagora hurbiltzea sei urtez, eta 5.000 euroko kalte-ordaina ordaintzea ezartzen dio.
Halaber, Euskal Autonomia Erkidegoko Justizia Auzitegi Nagusiak azaldu dutenez, joan den martxoan, Bizkaiko Auzitegiak hamar urteko espetxe-zigorra ezarri zion pertsona horri, 2015ean eta 2017an bi gazteri sexu-abusuagatik.
Akusatuak aurrekari polizialak ditu sexu-abusuekin lotuta. 2022an atxilotu zuten, DNA probak hartu zizkioten eta akusatua ustezko erasotzailearekin bat zetorrela aztertu zen.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.